Mateo 5:44 - Bayun Tipan sa Aytan Mag-Indi

⁴⁴ Nuwa amêsên, pansabin ku kamuyuy ‘Kaidwan yuy mani kapati yu buy manalangin kaw para sa mani mamasakit kamuyu.’

Mateo 5:44 Referans Kwoze

Roma 12:14

Manalangin kaw kan Bapan Namalyari ya pagpalên nay mani tawuy mamasakit kamuyu. Pagpalên yu sila buy agana yu sila isumpa.

1 Pedro 3:9

Agana yu ablasên nadawak ya manyag kamuyun nadawak buy agana yu êt ablasên pandustak ya mani mandustak kamuyu. Nun a manalangin kaw kan Bapan Namalyari ya pagpalên na sila, tagawan binêg kaw Bapan Namalyari ya daygên yuy abiin amên pagpalên nakaw êt.

Lucas 23:34

Amêsên, sinabin Jesus, “Bapay patawarên mu sila tagawan a la tanday pandaygên la.” Pinibabagutan mani sundalus ya yaming Jesus.

1 Pedro 2:23

Dinustak ya, nuwa a ya nangablas pandustak. Pinasakitan ya, nuwa a ya namanta, nun a intiwala nay kaganawan kan Bapan Namalyari ya matinêk ka mangatul.

Mani Dyag 7:60

Pamakayari, nanduku ya buy masnêg nan sinabi, “Panginuun, patawarên mu sila sa kasalanan na pandaygên la kangku.” Buy pamakasabi nan abiin, nati ya.

Juan 13:34

Amêsên, ati ya bayuy utus sa idin ku kamuyu. Miiidu kaw. Nu para kataw saantun inidu, para kaw êt baydun miiidu sa balang gisa.

1 Tesalonica 5:15

Nu dilag nanyag nadawak kamuyu, agana yuya ablasên, nun a pagpilitan yun manyag mangêd sa balang gisa buy para êt baydu sa kaganawan tawu.

Mani Dyag 16:28

Nuwa masnêg sinabin Pabloy, “Agana ka magpakamati! Abiti kay kaganawan!”