Bib sou entènèt

Lôm 8:9 - Tai Dam

⁹ Hák ꞌva ꞌpi ꞌnọng ꞌló, Khuôn Saư Chảu Pua ꞌPhạ dú cuông chaư ꞌpi ꞌnọng ꞌlẹo lỏ#ꞌmen dú cỏng phép ꞌquiến Chảu Khuôn Saư uôn#ꞌpá, báu#đảy dú cỏng phép ꞌquiến chaư cáu ꞌluống báp ꞌsội#ꞌlẹo. Phủ đaư báu#ꞌmí Khuôn Saư Chảu ꞌKha‑ꞌlịt, phủ ꞌnặn lỏ#báu#ꞌmen ꞌcốn ꞌTan#chảu.

Gade chapit la Kopi

tounen moute ⬆

Lôm 8:9
35 Referans Kwoze

ꞌKha‑ꞌla‑tia 4:6

ꞌSúm ꞌháu đảy pên ꞌlụk Chảu Pua ꞌPhạ#ꞌlẹo, ꞌTan chảu chắng sống Khuôn Saư ꞌLụk ꞌchái ꞌTan chảu ꞌmá dú cuông#chaư, Chảu Khuôn Saư ꞌpá chaư ꞌháu khék ók Chảu Pua ꞌPhạ#ꞌva, ꞌA‑ba, Chảu#ꞌPo.

1 Cô‑ꞌlin‑ꞌthô 3:16

ꞌPi ꞌnọng ꞌcọ ꞌchí ꞌhụ#ꞌlẹo, mốt ꞌsúm ꞌhốm ꞌpi ꞌnọng pên ꞌsướng ꞌhướn vảy ꞌsớ Chảu Pua#ꞌPhạ, ꞌmí Khuôn Saư Chảu Pua ꞌPhạ dú#nẳng.

2 Ti‑ꞌmô‑ꞌthiêu 1:14

Hảư ꞌpơng Chảu Khuôn Saư dú cuông chaư ꞌsúm ꞌháu ꞌnặn pảy che ꞌquám đi ꞌpo đảy dao#hảư.

1 Cô‑ꞌlin‑ꞌthô 6:19

ꞌPi ꞌnọng ꞌcọ ꞌchí ꞌhụ#ꞌlẹo, ꞌlắm ꞌmo ꞌháu lỏ#pên ꞌsướng ꞌhướn vảy ꞌsớ Chảu Khuôn#Saư, ꞌmí ꞌTan chảu dú#nẳng, Chảu Pua ꞌPhạ đảy phớng ꞌdứa hảư#ꞌháu. Chảu ꞌGiê‑ꞌsu tháy au ꞌpi ꞌnọng ꞌca#ꞌpéng, ꞌpi ꞌnọng chắng báu#pên chảu khong ꞌlắm ꞌmo#chảu. ꞌSướng ꞌnặn hảư au ꞌlắm ꞌmo ꞌháu ꞌdệt hảư Chảu Pua ꞌPhạ ꞌmí ꞌchư siêng ꞌhung#ꞌhướng.

Lôm 8:11

ꞌVa Khuôn Saư Chảu Pua ꞌPhạ phủ au Chảu ꞌGiê‑ꞌsu tai pay ꞌlẹo đảy ꞌcứn ꞌhéng ꞌmá ꞌnặn dú cuông chaư ꞌpi#ꞌnọng, ꞌTan chảu phủ au Chảu ꞌGiê‑ꞌsu ꞌKha‑ꞌlịt tai pay ꞌlẹo đảy ꞌcứn ꞌhéng ꞌmá ꞌcọ ꞌchí hảư ꞌlắm ꞌmo ꞌchọ tai khong ꞌpi ꞌnọng đảy ꞌcứn ꞌhéng#ꞌmá, ꞌdọn ꞌmí Chảu Khuôn Saư dú cuông#chaư.

Dô‑ꞌhăn 14:17

ꞌTan ꞌmen Chảu Khuôn Saư phủ uôn ꞌpá ꞌluống ꞌtáng ꞌmen#ꞌtẹ. ꞌCốn phái ꞌmướng ꞌlum báu#nhẳn ꞌTan#đảy, ꞌpưa#ꞌva sau báu#ꞌhụ báu#hên#ꞌTan. Hák#ꞌva ꞌpứng ꞌnọng lo ꞌhụ chắc ꞌTan#chảu, ꞌTan chảu dú cắp ꞌpứng ꞌnọng ꞌlẹo ꞌcọ ꞌchí dú cuông chaư ꞌpứng#ꞌnọng.

Ê‑ꞌphê‑ꞌsô 1:13

ꞌLẹo ꞌpi ꞌnọng ꞌcốn táng ꞌphắn ꞌcọ đảy ꞌphắng ꞌquám bók son ꞌluống ꞌtáng ꞌmen#ꞌtẹ, ꞌsướng kháo ꞌhung saư ꞌviạk đảy khói sia báp#ꞌsội, ꞌmá khảu ꞌhuôm ꞌhôm ꞌngáu Chảu ꞌKha‑ꞌlịt. ꞌMưa ꞌpi ꞌnọng ꞌchưa Chảu ꞌKha‑ꞌlịt ꞌlẹo, Chảu Pua ꞌPhạ ꞌcọ sống Chảu Khuôn Saư ꞌmá mai au ꞌpi ꞌnọng ꞌtoi ꞌquám chao#ꞌhẹn.

ꞌKha‑ꞌla‑tia 5:24

Phaư pên ꞌcốn Chảu ꞌGiê‑ꞌsu ꞌKha‑ꞌlịt ꞌcọ đảy ꞌváng thỉm sia chaư cáu ꞌluống báp ꞌsội, báu#hảư ꞌnéo ꞌhại uối ꞌnặn khốm chaư ꞌháu#dú.

Ê‑ꞌphê‑ꞌsô 2:22

ꞌPi ꞌnọng dú cuông ꞌhôm ꞌngáu Chảu ꞌKha‑ꞌlịt ꞌcọ pên ꞌsướng#điêu. ꞌTan chảu ꞌhốm ꞌpi ꞌnọng khảu căn cắp ꞌpứng phủ ꞌchưa ꞌtếng#cá ꞌmá pên mốt ꞌcốn Chảu Pua ꞌPhạ hảư Chảu Khuôn Saư dú cắp ꞌnặp#pheng.

Lôm 8:2

ꞌDọn phép ꞌquiến Chảu Khuôn Saư ꞌpá ꞌháu đảy ꞌmí ꞌchua ꞌlới máư cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt, chắng hảư ꞌháu đảy ók khói sia phép ꞌquiến ꞌluống báp ꞌsội ꞌpá pay sú ꞌluống#tai.

Dô‑ꞌhăn 3:6

Ók nẳng phủ ꞌcốn lỏ#pên phủ ꞌcốn phái ꞌnựa#năng. Ók nẳng Chảu Khuôn Saư lỏ#pên phái ꞌminh#khuôn.

ꞌPhi‑ꞌlịp‑poi 1:19

ꞌpưa đảy ꞌdọn ꞌpi ꞌnọng đé so ꞌhọt Chảu Pua#ꞌPhạ, ꞌpọm ꞌtếng#cá Khuôn Saư Chảu ꞌGiê‑ꞌsu ꞌKha‑ꞌlịt ꞌchoi#au, khỏi chắng ꞌchí mẳn#chaư.

1 Dô‑ꞌhăn 4:13

ꞌDọn Chảu Pua ꞌPhạ phớng ꞌdứa Khuôn Saư ꞌTan chảu ꞌmá#hảư, ꞌháu chắng ꞌhụ#ꞌva, ꞌháu dú ꞌhuôm ꞌTan#chảu, ꞌlẹo ꞌTan chảu ꞌcọ dú ꞌhuôm#ꞌháu.

ꞌLu‑ca 11:13

ꞌSướng ꞌnặn ꞌpứng ꞌnọng pên phủ ꞌcốn báu#đi ꞌcọ ꞌnhắng ꞌhụ au khong đi hảư#ꞌlụk. ꞌChí ꞌvạu săng Chảu Pua ꞌPhạ phủ pên ꞌPo ꞌpứng ꞌnọng dú cá ꞌmướng ꞌphạ#máư, ꞌvén ꞌchí ꞌhụ au Chảu Khuôn Saư hảư phủ đé so nẳng ꞌTan chảu lỏ#ꞌquá.”

1 Dô‑ꞌhăn 4:4

ꞌPứng ꞌlụk ꞌhặc sương, ꞌpứng ꞌlụk lỏ#ꞌmen phái Chảu Pua#ꞌPhạ, ꞌlẹo ꞌcọ đảy ꞌpẹ ꞌpứng ꞌcốn pom pên ꞌlam páo#ꞌnặn, ꞌpưa#ꞌva phép Chảu Khuôn Saư phủ dú nẳng ꞌpứng ꞌlụk ꞌnặn nháư ꞌsứa phép tô cốc phi ꞌhại phủ dú nẳng ꞌmướng ꞌlum#ꞌnị.

1 Cô‑ꞌlin‑ꞌthô 15:23

Hák ꞌchí ꞌliến tó#căn, Chảu ꞌKha‑ꞌlịt đảy ꞌcứn ꞌhéng ꞌmá cón#ꞌnặn. ꞌLẹo ꞌchớ ꞌTan chảu táo ꞌlống#ꞌmá, ꞌpứng ꞌcốn ꞌTan chảu ꞌcọ ꞌchí đảy ꞌcứn ꞌhéng#ꞌmá.

1 Dô‑ꞌhăn 3:24

Phủ đaư ꞌphắng au ꞌtoi ꞌquám sắng Chảu Pua#ꞌPhạ, phủ ꞌnặn đảy dú ꞌhuôm ꞌTan#chảu, ꞌlẹo ꞌTan chảu ꞌcọ dú ꞌhuôm phủ#ꞌnặn. ꞌLẹo ꞌdọn Chảu Pua ꞌPhạ phớng ꞌdứa Chảu Khuôn Saư#hảư, ꞌsúm ꞌháu chắng ꞌhụ đảy#ꞌva ꞌTan chảu dú ꞌhuôm ꞌsúm#ꞌháu.

2 Cô‑ꞌlin‑ꞌthô 6:16

ꞌHướn vảy ꞌsớ Chảu Pua ꞌPhạ báu#ꞌmí ꞌsướng ꞌvạy hảư ꞌthớn théng pom. ꞌSúm ꞌháu lỏ#pên ꞌhướn vảy ꞌsớ Chảu Pua ꞌPhạ phủ ꞌmí ꞌlới#dú, ꞌsướng ꞌTan chảu đảy ꞌchiến ꞌvạy#ꞌva: ꞌHáu ꞌchí dú pay ꞌmá nẳng sau ꞌHáu ꞌchí pên Chảu Chom sau Sau ꞌchí pên dên ꞌpay ꞌháu.

Dô‑ꞌhăn 3:34

ꞌTan phủ Chảu Pua ꞌPhạ sống ꞌmá ꞌnặn lỏ#ꞌmá páo ꞌquám Chảu Pua#ꞌPhạ, ꞌpưa#ꞌva Chảu Pua ꞌPhạ au Chảu Khuôn Saư hảư ꞌTan báu#ꞌmí ꞌchớ#ꞌtún.

Nả ꞌviạk ꞌchí ꞌchọ pên ók 20:15

ꞌVa phủ đaư báu#ꞌmí ꞌchư tẻm ꞌvạy nẳng ꞌpặp sổ ꞌchư ꞌcốn ꞌmí ꞌchua ꞌlới#ꞌlới, phủ ꞌnặn ꞌcọ đảy chuốp thỉm sáư heo ꞌpháy#ꞌnặn.

Nả ꞌviạk ꞌchí ꞌchọ pên ók 13:8

ꞌChu ꞌcốn ꞌmướng ꞌlum ꞌchí ꞌlạy vảy ꞌháu tô sắt ꞌhại#ꞌnặn. ꞌMí ꞌto ꞌpứng ꞌcốn ꞌmí ꞌchư đảy tẻm ꞌvạy té có sảng phén đin ꞌmướng ꞌlum nẳng ꞌpặp sổ ꞌmí ꞌchua ꞌlới#ꞌlới, ꞌmen ꞌpặp sổ khong ꞌDo ꞌnọi Chảu Pua ꞌPhạ phủ chuốp khả#ꞌlẹo, ꞌpứng ꞌcốn ꞌnặn chắng ꞌchí báu#ꞌlạy tô sắt#ꞌhại.

2 Cô‑ꞌlin‑ꞌthô 10:7

ꞌPi ꞌnọng ꞌcứ bớng phái ꞌnọk thôi. ꞌVa phaư mẳn chaư ꞌhiạk chảu pên ꞌcốn Chảu ꞌKha‑ꞌlịt, hảư phủ ꞌnặn ngắm#ꞌva, chảu pên ꞌcốn Chảu ꞌKha‑ꞌlịt ꞌsướng#đaư, ꞌsúm khỏi ꞌcọ pên ꞌcốn ꞌTan chảu ꞌsướng#ꞌnặn.

Dô‑ꞌhăn 14:23

Chảu ꞌGiê‑ꞌsu tóp, “ꞌVa phủ đaư ꞌhặc#ꞌháu, hảư ꞌphắng ꞌquám ꞌháu bók#son. Chảu ꞌPo ꞌháu ꞌcọ ꞌchí ꞌhặc phủ#ꞌnặn, ꞌlẹo Chảu ꞌPo cắp ꞌháu ꞌchí ꞌmá dú cắp ꞌnặp pheng phủ#ꞌnặn.

Nả ꞌviạk ꞌpứng ꞌlam ꞌchạư 16:7

ꞌMưa sau pay ꞌhọt đen ꞌmướng ꞌMi‑ꞌsia ꞌlẹo, ꞌcọ ha ꞌtáng khảu pay tỉnh Bi‑ꞌthi‑ꞌnia, hák#ꞌva Khuôn Saư Chảu ꞌGiê‑ꞌsu báu#hảư sau khảu#pay.

Lôm 7:5

ꞌMưa ꞌchớ ꞌháu ꞌnhắng dú cỏng ꞌquiến chaư cáu ꞌluống báp#ꞌsội, ꞌluột ꞌláng pang ꞌchạu ꞌcọ ꞌnhuốn chaư hảư ꞌháu é ꞌdệt phít#ꞌluột, ꞌlẹo ꞌchua ꞌcốn ꞌháu chắng ꞌmí ꞌnéo#ꞌhại, ꞌpá ꞌháu pay sú ꞌluống#tai.

Lôm 8:1

ꞌSướng ꞌnặn lo, ꞌkhạy ꞌnị phủ đaư dú cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt ꞌlẹo ꞌcọ báu#đảy chuốp#ꞌtội.

1 Cô‑ꞌlin‑ꞌthô 6:17

Hák#ꞌva phủ đaư khảu ꞌhuôm ꞌGiê‑ꞌsu phủ pên Chảu Chom ꞌcọ pên ꞌnặm#ꞌnưng chaư điêu cắp ꞌTan#chảu.

Ê‑ꞌphê‑ꞌsô 3:17

So hảư Chảu ꞌKha‑ꞌlịt dú cắp ꞌnặp pheng ꞌpi ꞌnọng ꞌdọn đảy pông chaư ꞌchưa ꞌTan#chảu. ꞌNọk ꞌnặn so ꞌTan chảu ꞌchoi ꞌpi ꞌnọng ꞌhặc căn mẳn#kén.

Swiv nou:

Lyen patwone

Piblisite

Piblisite