Pahayag 18:16 - Bayun Tipan sa Aytan Mag-Indi

¹⁶ Buy sabin lay, “Mamakapalunus ya abiin ya pikatandan na balayan. Gawan ya mani tawu baydu awlagi, nagyaming silan yaming nga linu ya kulay muradu buy naudit buy pinakangêd lay lawini la un gintu, maulagay batu buy perlas!

Pahayag 18:16 Referans Kwoze

Pahayag 17:4

Kulay naudit buy muraduy yaming babayi. Nakatêkay yan gintu, maulagay batu buy perlas. Mitatalan yan basuy gintu ya napnun kadawakan na buy mamakapadêng-êy ya pamikikanayun na.

Pahayag 18:19

Gawan sa kalungkutan la, binyanan lan abuy ulu la buy mitatangis sila. Sinabi la, “Mamakapalunus sa nalyari sa pikatandan na balayan. Gawan sa kapamilatan pibandiyan na, binumandi ya kaganawan dilag barku sa dagat. Nuwa kay sa gisay uras, nitas sa kaganawan!

Pahayag 17:3

Tambêng kun natanam ma natupus sakun Ispiritun Bapan Namalyari. Buy gintan nakun ang-el sa kakyangan. Nakit ku bayduy babayi ya nakasakay sa matubag ga ayup pa kulay naudit. Ya matubag ga ayup, dilag yan pituy ulu buy dilag yan mapuy sungay. Buy nakatatak sa buun lawini nay mani lagyuy mamustak kan Bapan Namalyari.

Pahayag 18:18

Kaban pan-êlêwên lay asuk balayan na pan-ulamên, masnêg lan pansabin, “Ayin kaparisuy ati ya pikatandan na balayan!”