Juan 11:8 - Bayun Tipan sa Aytan Mag-Indi

⁸ Nakitbay sila kana, “Manuru, uysiyan labay muyan mag-udung ka sa Judea ta pakan dakun nakanu pun, labay kan batwan mani Judio baydu?”

Juan 11:8 Referans Kwoze

Juan 10:31

Sên nalêngên mani Judioy abiin, nanguman silan namulut batuy pamatu la kan Jesus.

Juan 8:59

Gawan sa sinabi na, namulut batuy mani tawu amên batwan ya. Nuwa nakapagtagu si Jesus buy namita ya sa Templu.

Juan 10:39

Gawan sa sinabin Jesus, dakpên nina dayin mani Judio, nuwa a laya nadakêp.

Mani Dyag 20:24

Nuwa asê maulaga kangkuy biyay ku. Ya maulaga kangku, mayari kuy pan-ipadyag kangkun Panginuun Jesus ya sabay ya pamipatandan Mangêd da Balita tungkul sa kangêdan Bapan Namalyari.

Mateo 23:7

Labaylabay lan galangên silan mani tawuy malibasan la buy bêgên ‘Manuru.’ ”

Mateo 23:8

“Nuwa sikaw, agana kaw pabêg ‘Manuru’, tagawan mipapatêl kaw kaganawan buy kay sikuy Manuru yu.

Juan 4:31

Kaban ayin pun na babayi, nakisabi ya mani tagasunul kan Jesus, “Manuru, mangan kayna.”

Juan 11:19

Kabay malakêy Judioy ubat sa Jerusalem ya nakun nakidamay kallan Marta buy kan Maria sa pangamatin patêl la.