Aposel 1:10 - Kein

^10-11 Go mazi wanena, go emes wag piab aimai ameitai darena, dudu aliag goagal tibur galau ausiau mui pigai go waiagab zoi tapai daimai, enemen, “Galili agaig an dudu, ag einen e ebu tapai daimai, emes wag ameitai daremen? Go Yesus go, ulis Uwait nug ag ebuan imai aimai, Mesgai wag sieu pemen sul, aiu ses koli guzental alamau pimamen.”

Aposel 1:10 Referans Kwoze

Yesus nugau Ze naliupet Luk nug sikut weun 24:4

Goagen igul go guzeneun uligaimai, dabeleu asiu oi darena darena, Uwait nugau tibur aliag agal tibur galau ausiau pet pigaital, waiagab alai tapai daremen.

Yesus nugau Ze Naliupet Zon nug sikut weun 20:12

Uwait nugau tibur aliag tibur galau ausiau mui go Yesus nugau noumeun enib gabuai memen ebu hoboi daremen. Tub gagalig eiman hoboi dareun, tub nug arab eiman hoboi dareun uligeun.

Araogan Ze 7:14

Iz koli go guzenai auremin, “Du banou, nagtal na abiu. Na iz ailen.” Gonug iz koli guzenai aileun, “Duailel go agal iwai zaiagar agen uhu maraimai, mu banou marena, go gusig tapai danemen. Ag agal tibur galau huia go Sipsip Nag nugau eseu sil ulusemen, gonun, agal tibur galau ausiau pet usaleun.

Yesus nugau Ze Naliupet Mak nug sikut manaren 16:5

Guzenaimai, ag go aizau ob oug simai, mogoi awau tibur galau ausiau mui aizau ob oug ebeg naliu eiman hoboi dareun peimai, esilakemen.

Aposel 10:30

Kornilius nug koli aureun, “Gil ainarai mazieun ebu, iz umusig izal zaueim Uwait aurai daremin ebu, pigai du tub go tibur galau ausiau mui izal amei ebu zoi tapai daimai, aileun, ‘Kornilius, Uwait go nait auremen ze doun. Nait salau duailel ipal isanaranem gonug na en ougab siksikeu.

Matiu 28:3

Gonugau siameg amel nugau hilanau sul. Gonugau tibur galau pi ausiau sul.

Matiu 17:2

Go agal ameag ebu, Yesus nugau enib kekulaimai, ataipet usaleun uligemen. Gonugau siameg am ameg sul uligemen, gonugau tibur galau han am nugau hilaneu sul.

Araogan Ze 3:4

Bo, Sardis uzan dudu tutak tutak agal tibur galau unu tamacag mui daremen. Ag dudu naliupet pet, gonun, ag tibur galau ausiau maimai, iz ibail aidamamen.

Aposel 10:3

Ziwas tub umusig ebu, Uwait nugau tibur tub nug wabil ebu go waugab zoimai, aureun, “Kornilius.”