Pahayag 14:7 - Bayun Tipan sa Aytan Mag-Indi

⁷ Ati ya masnêg nan sinabi, “Malimu kaw kan Bapan Namalyari buy idin yu kanay panggalang yu, gawan panawun nan pangukum na. Ulimênên yu si Bapan Namalyari ya nanyag langit, luta, dagat buy mani sibul.”

Pahayag 14:7 Referans Kwoze

Pahayag 15:4

Sisabêt ta asê malimu buy asê mangulimên kamu? Kay sikay banal. Magdani kamun mangulimên na mani tawu sa kaganawan bansa gawan nakit kaganawan ya matinêk ka diyag mu.”

Pahayag 11:18

Natubag-tubag ga mani tawuy asê mangilala kamu, nuwa niras say panawun tubag mu, buy pangatul mu sa mani nati. Panawun nan biyan mun gantimpalay mani propetay maglingkud kamu, ya mani pinili mun kay kamu buy ya kaganawan naglimu kamu, nipagtungkulan man o ayin. Panawun nan pallipul mun mani nallasak sa babun luta.”

Pahayag 4:11

“Bapan Namalyari ya Panginuun yan, kay sikay naspat mananggap panggalang, pamarangal, buy kapangyarian. Ta sikay nanyag kaganawan buy sa kapamilatan kalabayan mu, nadyag buy nabiyan silan biyay.”

Pahayag 11:13

Sa uras êt ta abitu, nangayun sadyay lakas. Buy nalasak ka ikamapuy baagin balayan Jerusalem buy pituy libuy tawuy nati. Taganan nalimwan mani tawuy nitagan buy nangulimên sila kan Bapan Namalyari ya idi sa langit.

Pahayag 18:10

Midêng sila sa marayu gawan malimu silan miawyun sa parusa na. Sabin lay, “Mamakapalunus bayna! Gawan kay sa gisay uras, nayari ya pamarusa sa mani tawuy idi sa pikatandan na balayan Babilonia!”

Pahayag 16:9

Nuwa agyan natêktêk silayna, a sila pun êt nagsisi sa mani kasalanan la buy a la inulimên si Bapan Namalyari ya dilag kapangyarian mamipagtan salut, nun a dinustak laya pun êt.

Pahayag 4:9

Ya apat ta nabyay ya inlalang, mamarangal buy magpasalamat sila sa nakaiknu sa turonu ya mambumyay kanuman.

Mani Dyag 14:15

“Mani kaluguran, uysiyan mag-andug kaw ya kanyan ta? Pakan kay kaparisu yukay yan tawu. Pan-iaral yan kamuyuy Mangêd da Balita amên itgên yinay pangulimên yu sa mani diyusdiyusan ya ayin kapukatan buy magdani kaw kan Bapan Namalyari ya nabyay. Sabay siyay nanyag langit, luta, dagat, buy siyay nanyag kaganawan idi baydi.

Pahayag 19:5

Pamakayari, dilag gakun nalêngêy tunuy ya ubat sa turonu nay magsabin paradi, “Mangulimên kaw sa Panginuun tamun Namalyari, sikaw wa kaganawan maglingkud kana, buy sikaw wa dilag limu kana, nipagtungkulan man o ayin!”

Pahayag 8:10

Sên pinasnêg ga êt ikatlun ang-el ya patutut na, ubat sa langit, nanabu sa ikatlun baagin kaganawan mani ilug buy mani sibul ya gisay maragul la bêtêwên ya magdêkêtdêkêt.

Lucas 17:18

Uysiyan kay dayuwan yay nag-udung amên mangulimên kan Bapan Namalyari ta?”

Pahayag 18:19

Gawan sa kalungkutan la, binyanan lan abuy ulu la buy mitatangis sila. Sinabi la, “Mamakapalunus sa nalyari sa pikatandan na balayan. Gawan sa kapamilatan pibandiyan na, binumandi ya kaganawan dilag barku sa dagat. Nuwa kay sa gisay uras, nitas sa kaganawan!

Pahayag 18:17

Buy kay sa gisay uras, nitas sa kaganawan pibandiyan balayan na abiin!” Buy ya kaganawan kapitan buy nakasakay sa barku kaparisun mani manawup sa mani barku buy mangabyayan sa dagat, nidêng sila sa marayu amên êlêwên lay nalyari.

1 Pedro 4:7

Marani yay katganan babun luta. Kabay mangisip kaw mangêd buy bênbênan yuy sarili yu amên makapanalangin kaw.

Mateo 25:13

Buy sinabin Jesus, “Pawa kaw maglêan, gawan a yu tanda nu sabêt ta allu o uras pag-udung ku.”