Aposel 9:6 - Kein

⁶ Na asaiba, ban uzan sinen. Aiu ses, du tub nug alaimai, na einab igul mabun aizamau.”

Aposel 9:6 Referans Kwoze

Aposel 22:10

Izan koli auremin, ‘Dubanou Ban, iz erunai?’ Dubanou Ban nug koli aileun, ‘Na asaimai, Damaskus uzan sinen, go ebu na Uwait nug erunabun tapai mizabun go aizamau.’

Aposel 26:16

Na asen, iz na izal salau du tapai mizabun na wautab alem. Na beteiba, igul ulis uligem mui, igul aiu ses abai mizai mui duailel awaramam.

Pilipai 2:12

O zaiar, Yesus Kristus nug gonugau memeg nugau ze unum sesamoreun sul, iz getal ag abai daremin, ag guzenemenin, ulis han Uwait nugau Ze sesamoraiban, guzental guzenan. Iz ag Uwait nugau Ze sesamoremenin uligaremin ulis han unum guzental guzenan. Uwait nug agal igul eg ebuan koli imareun, gonun, ag em ebu daiban, uminai mui igul go guzenamamen.

Rom 10:20

Moses nug sag ze go anab tam. Aisaia nug han go Uwait nugau Ze wagemab tam, go nug guzenai ze meun, “Duailel ipal ag iz itanilabun salau mab tam, ag iz peilamamen. Duailel ipal ag iz en kanabai awarab tam, izanag ag waiagab alai.” Aisaia 65:1

Rom 10:3

Uwait nug duair tub gonugau ameg ebu naliu usalabun tapai muraneu, ag igul go suban i abiu. Ag agal igul atai macanemen, go nug Uwait nugau ameg ebu ag duailel naliu darem abai maranemen. Ag igul go guzenanemen, gonun, ag Uwait nugau naliu dabun abu semoracanemen.

Rom 7:9

Getal iz kasai ze i abiu ebu, izal dabeleu iz Uwait nugau ameg ebu du naliu darem aimai ze macanem. Bo, ulis iz kasai ze abiu, gonun, igul eg izal oiab oug dareu go asaimai, iz kasai ze go etuboromin, gonun, iz abiu iz Uwait nugau ameg ebu du naliu tam. Uwait nug kasai ze go iz gonugau ameg ebu naliu awau dabun mileun, bo, kasai ze gonug iz gonugau ameg ebu naliu tam, iz noumemin sul abai mileun, gonun, igul eg izal oiab oug dareu go kasai ze gonug polumileimai, iz abu tub eiman Uwait nug waugab bitabun aileun, gonun, igul go nug iz Uwait nugau ameg ebu naliu tam, iz noumemin sul guzenileun.

Rom 5:20

Uwait nug einen Moses gonugau kasai ze moroun? Kasai ze zuna, duailel ag kasai ze go umkoskos etuborona, kasai ze nug ag igul eg asiu macanemen abai maraneun. Bo, duailel igul eg asiu pet mina, Uwait nug gonugau ougab naliu ebu ag agal igul eg zilarabun isanareun. Gonug ag naliu pet isanareun.

Aposel 10:32

Na dudu ipal Zopa uzan palautaremen, betei du tub wanib Saimon-Pita imai alamam. Go du tub gonugau wanib Saimon go bulumakau nugau galau ebu esab patai macaneu du gonugau zau, ibut ze gasag eim dareu.’

Aposel 10:22

Go ageban koli Pita auremen, “Kornilius go Rom agal malai dudu gumaraneu du banou nug ig palautigen, alemun. Go Uwait nugau Ze sesamoraneu, go Uwait umkoskos ulag zaneu. Zuda duailel agen go en oiagab noumanem. Uwait nugau tibur tub nug na gonugau zau imaiz bitabun aneun. Guzenaimai, nait ze memen, dumau.”

Aposel 10:6

Go du tub gonugau wanib Saimon go bulumakau nugau galau sil esab patai macaneu gonugau zau ibut ze gasag eim dareu.”

Aposel 2:37

Duailel ze go doimai, go oiagab eg wina, Pita mui Yesus nugau ze oi aidanemen dudu ipal mui awaremen, “O Zaiger, ig ulis erunamam?”

Yesus nugau Ze naliupet Luk nug sikut weun 3:10

Guzenaimai, duailel agen kolital kanaboromen, “Ig erunaimai, suban damam?”

Matiu 19:30

Ag go don, dudu asiu ag ulis wanimag banou a daremen, aiu ses ag wanimag tamacag gaul du sul damamen. Bo, dudu ulis gaul daremen, aiu ses ag wanimag banou a damamen.”

Zems 4:6

Bo, Uwait nug gonugau ougab naliu eiman isanigeun. Go igul en, Uwait nugau ze nug eneu, “Uwait nug duailel agtal agal wanimag wag macanemen oi hicaraneu. Bo, duailel agal wanimag i wag macanemen Uwait nug gonugau ougab naliu eiman ag isanaraneu.” Sindaun 3:34

Aposel 9:5

Gonug koli eneun, “Banou, na in?” Zeu go nug koli eneun, “Iz Yesus na iz igul eg milei darem.