eHebreo 5:8 - Hen alen Apudyus

⁸ Te uray no hiya hen anà paat Apudyusat penachasna hen kapàpàgangan hen omafurotan.

eHebreo 5:8 Referans Kwoze

iFilipos 2:8

Yag angkay namfalin ah tatagu, empafafana hen acharna way manga-abfurot an Amana, tàén yachin inyatéyna hen nelansaana hen koros.

Juan 4:34

Ngém an peet an chan pani ah Jesus, te ekatnéén, “Hen chà anén way cha managu an haén wat hen chà mangammaan hen anchi laychén Apudyus way nannag an haén, ya ta lopasê way mangamma hen anchi impiyarna an haén.”

Juan 15:10

Yag no chayu afuroton hen intudtuchù, chayu tot-owa ifiin hen layad-on chàyu, way kaman an haén way chà agé ifiin hen layad Ama an haén te chà afuroton hen imfagana.

Juan 6:38

Te haén way narpo ad uchu, iggayà chillu ummale hen antoy lota way i mangamma yanggay hen laychê te ummaliyà way i mangamma hen laychén hen anchi nannag an haén.

eHebreo 3:6

Yag kaman agé ah Jesu Cristu, te ammag natatallek agé, ngém faén an alepan te anà paat Apudyus hiya way hiya paat hen ap-apon hen hiyachiy faréy Apudyus. Yag chitaaw way cha omafurotat, chitaaw hen anchi kaman faréyna non antaawat an epapate hen afurottaaw way achitaaw iyang-anggayan hen namnamataaw an Jesu Cristu way yachi agé hen chataaw ichayaw.

eHebreo 1:8

Waman agé hen anchi anàna, ekat Apudyus an hiyéén, “Heay Apudyus, ammag maid péppég hen mantorayam ah ing-inggana, ya ammag memènong ya malilimpiyu hen ekamanno way mantoray.

eHebreo 1:5

Te maid imfagfagan Apudyus hen uray heno way anghelna way mangaliyén, “Ad uwan, hea hen anào te haén hen namfalin ah amam.” Yag faén agé anghel hen nangaryan Apudyus hen anchi ekatnéén, “Ad uwan, mamfalinà ah amana yag hiya, mamfalin ah anào.”

Mateo 3:15

Ngém senongfatan Jesus way mangaliyén, “Tàén wat hea chillu hen mamunyag an haén, te yato hen mangammaanta hen aminay laychén Apudyus.” Yachi yag ommafun ah Juan wat finunyagana ah Jesus.

eHebreo 1:2

Ngém ad uwan, ah Jesu Cristu way anà Apudyus paat hen nangempaka-ammu an chitaaw hen alen Apudyus way ah Jesu Cristuwanchi, hiya hen anchi nangempafiyangan Apudyus way nangamma hen egachay wacha, ya hiya agé hen nangimpiyarana way mangen-awa hen angamin.

Juan 10:18

Maid makapréh hen ataguwà no achì afunan, te haén hen mangemparufus hen katéyà. Wacha hen kafaelà way mangemparufus hen matéyà, ya wacha agé hen kafaelà way mamangad hen ataguwà te yachi hen impiyar Ama an haén.”