Mateo 27:22 - Bayun Tipan sa Aytan Mag-Indi

²² Nanguman namatang si Gobernador Pilato, “Sabêt ta labay yun daygên ku sa pambêgên Cristu?” Nakitbay ya kaganawan, “Ipaku ya sa kurus!”

Mateo 27:22 Referans Kwoze

Mani Dyag 13:38

Kabay sikaw wa mapatêl, sêpat yun matandan na sa kapamilatan dinyag Jesus, pan-ipatanda yan na mapatawad Bapan Namalyari ya mani kasalanan tamu. Ta sisabêt man na manampalataya kan Jesus, pan-ituwad yan Bapan Namalyarin matinêk. Nuwa ayin tawuy pan-ituwad Bapan Namalyarin matinêk sa kapamilatan panunul na sa Kautusan na impasulat kan Moises.

Marcos 14:55

Ya mani mamunun pari buy kaganawan mangatwan Judioy mangatuynungan, mangkap silan magpapêtêg laban kan Jesus amên maatulan layan kamatyan. Nuwa ayin silan nakitan.

Mateo 27:17

Sên nititipun na mani tawu, pinatang silan Gobernador Pilato, “Sisabêt ta labay yun ibus ku? Si Barabbas o si Jesus ya pambêgên Cristu?”

Mateo 1:16

Si Jacob ya bapan Jose ya asawan Maria. Si Maria ya indun Jesus ya pambêgên Cristu.

Mateo 27:21

Kabay namatang nanguman si Gobernador Pilato sa mani tawu, “Sisabêt sa luway labay yun ibus ku?” Masnêg lan sinabi, “Si Barabbas!”

Mateo 27:23

Pinatang silan Gobernador Pilato, “Awta, sabêt ta dinyag nay kasalanan?” Nuwa ingkakadus sinabin mani tawuy, “Ipaku ya sa kurus!”

Juan 4:25

Sinabin babayi, “Tanda kuy lumatêng nga Mesiyas ya pambêgên Cristu. Pamakalatêng na, siyay mipatanda kanyan kaganawan bagay.”

Mani Dyag 13:28

Agyan ayin silan sêpat ta sangkan amên patin ya, inyawad la pun êt kan Pilatoy ipapati si Jesus.