Yesus nugau Ze naliupet Luk nug sikut weun 8:10 - Kein

¹⁰ Gonug koli awareun, “Uwait nug duailel gumarabun igul getal wageimai dareun. Ulis ag izal tapaimaranemin dudu, gonun, zebigeg go i marem. Ipal duailel ag tatau ze sag duanemen Gonugun, ag amiag nug piab piab emen, bo, suban i pemen. Ag ze dabuiag nug duaneu duaneu, bo, ag go zebigeg i abiu.” Aisaia 6:9

Yesus nugau Ze naliupet Luk nug sikut weun 8:10 Referans Kwoze

Yesus nugau Ze Naliupet Mak nug sikut manaren 4:11

Gonug koli guzenai awareu, “Uwait nug duailel gumarabun igul getal wageimai dareun. Ulis ag, izal tapaimaranem dudu, gonun, go zebigeg abai marai. Bo, duailel ipal uzaneim darem, iz ag gaul tatau ze eiman sag awarai.

Matiu 11:25

Ziwas go ebu Yesus nug eneun, “Mekai, na tutak Mesgai mui, em mui, agal Banou, iz nait wanim ulapwag mizem, einen, na nait igul naliu abiu macanemen duailel mui, abiu mabun betemen duailel agal ameagab ebu wagememen. Bo, na igul naliu go abiu tamacag duailel unum abai maremen.

Kolosi 2:2

Iz igul go guzenanem, gonun, agal oiagab gusig usalaimai, agzozou agal zaiagar en oiagab noumaimai, oiagab tutak mui gotulai damamen. Ag igul go guzenaimai, ag dabeleu naliu oimai, agal oiagab petak emen go gusig maramau. Gonun, ag Uwait nugau Ze wageimai dareun go abe mamamen. Kristus go nugtal go ze go wageimai dareun.

Rom 16:25

Guzenaimai, ulis ig Uwait ulagwag murab. Gonugtal gonugau Ze Naliupet iz abai mileun agal oiagab go en petak emen go gusig maraba, ag gonugau igul sesamoramamen. Gonun, izan duailel guzenaital awaranem. Izan Yesus Kristus nug ig oigabun ze duailel awaranem. Em usaleun ziwas ebu, alai ulis ze go wageimai dareun. Ulis, Uwait nugtal araog meun.

Matiu 16:17

Yesus nug Saimon koli guzenai aureun, “Saimon, Zona nugau nag, na siksiken! Em ebuan du tub nug ze go na aizab tam, bo, nait ze go izal mekai Mesgai wag dareu, nugtal na abai mizeun.

1 Timoti 3:16

Uwait nugau wagemeun ze nugau bigeg go banou pet. Uwait nugau ze nug ig guzenai araog abai miganeu, ‘Go igual ameigeb ebu du petak usaleun. Uwait nugau Ah Wes nug gonugau igul go naliu pet abai migeun. Uwait nugau tibur agen unum gonugau gusig uligemenin. Go sesamoranemen dudu agen gonugau Ze Naliupet emgasag ipal ebuan duailel unum awaremenin. Guzenina, em ebuan duailel asiu go agal oiagab go en petak emenin. Go Uwait nug koli Mesgai wag imai simai, wanib wag moroun.’

1 Korin 12:11

Bo, gusig go beu beu Uwait nugau Ah Wes gonugtal gonugau dabeleu eiman alaneu. Gonug gonugau dabeleu eim duailel gusig beu beu maraneu.

Yesus nugau Ze Naliupet Zon nug sikut weun 12:40

Uwait nug goagal ameag kumi usalai maraimai, goagal dabeleu tapelai mareun. Guzenaimai, goagal ameag nug suban i pianemen, ag suban i dabilanemen. Tub, ag agal igul eg uteiban, koli oiagab kekulebi, iz agal igul eg zilagai marai.’ Aisaia 6:10 Uwait nug guzeneun.

Yesus nugau Ze Naliupet Mak nug sikut manaren 4:12

Guzenina, Uwait nugau ze doimai, awaraneun du Aisaia nug getal sikut weun ulis petak usaleu. Go guzenai aneun, ‘Ag ein esab agal amiag nug pianeu, bo, ag suban i pianemen. Ag ein ze agal dabuiag nug duaneu, bo, ag suban i doimai, zebigeg abiu I mamamen. Ag zebigeg abiu memen zob, agal oiagab kekulaba, Uwait nug agal igul eg unum zilagai mareu zob.’ Aisaia 6:9 Aisaia nug guzenai sikut weun.”