Mateo 5:4 - Bayun Tipan sa Aytan Mag-Indi

⁴ Pinagpalay mani tawuy sadyay lungkut, tagawan samungun silan Bapan Namalyari.

Mateo 5:4 Referans Kwoze

Pahayag 21:4

Punisan nay mani luwa la. Ayin nan kamatyan, kalungkutan, tangisan, o sakit, ta nilabas say manan kabilyan.”

Lucas 6:21

Pinagpala kaw wa mani layangên amêsên, tagawan mabsuy kaw. Pinagpala kaw wa mani manangis amêsên, tagawan mangkayli kaw.

Santiago 1:12

Pinagpalay tawuy mapamibabata sa mani kasakitan, gawan nu nalampusan nay ati, matanggap nay gantimpala na, ya sabay ya biyay ya ayin katganan na impangakun Bapan Namalyari sa mani tawuy mangidu kana.

Lucas 16:25

“Nuwa nakitbay si Abraham, ‘Anak, ganakên mu sabitun nabyay ka pun sa babun luta. Nagpakapda ka, pakan si Lazaroy naman, pawan kasakitan na nadanasan na. Kabay masaya ya amêsên baydi, nuwa sika, idi ka amêsên baysên na magkasakit.

Lucas 6:25

Sikaw wa nangabsuy amêsên, mamakapalunus kaw lanu, ta lumayang kaw. Sikaw wa mani mangkayli amêsên, mamakapalunus kaw lanu, ta magluksa kaw buy mipanangis.

Lucas 7:50

Sinabin Jesus sa babayi, “Niligtas kayna sa parusa, gawan sa panampalataya mu kangku. Muli kaynan napatêtbêk ka nakêm.”

Lucas 7:38

Amêsên, sên idi ya bayduy babayi, nagdani ya sa kabukutan Jesus sa danin bitis na. Nanangis ya baydu angga sa napitakan luwa nay bitis Jesus. Kabay pinunis nan sabut nay ati, dinêp nay bitis buy pakanawa nan binulugan pabangi.