Mani Dyag 7:36 - Bayun Tipan sa Aytan Mag-Indi

³⁶ Si Moises êt ta namiawas kaparisu nan Israelita sa kasakitan la baydu sa Egipto. Nanyag yan mani mamakaupapas buy mani tanda' sa Egipto, sa Dagat ta Naudit buy sa kakyangan sa lalên apattapuy tawun.

Mani Dyag 7:36 Referans Kwoze

Hebreo 8:9

Ya bayuy kasunduwan, asê kaparisun nunan kasunduwan na dinyag ku para sa mani ninunu la sabitun insalwang ku sila sa bansan Egipto. A la sinunul la kasunduwan ku kalla. Kabay pinaulayan ku sila.”

Mani Dyag 13:18

Sa lalên apattapuy tawun, pinibabatan na sila baydu sa kakyangan.

Mani Dyag 7:42

Gawan baydu, tinalibatukan silan Bapan Namalyari buy pinaulayan na silan mangulimên sa allu, buwan, buy bêtêwên sa langit. Ya dinyag la, kaparisun insulat mani propeta sabitun nuna, ‘Sikaw wa mani Israelita, sa lalên apattapuy tawun sa kakyangan, namiandug kaw mani pinati ya saysay, nuwa alwan sikuy piniandugan yu.

Juan 4:48

Sinabin Jesus kana, “Anggan a kaw makakit mamakaupapas buy mani tanda', a kaw pun maniwala kangku.”

Hebreo 3:8

Agana yu pakunatên na bêkê yu, kaparisun dinyag mani ninunu yu sabitun nuna. Tagawan sabitun mamita sila sa kakyangan, a sila nanunul kan Bapan Namalyari nun a sinubukan laya pun êt.”

Hebreo 3:9

Sinabin Bapan Namalyari, “Agyan nakitan lay nay mamakaupapas sa dinyag ku sa lalên apattapuy tawun, sinubukan laku pun êt.