Yesus nugau Ze naliupet Luk nug sikut weun 4:41 - Kein

⁴¹ Wes eg go ebeu dudu asiu ebalagab danemen, go unum utei wanemen. Wes eg go agen pieaimai, enemen, “Petak, na Uwait nugau Nag.” Yesus nugau gusig ze nug wes eg agal oiagsau tapelai maren, goagen koli aurabun iborain tam. Einen, go abiu Yesus go Uwait nugau Nag.

Yesus nugau Ze naliupet Luk nug sikut weun 4:41 Referans Kwoze

Zems 2:19

Na Uwait tutak dareu abiu ta? Na guzenanem, go naliu. Bo, ag go don, wes eg han Uwait tutak dareu abiu maimai, banban uminaimai, esilakanem.

Yesus nugau Ze Naliupet Zon nug sikut weun 20:31

Bo, Yesus go Kristus, du go Uwait nug gonugau duailel koli imarabun palautina, aleun, go han Uwait nugau Nag pet en agal oiagab petak abun aimai sikut wemin. Guzenaimai, ag go en agal oiagab petak amamen, ag awau muzmuz damamen.

Yesus nugau Ze Naliupet Mak nug sikut manaren 3:11

Duailel ipal agal oiagab oug wes eg go agenag daremenin. Duailel go agenag Yesus uligaimai, go taubibaimai, gusig ulinar, “Petak, na Uwait nugau Nag.”

Matiu 4:3

Ziwas go ebu, Satan nug go waugab zoimai, aureun, “Na Uwait nugau Nag aba, na aiwag e auremen, bret kekulaba, zenen.”

Matiu 26:63

Bo, Yesus go ze mab tam. Gonun, Kaiapas nug kolital aureun, “Na Uwait, go muzmuz awau daneu, nugau wanib pataimai, nait ze gusig maimai, na ig aigen, na Kristus, Uwait nugau Nag ta, tam?”

Matiu 8:29

Dudu aliag go Yesus gusig uloroimai, guzenai auremen, “Na Uwait nugau Nag, na ig erunigabun alem? Na ig uhu migabun alem ta? Igual sisicigabun ziwas ulis tam, aiu ses alamau.”

Yesus nugau Ze Naliupet Mak nug sikut manaren 1:25

Bo, Yesus nug wes eg go gusig ze auraimai, eneun, “Na soen, du go utei alien!”

Matiu 8:4

Guzenaimai, Yesus nug aureun, “Iz igul e guzenem na betei duailel ipal i awaren. Bo, na Uwait ula dacaneu du waugab beteimai, nait enim naliu usaleun abai moromen, peizamau. Peizaimai, na Moses nugau kasai ze sesamoreiba, egun oiba, Uwait ulagwag moromen, go petak duailel unum abiu mamam, na koli naliu usalemen.” Wok Pris 13:49

Matiu 8:16

Umusig mina, duailel ipal agen duailel asiu wes eg go agal oiagab oug daremen Yesus waugab imarai alemen. Yesus nug duailel go wes eg mui, ogusau eim awarina, wes eg go duailel oiagab an utarai wanemen. Yesus nug duailel ipal ebeu mui han kasareun.

Yesus nugau Ze Naliupet Mak nug sikut manaren 1:32

Am nondai, umusig duailel agen agal zaiagar ebeu mui ipal wes eg nug agal oiagab oug dareun mui, imarai Yesus waugab alinar.

Yesus nugau Ze naliupet Luk nug sikut weun 4:39

Yesus nug Saimon nugau tanau air ebeu mui gabuai dareun waugab simai tapai daimai, go ebeu gusig ze aureun. Aurina, go ebeu pigai utei waneun. Air ebeu go uteimai waneun, air go gue asaimai, ipal dudu agal ee mis maimai, gumarai dareun.