Mateo 28:7 - Bayun Tipan sa Aytan Mag-Indi

⁷ Kamutun yun lakwên na mani tagasunul na buy sabin yu kallay nabyay ya buy muna ya sa Galilea. Buy makit yuya baydu. Kay abiin tanay masabi ku kamuyu.”

Mateo 28:7 Referans Kwoze

Mateo 26:32

Nuwa pamakayari kun mabyay manguman, muna ku kamuyu sa prubinsyan Galilea.”

Mateo 28:10

Sinabin Jesus kallay, “Agana kaw malimu. Lakwên yuy mapatêl ku buy sabin yu kallay maku sila sa Galilea. Baydu laku makitan.”

Juan 16:4

Sinabi kina kamuyuy abiin amên nu malyari yanay pamisakit, maganaka yuy sinabi ku kamuyu.” “A ku sinabi kamuyu sabitun nunay tungkul sa pamisakit, tagawan kaawyun yuku pun.

1 Corinto 15:4

In-ilbêng ya buy nanguman nabyay sa ikatluy allu, ayun êt sa pansabin Kasulatan.

Juan 14:29

Pansabin ku kamuyuy ati bayu pun malyari amên nu nalyari yana, maniwala kaw kangku.

Lucas 24:34

ya magsabi kallan luwa, “Pêtêg awêd da nanguman nabyay ya Panginuun, ta nagpakit ya kan Simon Pedro!”

Marcos 16:13

Tambêng silan nag-udung sa mani kaawyun la sa balayan Jerusalem buy imbalita lay nagpakit kalla si Jesus, nuwa a sila êt labay paniwalan.

Marcos 16:10

Naku si Maria ya taga Magdala sa mani tagasunul Jesus buy imbalita nay nakitan na. Sa uras abitu, manêmtêm buy manangis sila.

Marcos 14:28

Nuwa pamakayari kun mabyay manguman, muna ku kamuyu sa prubinsyan Galilea.”

Mateo 24:25

Kabay mangillag kaw! Sinabi kuy abiin kaban asê pun nalyari.”

1 Corinto 15:6

Pamakayari, nagpakit yan katamisan sa maigit liman dalan na mapatêl la mititipun. Malakê kallay nabyay pun angga amêsên, nuwa ya kaatag kalla, nati yana.

Mateo 28:8

Kinamut namitan luway babayi sa pinilbêngan ya dilag limu buy tula. Nuwayu silan naku sa mani tagasunul amên ibalita lay nalyari.