2 Juan 1:11 - Bayun Tipan sa Aytan Mag-Indi

¹¹ Tagawan na mandambi kalla, miawyun nina sa nadawak ka pandaygên la.

2 Juan 1:11 Referans Kwoze

1 Timoteo 5:22

Sa pamili mun mamunu sa mani manampalataya, agana ka patutulsub buy agana ka êt patutulsub mamipaluntun gamêt mu kana amên biyan yan karapatan mamunu. Ta nu dilag yan kasalanan, dat midamay ka sa kasalanan na. Pagpilitan mun pawan malinis ya pangatawu mu.

Efeso 5:11

Agana kaw makiawyun sa mani ayin kapukatan na pandaygên mani tawuy mambumyay sa kadlêman, nun a sabin yu kallay kadawakan la.

Pahayag 18:4

Amêsên, nalêngê kina êt ta gisay tunuy ya ubat sa langit. Sinabi na, “Sikaw wa mani pinili kun kay kangku, lakwanan yuya. Agana kaw makiawyun sa kasalanan na amên a kaw miawyun sa kaparusan na nakal-an kana.

Hebreo 5:13

Ya mani mambumyay sa gatas, mani kulaw buy a la pun tanda nu sabêt ta mangêd buy nadawak.

Judas 1:23

Ya kaatag nangalilitêp sa asê pêtêg ga aral, para silan marani yan minabu sa apuy ya asê mangapalêng. Kabay sawpan yu sila êt amên miligtas sila sa parusa. Ya kaatag pun na pawan manyag nadawak, kalunusan yu sila êt. Nuwa mangillag kaw ta dat miawyun kaw sa mani kadinatan na pandaygên la.