Lucas 9:28 - Hen alen Apudyus

²⁸ Angkay émméy ménat ah ihay chuminggu nanepod hen nangaryan Jesus an nadchi yag enayagana cha Pedro an Juan yah Jaime yag émméycha ah filig way manluwaru.

Lucas 9:28 Referans Kwoze

Lucas 6:12

Angkay hiyachi yag émméy ah Jesus hen ihay tagéytéy way lommabrafi way manluwaru an Apudyus.

Lucas 9:18

Angkay hen-argawan way ommanggay ah Jesus way chan luwaru, émméy hen anchichay pasorotna an hiya, yag ah Jesus, henanhanana an chicha way mangaliyén, “Nokayà ngata ah hamhamà hen tatagu.”

Lucas 8:51

Angkay hiyachi way inumchahcha ah faréy hen anchi natéy, anchag an hi-i-ifil amin hen anchichay tatagu. Yag anat ekat Jesus an chichéén, “Anggay, achiayu ammag chan kelakela te cha-an angkay natéy hen annay ongaanna te an yanggay nanasséy.” Yachi yag hinénggép ah Jesus yag empawana hen mì-ighépan hen tatagu te anggay yanggay cha Pedro an Jaime yah Juan ya anat hen chinàcha-ar hen anchi natéy ah emparufusna way mì-ighép.

Marcos 6:46

Angkay empaligwatna chicha, émméy hen ihay tagéytéy way i manluwaru.

Marcos 1:35

Angkay nawakas, fummangon ah Jesus hen na-apeh yag ginumhad way i manluwaru hen ihay lugar way maid tatagu.

eHebreo 5:7

Hen anchi kawad-an Jesus hen antoy lota, magénén chana eparà way mankela hen chana manluwaruwan an Apudyus te hiya yanggay hen makaharà an hiya hen matéyana. Yag chengngar agé Apudyus hen luwaruna, te inyu-uyan Jesus hen hamhamàna hen heno way laychén Apudyus.

2 eCorinto 13:1

Petlò tot-owa ad uwan way umalehna way mangilan chàyu, wat no ichahà hen tapena an chàyu way é-éttégna hen chana fumasoran, kapeletan way machusa. Ngém masapor wacha chillu hen toro ono chuway tatagu ah mangistigu hen anchi laweng way enammaana, te yaha chillu hen ekat anchi nesosorat way alen Apudyus.

Lucas 3:21

Angkay hiyachi way nafunyagancha amin hen anchichay tatagu yag nafunyagan agé ah Jesus. Yag hen chana manluwaruwan, ammag namfuat ad uchu

Mateo 5:1

Angkay hiyachi way innilan Jesus hen anchi ammag chuar way tatagu, émméy hen anchi tagéytéy yag tummùchu wat enamongan hen anchichay pasorotna hiya.

Mateo 14:23

Angkay hiyachi way lommayawcha hen anchichay tatagu wat ommanggay ah Jesus way i manluwaru hen anchi tagéytéy. Yag yachi way cha homelang, é-éttég Jesus hen anchi tagéytéy.

Lucas 5:16

Ngém hen aw-awniyanén émméy ah Jesus way i omanggay way manluwaru.

Juan 6:3

Yachi yag ommabrat cha Jesus ya hen anchichay pasorotna hen ihay tagéytéy yag intùchucha.

2 Pedro 1:16

Hen aminay intudtuchuni an chàyu mepanggép hen mamfangchan Apotaaway Jesu Cristu ya hen mannakafalinna, faén ammag hudhud way narpoh kenaraeng hen tatagu, te innilan paat hen matani hen hummiliyan hen kena-apudyusna.