Pahayag 11:18 - Bayun Tipan sa Aytan Mag-Indi

¹⁸ Natubag-tubag ga mani tawuy asê mangilala kamu, nuwa niras say panawun tubag mu, buy pangatul mu sa mani nati. Panawun nan biyan mun gantimpalay mani propetay maglingkud kamu, ya mani pinili mun kay kamu buy ya kaganawan naglimu kamu, nipagtungkulan man o ayin. Panawun nan pallipul mun mani nallasak sa babun luta.”

Pahayag 11:18 Referans Kwoze

Pahayag 20:12

Buy nakit kun nakaidêng sa arapan turonun Bapan Namalyari ya kaganawan nati, nipagtungkulan man o ayin buy dilag imbuklat ta mani libru. Pamakayari, nibuklat ta gisa pun na libru ya sabay ya librun biyay. Buy ya mani nati, inatulan sila ayun sa mani dinyag lay nakasulat sa mani libru.

Pahayag 19:5

Pamakayari, dilag gakun nalêngêy tunuy ya ubat sa turonu nay magsabin paradi, “Mangulimên kaw sa Panginuun tamun Namalyari, sikaw wa kaganawan maglingkud kana, buy sikaw wa dilag limu kana, nipagtungkulan man o ayin!”

Pahayag 13:10

Sisabêt man na tawuy intakdan dakpên, dakpên ya. Buy sisabêt man na intakdan mati sa ispada, mati ya êt sa ispada. Kabay ya mani pinilin Bapan Namalyarin kay kana, kaylangan lan mibabata buy manugêl tapat kana.

Pahayag 22:12

Sinabin Jesus, “Mallêngê kaw! Marani yakinan lumatêng! Idi kangkuy gantimpalay idin ku sa balang gisa ayun sa mani dinyag na.

Pahayag 15:7

Amêsên, ya gisa sa apat ta nabyay ya inlalang, nam-i ya sa pituy ang-el un tisay gintuy maragul la silyaw ya nanapnun tubag Bapan Namalyari ya mambumyay kanuman.

Pahayag 15:1

Amêsên, nakakit takina êt taganan mamakaupapas sa langit. Dilag pituy ang-el baydu ya dilag gêgtan na pituy katatawliyan na salut. Abiin ya kayaryan tubag Bapan Namalyari.

Pahayag 14:10

sabay silay makadanas sa sadyay tubag Bapan Namalyari, ta parusan na sila sa apuy buy sa asupri sa arapan Biserun Tupa buy sa mani banal la ang-el na.

Hebreo 9:27

Intakda sa mani tawuy kay katamisan mati buy pamakayari, pangukum man Bapan Namalyari.

Lucas 1:50

Pangkalunusan nay mani tawuy dilag limu kana ubat pun sabitun nunan panawun anggan makanuman.

Mateo 5:12

Ta para êt baysên na mangadanasan mani propeta awlagi. Kabay nu mangadanasan yuy abiin, magsaya kaw buy matula, tagawan maulagay gantimpala yu sa langit.”

Pahayag 20:15

Sisabêt man na asê nakasulat ta lagyu sa librun biyay, isamwag ya sa lawa ya dilag apuy ya magdêkêtdêkêt.

Pahayag 18:6

Kabay nu parasaantuy dinyag na kamuyu, para êt bayduy daygên yu kana buy ablasên yun dobli pun sa dinyag na. Gawan tinuksu nay mani tawu sa babun lutay makikanayun kana, dobli pun sa dinyag nay madanasan nay tubag Bapan Namalyari.

Pahayag 11:2

Nuwa agana mina sukadên na lawasan Templu, gawan abituy indin sa mani tawuy asê manampalataya kan Bapan Namalyari. Buy ya mani tawun abiin, sakupun lay Banal la Balayan Jerusalem sa lalên apattapu buy luway buwan.

Pahayag 19:15

Ya pambêgên Sabin Bapan Namalyari, man-umawas sa bêbêy nay matarêm ma ispada ya sabay ya gamitin na sa panambut sa mani bansa. Mag-ari yan maigpit kalla. Nu parasaantuy pamêspês ubas sa pamêspêsan, para êt bayduy tubag Bapan Namalyari ya Makapangyarian sa kaganawan.

Pahayag 10:7

Nu patunuyun ikapitun ang-el la patutut na, tuparên Bapan Namalyari ya palanu nay nakaliim, kaparisun impatanda na awlagi sa mani propetay lingkud na.”

Pahayag 13:16

Pinilit ikalway matubag ga ayup pa kaganawan tawun tatakan na wanan gamêt la o ya waêng la, nipagtungkulan man o ayin, mabandi man o kalulu, ipus man o asê.

Pahayag 19:18

Ta kanên yuy mani lawinin mani ari, ya mani kapitan sundalus buy mani sundalus la, ya mani nakasakay buy mani kabayu la, buy ya kaganawan tawu, ipus man o asê, nipagtungkulan man o ayin.”