Aposel 13:41 - Kein

⁴¹ Uwait nugau ze doimai, awaranemen dudu ipal agen enemen, ‘Ag don, ag eg ze macanemen dudu, ag Uwait nugau Ze duabun uteimai, ag dabeleu asiu oimai, gaul gaul noumamamen. Salau e ulis ag darena, iz guzenai, bo agal oiagab petak i amamen. Dudu ipal agen ag suban awaramam han, bo ag oiagab petak i amamen.’” Habakuk 1:5

Aposel 13:41 Referans Kwoze

1 Pita 4:17

Sisiarabun ziwas waiagab zoi dareu, amegai Uwait nug gonugau duailel sisiaramau. Amegai igual igul sisicigaba, duailel go agal oiagab Ze Naliupet go Uwait nug mareun en petak ab tam ag erunamamen?

1 Tesalonaika 2:16

Iguanag Uwait nugau ze ipal emgasag ebuan duailel abai maremun, Uwait nug ag imarabun dacanemen, go Zuda dudu agen igual abu kuatanem. Go igul sul, ulis agal igul eg asiu pet mai darem i utanemen. Ulis, Uwait nug go dudu en banban aigsisileu.

Aposel 13:47

Einen, Banou nug getal ze gusig guzenai aigeun, ‘Iz ag emgasag ipal ebuan duailel agal al sul marem. Unum emgasag ebuan duailel agen isanarebi, Uwait nug koli imaramau.’” Aisaia 49:6

Yesus nugau Ze naliupet Luk nug sikut weun 16:14

Parisi dudu ipal go aiwag en oiagab noumemen. Guzenaimai, ag go ze doimai, goagen Yesus weloromen.

Aposel 3:23

Duair in go Uwait nugau ze doimai, awaraneu du nugau ze sesamorab tam aba, go Uwait nugau duailel abai i damau. Go Uwait nug eg muramau.’ Lo 18:15, 18-19

Aposel 6:14

Gonug eneun, “Go Nasaret uzanan Yesus nug igual Nou Zau banou tub tigalamau. Gonug igual igul Moses nug abai migeun uteiban, igul awau sesamoran awareun.” Gonug guzenina, domun.

Yesus nugau Ze naliupet Luk nug sikut weun 23:35

Duailel go tapai daremen Yesus pei darena darena, gumaranem dudu banban agen go ir moroimai, ze biabial kuai auremen, “Go duailel ipal isanareun. Go Kristus du go Uwait nug palautendai, aleun zob, nugtal nug isanorou zob.”