Mateo 22:33 - Bayun Tipan sa Aytan Mag-Indi

³³ Sên nalêngên mani tawuy pangaral na, nakaupapas sila.

Mateo 22:33 Referans Kwoze

Juan 7:46

Nakitbay sila, “Babayu kay pun nakalêngên tawuy magsabin parabaysên.”

Lucas 4:22

Nakaupapas ya kaganawan tawu buy sinabi la, “Pawan mangêd da pagsabi na! Pakan kay anak yan Jose ya kabaryu tamu ta!”

Lucas 2:47

Ya kaganawan tawuy idi bayduy nakalêngê, nakaupapas sila sa kabiyasnan na buy sa mani pakitbay na.

Marcos 12:17

Kabay sinabin Jesus kalla, “Nu parabaydu, idin yu sa Emperador ya para sa Emperador. Buy idin yu kan Bapan Namalyari ya para kan Bapan Namalyari.” Taganan nakaupapas sila sa sinabi na.

Marcos 6:2

Sên Alluy nan Pagpaynawa, sinumun ya sa balin pagtipunan mani Judio buy nangaral ya baydu. Malakêy nallêngê kana ya nakaupapas sa balang sinabi na. Sinabi la, “Saantu nan nakway kabiyasnan na? Sabêt ta kabiyasnan na indin kana? Buy parasaantu yan nakadyag mamakaupapas?

Mateo 22:22

Sên nalêngê lay pikitbay Jesus, nakaupapas sila. Kabay namita sila tana.