Bib sou entènèt

Lôm 12:8 - Tai Dam

⁸ Phủ đaư ꞌhụ tủm ꞌpúa chaư ꞌcọ hảư ꞌkhớng nả ꞌviạk tủm#ꞌpúa. Phủ đaư ꞌhụ ꞌchoi dưa ꞌcọ hảư ꞌmí chaư quảng sảng ꞌdáo ꞌchoi#dưa. Phủ đaư ꞌhụ uôn ꞌpá ꞌpi ꞌnọng ꞌcọ hảư sút mốc sút chaư ꞌto nả ꞌviạk uôn#ꞌpá. Phủ đaư ꞌmí chaư ín đu ꞌhặc ꞌcọ hảư ꞌmuôn ꞌmớng#ꞌdệt.

Gade chapit la Kopi

tounen moute ⬆

Lôm 12:8
57 Referans Kwoze

2 Cô‑ꞌlin‑ꞌthô 9:7

Mỏi ꞌcốn lỏ tam chaư chảu é ꞌchoi ꞌto đaư lỏ#ꞌchoi. Báu#đảy chốm#ꞌcháng, báu#ꞌmen pắt hảư#ꞌchoi, ꞌpưa Chảu Pua ꞌPhạ ꞌhặc phủ ꞌmuôn ꞌmớng#ꞌchoi.

1 Ti‑ꞌmô‑ꞌthiêu 5:17

ꞌPứng thảu ké phủ ꞌchang bớng đu ꞌsúm ꞌhốm Chảu ꞌGiê‑ꞌsu ꞌnặn sôm đáng đảy sưởng ꞌcộp#ꞌto, cón mết lỏ#ꞌpứng phủ ꞌkhớng ꞌviạk páo kháo bók son ꞌquám Chảu Pua#ꞌPhạ.

1 Cô‑ꞌlin‑ꞌthô 12:28

Chảu Pua ꞌPhạ đảy téng ꞌvạy nẳng ꞌsúm ꞌhốm Chảu ꞌGiê‑ꞌsu, phủ#ꞌnưng pên ꞌlam ꞌchạư páo kháo Chảu ꞌGiê‑ꞌsu, phủ song pên ꞌlam páo ꞌquám Chảu Pua#ꞌPhạ, phủ sam pên ꞌsáy bók son ꞌquám ꞌTan#chảu. Tó ꞌmá ꞌcọ ꞌmí phủ đảy phép ꞌdệt ꞌnéo lák#lửm, phủ đảy phép ꞌchoi ꞌcốn chếp pên lai ꞌnéo hảư hóm#đi, phủ ꞌchoi dưa ꞌcốn ứn, phủ ꞌtạk pun téng#đa, phủ ꞌhụ pák ꞌquám#lák.

ꞌHệp‑ꞌlơ 13:17

ꞌPi ꞌnọng hảư ꞌphắng ꞌquám ꞌpứng phủ uôn#ꞌpá, ꞌlẹo hảư sú ꞌquám#sau. Sau bớng ꞌdéng ꞌpi#ꞌnọng, ꞌlẹo ꞌchọ ꞌtính nả ꞌviạk ꞌdệt#ꞌnặn sú Chảu Pua#ꞌPhạ. ꞌPhắng ꞌquám sau, sau ꞌcọ ꞌmuôn ꞌmớng#ꞌdệt. ꞌVa hák chốm#ꞌcháng, sau ꞌcọ sảu chaư ꞌlẹo ꞌchí báu#ꞌmí lởi săng hảư ꞌpi#ꞌnọng.

Nả ꞌviạk ꞌpứng ꞌlam ꞌchạư 15:32

ꞌTan Du‑đa kéng ꞌtan ꞌSi‑ꞌla ꞌcọ pên ꞌlam páo ꞌquám Chảu Pua#ꞌPhạ, sau ꞌmí lai ꞌquám bók#son, pản ꞌpúa ꞌpi ꞌnọng phủ ꞌchưa Chảu ꞌGiê‑ꞌsu nẳng ꞌmướng Ăn‑ti‑ô ꞌnặn hảư mẳn chaư ꞌchưa khửn#tứm.

Nả ꞌviạk ꞌpứng ꞌlam ꞌchạư 13:15

ꞌMưa ꞌphắng ꞌcốn ꞌlau ꞌpặp ꞌchiến ꞌluột ꞌláng Chảu Pua ꞌPhạ kéng ꞌquám ꞌlam páo ꞌTan chảu#ꞌlẹo, ꞌpứng phủ cốc ꞌhướn ꞌsúm ꞌnặn chắng ꞌchạư ꞌcốn pay ꞌmới ꞌtan Pôn cắp ꞌtan Ba‑ꞌna‑bắt ꞌva, “ꞌSúm ꞌpi#ꞌhới, ꞌva ꞌmí ꞌquám săng ꞌmá bók son ꞌpi ꞌnọng lỏ#bók#ꞌnớ.”

ꞌHệp‑ꞌlơ 13:24

So phák ꞌquám tham kháo ha ꞌpứng phủ uôn ꞌpá ꞌtếng#cá dên ꞌpay Chảu Pua ꞌPhạ é#ꞌnớ. ꞌPứng ꞌcốn ꞌmá té phén đin ꞌmướng ꞌI‑ta‑ꞌli ꞌmí ꞌquám tham kháo ha ꞌpi#ꞌnọng ꞌsướng#điêu.

ꞌHệp‑ꞌlơ 13:22

ꞌQuám tít tơn khỏi tẻm ꞌmá hảư ꞌpi ꞌnọng ꞌnị báu ꞌhí#lai, ꞌmí kỉ khót ꞌquám#thôi, so ꞌpi ꞌnọng sôm chaư ꞌphắng#au.

ꞌHệp‑ꞌlơ 13:7

Hảư ꞌpi ꞌnọng ngắm ꞌhọt ꞌpứng phủ uôn ꞌpá au ꞌquám Chảu Pua ꞌPhạ bók son ꞌsúm ꞌhốm#chảu. Hảư ngắm bớng ꞌluống kin dú lả sút sau lỏ#ꞌnéo#đaư, ꞌlẹo ép au chaư ꞌchưa#sau.

ꞌHệp‑ꞌlơ 10:25

ꞌNhá ꞌváng sia ꞌviạk ꞌsúm căn ꞌsướng kỉ ꞌcốn ꞌlớng#ꞌdệt. Hảư tủm ꞌpúa chaư căn tứm ꞌsứa ꞌnặn#máư, ꞌhụ#ꞌva ꞌmự Chảu ꞌGiê‑ꞌsu ꞌchí táo ꞌlống ꞌcọ chăm ꞌmá#ꞌlẹo.

2 Cô‑ꞌlin‑ꞌthô 8:12

ꞌVa chaư ꞌmuôn#ꞌchoi, Chảu Pua ꞌPhạ ꞌcọ sôm chaư nhẳn au ꞌtoi ăn chảu#ꞌmí, báu#ꞌmen ꞌtoi ăn chảu báu#ꞌmí.

1 Cô‑ꞌlin‑ꞌthô 14:3

Phủ pên ꞌlam páo ꞌquám Chảu Pua ꞌPhạ lỏ#páo ꞌquám ꞌcốn#ꞌhụ, pên ꞌquám tủm ꞌpúa chaư phủ ꞌcốn#khửn, bók son ꞌluống đi ꞌluống ꞌmen, hảư ún mốc ún#chaư.

Nả ꞌviạk ꞌpứng ꞌlam ꞌchạư 20:28

ꞌPi ꞌnọng hảư ꞌchự hiêm chảu ꞌpọm ꞌtếng#cá phen ꞌcốn phủ Chảu Khuôn Saư đảy ꞌmọp dao hảư ꞌpi ꞌnọng bớng đu#ꞌnặn, ꞌcoi ꞌlăm đu bớng ꞌdéng au ꞌsúm ꞌhốm Chảu Pua ꞌPhạ ꞌpứng phủ ꞌlượt ꞌTan chảu đảy tháy ꞌmá#ꞌnặn.

Nả ꞌviạk ꞌpứng ꞌlam ꞌchạư 20:2

ꞌChớ pay lom bón lom#ꞌti, ꞌtan ꞌcọ ꞌmí lai ꞌquám ꞌvạu pản ꞌpúa chaư ꞌpi#ꞌnọng, ꞌlẹo chắng pay ꞌhọt tỉnh Ca‑ꞌlịch.

1 Ti‑ꞌmô‑ꞌthiêu 4:13

Cuông ꞌchớ thả ꞌpo ꞌmá#ꞌhọt, ꞌlụk sắc mắn đu ꞌpặp ꞌchiến ꞌquám Chảu Pua#ꞌPhạ, tít tơn bók son hảư ꞌsúm ꞌhốm#ꞌphắng.

1 ꞌThê‑ꞌsa‑ꞌlôn 2:8

ꞌSúm khỏi ꞌhặc ꞌpi ꞌnọng#lai, ꞌsướng ꞌnặn chắng ꞌmí chaư phớng#ꞌdứa, báu#sút ꞌto páo dai kháo ꞌhung saư ꞌmá té Chảu Pua ꞌPhạ cá#đaư, ꞌnhắng ꞌchịu ꞌváng ꞌtếng cá ꞌmo ꞌkính ꞌminh khuôn ꞌsúm khỏi ꞌpưa ꞌpi#ꞌnọng, ꞌdọn#ꞌva ꞌpi ꞌnọng pên ꞌcốn ꞌhặc khong ꞌsúm khỏi#ꞌlẹo.

1 ꞌThê‑ꞌsa‑ꞌlôn 2:3

ꞌViạk ꞌsúm khỏi bók ꞌnặn báu#ꞌmen ꞌluống#phít, ꞌsúm khỏi ꞌcọ báu#ꞌmí chaư#uối, báu#đảy bẻo ꞌlứa ꞌpi ꞌnọng săng cá#đaư.

Cô‑ꞌlô‑ꞌsai 3:22

Phủ pên khỏi hảư ꞌphắng ꞌquám chảu ꞌhướn phái ꞌmướng#ꞌlum, bók ꞌviạk săng hảư ꞌphắng#ꞌquám. Báu#ꞌmen ꞌto sú ꞌquám ꞌpưa hảư chảu ꞌhướn sưng ꞌmưa ꞌchớ sau hên ꞌpi ꞌnọng ꞌdệt đi cá#đaư, ꞌpưa ꞌpi ꞌnọng nể dăm ꞌGiê‑ꞌsu phủ pên Chảu#Chom, hảư ꞌmí ꞌnặm saư chaư ꞌsư#ꞌdệt.

Ê‑ꞌphê‑ꞌsô 6:5

Phủ pên khỏi hảư ꞌphắng ꞌquám phủ cốc chảu nẳng ꞌmướng#ꞌlum. Hảư ꞌhụ nể dăm#dản, hảư ꞌmí chaư ꞌsư sú ꞌquám phủ cốc ꞌsướng ꞌpi ꞌnọng đảy sú ꞌquám Chảu ꞌKha‑ꞌlịt.

2 Cô‑ꞌlin‑ꞌthô 11:3

Khỏi dản ꞌpi ꞌnọng ꞌláng ꞌtưa chuốp bẻo ꞌlứa hảư lông ꞌlứm chaư ꞌsư chảu tó Chảu ꞌKha‑ꞌlịt, ꞌsướng ꞌmưa ꞌláng pang ꞌchạu ꞌnáng Ê‑ꞌvá chuốp tô ꞌngú au ꞌquám lắc lem bẻo ꞌlứa lông pay ꞌtáng#phít.

2 Cô‑ꞌlin‑ꞌthô 9:13

ꞌDọn ꞌviạk ꞌchoi dưa ꞌcốn khó#ꞌnặn, sau hên ꞌpi ꞌnọng ꞌmí chaư quảng#ꞌtẹ, sau chắng sỏng ꞌnhó Chảu Pua#ꞌPhạ, ꞌdọn ꞌpi ꞌnọng ꞌphắng#ꞌquám, ꞌlẹo ꞌdệt ꞌtoi kháo ꞌhung saư ꞌviạk Chảu ꞌKha‑ꞌlịt ꞌsướng ꞌpi ꞌnọng nhẳn ꞌchưa ꞌnặn, ꞌpi ꞌnọng chaư quảng ꞌhặc ꞌpéng ꞌchoi dưa sau kéng ꞌtếng#cá ꞌchu#ꞌcốn.

2 Cô‑ꞌlin‑ꞌthô 9:11

ꞌTan chảu ꞌchí hảư ꞌpi ꞌnọng ꞌhăng ꞌmí ꞌchu ꞌnéo ꞌpưa hảư ꞌpi ꞌnọng chaư quảng ꞌchoi ꞌcốn#khó, cuông ꞌchớ ꞌsúm khỏi dao hảư#sau, ꞌcốn ꞌtếng lai ꞌchí đảy ꞌdọn Chảu Pua#ꞌPhạ.

2 Cô‑ꞌlin‑ꞌthô 1:12

ꞌSúm khỏi ꞌmí ꞌnéo cáo ảng đảy, cuông chaư ꞌcọ ꞌhụ#ꞌva ꞌdệt#ꞌmen, đảy ꞌdọn Chảu Pua ꞌPhạ hảư ꞌsúm khỏi kin dú ꞌnéo ꞌpẹk#saư, chaư ꞌsư cắp ꞌchu#ꞌcốn, thứ#ꞌnưng lỏ cắp ꞌpi#ꞌnọng. ꞌSúm khỏi báu#ꞌpơng inh ꞌviạk lắc lem phái ꞌcốn ꞌmướng#ꞌlum, ꞌmí ꞌto ꞌpơng inh công ꞌphún Chảu Pua#ꞌPhạ.

Lôm 13:6

ꞌPưa ꞌsướng ꞌnặn ꞌpi ꞌnọng chắng ꞌkhớng ꞌviạk sia#quí, ꞌpưa nả ꞌviạk phủ téng đa bản ꞌmướng ꞌcọ ꞌmí ꞌto ꞌkhớng ꞌhặp nả ꞌviạk Chảu Pua ꞌPhạ téng#hảư.

Lôm 12:13

Hảư ꞌchoi dưa dên ꞌpay Chảu Pua ꞌPhạ phủ báu#ꞌpó dú ꞌpó#kin. Hảư ꞌmí chaư tỏn ꞌhặp khék khửn#ꞌlống.

ꞌMặt‑ꞌthai 25:40

ꞌHáu phủ pên pua ꞌchí tóp sau#ꞌva, ‘ꞌHáu ꞌvạu ꞌsư hảư ꞌpứng chảu#ꞌhụ, ăn ꞌpứng chảu đảy ꞌchoi phủ#ꞌnưng nả ꞌnọi ta tắm ꞌsứa mết nẳng cuông ꞌpi ꞌnọng ꞌháu#ꞌnị, ꞌcọ ꞌtứ#ꞌva đảy ꞌchoi ꞌháu ꞌnặn#lo.’

Nả ꞌviạk ꞌpứng ꞌlam ꞌchạư 13:12

ꞌMưa án ꞌnhá hên ꞌsướng#ꞌnặn, ꞌcọ ꞌdiến ꞌchưa ꞌGiê‑ꞌsu phủ pên Chảu#Chom, hên ꞌquám bók son ꞌTan chảu lák lửm#lai.

Nả ꞌviạk ꞌpứng ꞌlam ꞌchạư 4:36

ꞌMí phủ#ꞌnưng ꞌchư Dô‑ꞌsệp, mốt ꞌlam ꞌchạư páo kháo Chảu ꞌGiê‑ꞌsu púk ꞌchư máư hảư ꞌtan ꞌva Ba‑ꞌna‑bắt, ꞌchư ꞌnặn mai#ꞌva phủ ꞌhụ tủm ꞌpúa chaư ꞌpi#ꞌnọng. ꞌTan phủ ꞌnặn pên ꞌhọ ꞌháng pú ꞌLê‑ꞌvi, pên ꞌcốn đon ꞌmướng Síp‑ꞌlơ.

Nả ꞌviạk ꞌpứng ꞌlam ꞌchạư 11:23

ꞌMưa ꞌtan pay ꞌhọt chắng hên công ꞌphún Chảu Pua ꞌPhạ phớng ꞌdứa au ꞌcốn ꞌmướng#ꞌnặn. ꞌTan ꞌcọ ꞌmuôn ꞌmớng#lai, chắng bók hảư ꞌchu ꞌcốn cứ chaư mẳn ꞌtoi ꞌGiê‑ꞌsu phủ pên Chảu#Chom.

1 Ti‑ꞌmô‑ꞌthiêu 6:18

Bók sau ꞌdệt ꞌluống#đi, ꞌhăng ꞌmí ꞌviạk chaư quảng sảng#ꞌdáo, ꞌmí chaư béng păn ꞌchoi phủ báu#ꞌmí.

Swiv nou:

Lyen patwone

Piblisite

Piblisite