Mateo 13:57 - Bayun Tipan sa Aytan Mag-Indi

⁵⁷ Kinasêman laya. Kabay sinabin Jesus kalla, “Ya gisay propeta, panggalangên ya agyan dakun saantuy lugal, liban tana sa sarili nan balayan buy pamilya.”

Mateo 13:57 Referans Kwoze

Juan 4:44

Si Jesus ya nagsabin ya gisay propeta, asê panggalangên sa sarili nan lugal.

Mateo 11:6

Buy sabin yu êt kanay pinagpalay tawuy asê magluway nakêm kangku!”

Lucas 4:24

Sinabi pun êt Jesus kalla, “Pansabin ku kamuyuy ayin propetay pantanggapên sa sarili nan balayan.

Juan 6:61

Nuwa agyan ayin magsabi kana, tandan Jesus ya piaayasan mani tagasunul nay in-aral na. Kabay sinabi na kallay, “Natibsê kaw nayi sa sinabi ku?

Juan 6:42

Sinabi la, “Alwa nayin kay si Jesus ya abiin ya anak Jose? Siyan pansabin nayay ubat ya sa langit ta, pakan kay kilala tamuy mangatwa na?”

Lucas 7:23

Pinagpalay tawuy asê magluway nakêm kangku.”

Marcos 6:14

Natandan Gobernador Herodes Antipas ya tungkul kan Jesus, gawan pikatandan ya agyan dakun saantu. Dilag magsabin, “Siya si Juan ya Mamawtismu ya nanguman nabyay. Kabay mamakadyag yan mamakaupapas.”

Marcos 6:3

Pakan kay kalpinteru ya buy ya indu na, si Maria buy ya mapatêl na sabay silan Santiago, Jose, Judas, buy si Simon buy ya mapatêl nay babayi, kay kabaryu tamu êt?” Kabay kinasêman laya.

Mateo 13:58

Asê nanyag baydun malakêy mamakaupapas si Jesus, gawan a sila manampalataya kana.

Marcos 6:1

Namita si Jesus sa lugal abitu. Naku ya sa Nazaret sa balayan na kinaragulan na, kaawyun nay mani tagasunul na.

Marcos 6:4

Amêsên, sinabin Jesus kalla, “Ya gisay propeta, panggalangên ya agyan dakun saantuy lugal, liban tana sa sarili nan balayan, kamag-anak buy pamilya.”