Hebreo 3:15 - Bayun Tipan sa Aytan Mag-Indi

¹⁵ Isipin tamun manguman na idi sa Kasulatan, “Nu malêngê yun magsabi amêsên si Bapan Namalyari, pakalêng-ên yuya! Agana yu pakunatên na bêkê yu, kaparisun dinyag mani ninunu yu sabitun a sila nanunul sa utus Bapan Namalyari.”

Hebreo 3:15 Referans Kwoze

Hebreo 10:38

Buy sinabi pun êt Bapan Namalyari, “Ya tawuy matinêk sa pangêlêw ku, bumyay ya ayun sa panampalataya na. Nuwa nu magpabukut ya kangku, a yina kapapaidu kangku.”

Hebreo 10:29

Amêsên, nu pampatin na tawuy mallabag sa Kautusan, luyang ngay tawuy mandustak sa Anak Bapan Namalyari. Mas nabyat ta parusay matanggap na, gawan pandaygên nan ayin kapukatan na dayan Jesus ya sabay ya nallinis sa mani kasalanan na buy nagpapêtêg sa kasunduwan Bapan Namalyari. Agyan na Ispiritun Bapan Namalyari ya nam-i kantamun kangêdan na, dinustak na êt. Kabay taganan nabyat ta parusay idin sa tawun abiin!

Hebreo 4:7

Kabay pamakalibas nabuyut ta panawun, intalagay na êt Bapan Namalyari ya gisa pun na allun kapaynawan. Ya allun abiin sabay ya “amêsên” gawan sinabin Bapan Namalyari sa kapamilatan David, “Nu malêngê yun magsabi amêsên si Bapan Namalyari, pakalêng-ên yuya! Agana yu pakunatên na bêkê yu.”