Bib sou entènèt

Lôm 11:20 - Tai Dam

²⁰ ꞌCọ#ꞌmen, sau chuốp tắt ók sia ꞌpộ báu#ꞌchưa Chảu ꞌGiê‑ꞌsu, ꞌdọn ꞌsúm chảu ꞌmí chaư ꞌchưa chắng#ꞌnhắng. ꞌSướng ꞌnặn ꞌnhá cảo nháư đu ꞌngai#sau, hảư ꞌhụ nể dăm phép ꞌquiến Chảu Pua#ꞌPhạ.

Gade chapit la Kopi

tounen moute ⬆

Lôm 11:20
43 Referans Kwoze

Lôm 12:16

Hảư dú kin pên ꞌnặm#ꞌnưng chaư điêu#căn. ꞌNhá ꞌdệt nháư ꞌsứa#sáu, ꞌnhá ảng ꞌhiạk chảu ꞌhụ#ꞌsứa, dón chaư ꞌlống pên ꞌpi ꞌnọng cắp ꞌpứng phủ nả ꞌnọi ta#tắm.

2 Cô‑ꞌlin‑ꞌthô 1:24

Báu#ꞌmen#ꞌva ꞌsúm khỏi pắt ꞌpi ꞌnọng hảư ꞌchưa ꞌnéo ꞌnị ꞌnéo#ꞌnặn. ꞌMí ꞌto ꞌchoi căn é hảư ꞌpi ꞌnọng đảy ꞌmuôn ꞌmớng#tứm, ꞌpưa#ꞌva ꞌpi ꞌnọng cứ chaư mẳn ꞌdọn ꞌmí chaư ꞌchưa Chảu ꞌGiê‑ꞌsu.

1 Cô‑ꞌlin‑ꞌthô 10:12

ꞌSướng ꞌnặn phủ đaư ngắm ꞌhiạk chảu mẳn chaư đi ꞌlẹo hảư ꞌchự#hiêm, dản#ꞌva ꞌchí tốc ꞌluống ꞌtáng#phít.

1 Pê‑tô 1:17

ꞌPi ꞌnọng vảy so Chảu Pua ꞌPhạ lỏ#ꞌva, ꞌChiếng Chảu#ꞌPo, ꞌTan chảu lỏ#phủ sét ꞌván ꞌchu ꞌcốn ꞌtoi ꞌviạk phaư ꞌviạk#ꞌmắn, báu#ꞌhặc khỏn ꞌchọn#hiếng. ꞌSướng ꞌnặn cuông ꞌchớ ꞌpi ꞌnọng ꞌnhắng kin dú ꞌmướng ꞌlum ꞌchua ꞌkháo#ꞌnị, hảư ꞌhụ nể dản ꞌTan#chảu.

ꞌPhi‑ꞌlịp‑poi 2:12

ꞌPi ꞌnọng ꞌhặc sương, ꞌpi ꞌnọng ꞌcọ hák ꞌlớng ꞌlớng sú ꞌquám bók#son, báu#ꞌva ꞌchớ khỏi dú ꞌtoi ꞌhứ ꞌva báu#dú ꞌcọ ꞌnhương hảư ꞌpi ꞌnọng nể dản sắn ꞌsến Chảu Pua#ꞌPhạ, hảư kin dú sôm đáng phủ đảy ók khói sia báp#ꞌsội.

ꞌHệp‑ꞌlơ 3:12

ꞌPi ꞌnọng ꞌhặc ꞌpéng, ꞌchự hảư#đi, cuông ꞌpi ꞌnọng ꞌnhá hảư phaư ꞌmí chaư ác ꞌhại báu#ꞌchưa, ꞌváng sia Chảu Pua ꞌPhạ phủ ꞌmí ꞌchua ꞌlới#dú.

1 Ti‑ꞌmô‑ꞌthiêu 6:17

Hảư ꞌlụk tít tơn bók ꞌpứng phủ ꞌhăng ꞌmí dú pang ꞌkhạy#ꞌnị, ꞌnhá cảo#nháư, ꞌnhá ꞌpơng inh sính khong ꞌmen ꞌnéo báu mẳn#ꞌdứn. Hảư ꞌmí chaư ꞌpơng inh Chảu Pua ꞌPhạ phủ phớng ꞌdứa ꞌchu ꞌnéo lưa ꞌlộn hảư ꞌsúm ꞌháu ꞌmuôn#ꞌmớng.

Cô‑ꞌlô‑ꞌsai 2:7

Hảư ꞌmí chaư ꞌchưa mẳn tứm khửn sảng ꞌchua ꞌlới cuông ꞌhôm ꞌngáu Chảu ꞌKha‑ꞌlịt, hảư ꞌchưa mẳn tứm ꞌquám ꞌTan chảu ꞌsướng ꞌpi ꞌnọng đảy ép ꞌhiến ꞌmá#ꞌnặn, ꞌlẹo hảư ꞌmí hua chaư têm ꞌquám đảy ꞌdọn ꞌTan chảu.

Lôm 11:18

ꞌSướng ꞌnặn ꞌsúm chảu báu#ꞌchọ cáo ảng tó [ꞌpứng ꞌcốn ꞌI‑ꞌsa‑ên] ꞌpứng kính mák bay bản chuốp tắt ók sia#ꞌnặn. ꞌVa hák cáo ảng ꞌcọ hảư ngắm#đu, ꞌsúm chảu pên kính báu#đảy ꞌliệng#ꞌhạk, ꞌhạk ꞌnặn ꞌliệng ꞌsúm#chảu.

2 Cô‑ꞌlin‑ꞌthô 10:5

ꞌSúm khỏi ꞌmí phép ꞌpẹ ꞌquám ꞌcại thiêng ꞌluống#phít, ꞌpẹ ꞌpứng phủ cảo nháư ꞌhiạk ꞌhụ lắc tứn khửn khắt cắp ꞌluống ꞌtáng ꞌhụ Chảu Pua#ꞌPhạ. ꞌLẹo ꞌsúm khỏi khốm ꞌpá mết ꞌchu ꞌnéo ngắm hảư sú ꞌquám Chảu ꞌKha‑ꞌlịt.

Nả ꞌviạk ꞌchí ꞌchọ pên ók 18:7

ꞌMắn kin dú ꞌnéo ꞌhung ꞌhưa lả sướng ꞌto đaư Hảư ꞌmắn chuốp báp ꞌmo ꞌtộc khôm ꞌto ꞌnặn. ꞌMắn ảng ꞌhiạk pên ꞌsướng ꞌbá pua ꞌnăng ꞌtến ꞌChí báu pên mải, báu#ꞌtộc khôm sắc ꞌtưa.

Nả ꞌviạk ꞌchí ꞌchọ pên ók 3:17

Chảu ꞌva ꞌhăng#ꞌmí, pên đi#ꞌlẹo, báu ꞌcợn#săng, hák báu#ꞌhụ chắc chảu pên ꞌcốn khổ#khốn, ín đu#ꞌmo, ꞌcặt#ꞌcúng, ta#bót, pươi ꞌmo#dú.

1 Pê‑tô 5:12

Khỏi hên ꞌtan ꞌSi‑ꞌla pên ꞌpi ꞌnọng mẳn chaư tó#khỏi, ꞌchoi tẻm baư sư kỉ khót ꞌquám ꞌnị ók tít tơn ꞌpi#ꞌnọng. Khỏi pên chứng ꞌhụ hên#ꞌva, ꞌquám bók son công ꞌphún Chảu Pua ꞌPhạ phớng ꞌdứa đảy ꞌvạu ꞌmá ꞌnặn ꞌcọ ꞌmí#ꞌtẹ. ꞌPi ꞌnọng ꞌcứ mẳn chaư au#ꞌnớ.

1 Pê‑tô 5:9

Hảư ꞌmí chaư ꞌchưa#mẳn, ꞌnhá ꞌnhóm tô cốc phi ꞌhại#ꞌnặn. ꞌPi ꞌnọng ꞌcọ ꞌhụ ꞌlẹo#ꞌva, phủ ꞌchưa Chảu ꞌGiê‑ꞌsu ꞌtua phén đin ꞌmướng ꞌlum ꞌnặn phaư ꞌcọ chuốp báp ꞌmo khó chaư ꞌsướng điêu#căn.

Da‑cô‑bô 4:6

Chảu Pua ꞌPhạ ꞌnhắng ꞌmí công ꞌphún phớng ꞌdứa ꞌháu ꞌsứa#máư. ꞌQuám ꞌTan chảu chắng đảy ꞌchiến ꞌvạy#ꞌva: ꞌTan chảu khắt khoang phủ cảo nháư Hák phớng ꞌdứa công ꞌphún hảư phủ huốn chaư ꞌlống.

Da‑cô‑bô 2:19

ꞌPi ꞌnọng ꞌchưa#ꞌva ꞌmí Chảu Pua ꞌPhạ phủ#điêu, ꞌcọ ꞌmen#ꞌlẹo, ꞌpứng phi ꞌhại ꞌcọ ꞌnhắng#ꞌchưa, ꞌmắn chắng dản#sắn.

ꞌHệp‑ꞌlơ 4:11

ꞌSướng ꞌnặn hảư ꞌháu sút mốc sút chaư hảư đảy khảu ꞌdặng dú sáng#bang, dản#ꞌva ꞌchí ꞌmí phủ đaư phủ#ꞌnưng tốc ꞌluống ꞌtáng phít pên ꞌsướng pảu pú ꞌmưa ꞌláng báu ꞌphắng#ꞌquám.

ꞌHệp‑ꞌlơ 4:6

ꞌPứng ꞌcốn đảy ꞌnghín kháo ꞌhung saư té pang ꞌchạu báu ꞌphắng#ꞌquám, chắng báu#đảy khảu ꞌdặng dú bón sáng bang#ꞌnặn. Hák#ꞌva ꞌnhắng ꞌmí ꞌluống hảư ꞌsán ꞌcốn đảy khảu ꞌdặng dú sáng#bang.

ꞌHệp‑ꞌlơ 3:19

ꞌSướng ꞌnặn ꞌháu chắng ꞌhụ#ꞌva, sau khảu bón ꞌnặn báu#đảy ꞌpộ báu#ꞌchưa ꞌTan#chảu.

2 ꞌThê‑ꞌsa‑ꞌlôn 2:4

Phủ ác ꞌhại sút ꞌti ꞌnặn ꞌmen phủ khắt pỉn Chảu Pua#ꞌPhạ, ꞌmắn pák cảo pên nháư ꞌsứa ăn đaư phủ ꞌcốn ꞌtứ pên ꞌthớn théng kéng ꞌkhới vảy ꞌsớ#ꞌnặn. ꞌMắn ꞌnhắng ꞌchí ꞌnăng ꞌhướn vảy ꞌháu Chảu Pua ꞌPhạ#máư, ảng#ꞌva pên Chảu Pua#ꞌPhạ.

Lôm 3:3

ꞌChăm#ꞌva ꞌmí ꞌsán ꞌcốn ꞌDiu chaư báu#ꞌsư tó Chảu Pua#ꞌPhạ, ꞌTan chảu ꞌcọ ꞌnhắng cứ ꞌtoi ꞌquám ꞌTan chảu dú ꞌsướng#cáu.

Nả ꞌviạk ꞌpứng ꞌlam ꞌchạư 18:6

ꞌChớ ꞌcốn ꞌDiu khắt khoang ꞌtếng pák đu#ꞌngai, ꞌtan Pôn ꞌcọ ꞌpứ sửa sáư pên ꞌnéo báu#sôm chaư#sau, “Khỏi đảy ꞌmá bók ꞌlẹo su ꞌcọ báu#ꞌchưa, ꞌkhạy hảư ꞌtội ꞌchọ tai tốc sáư hua#su, tẳng té ꞌnị pay#nả, khỏi ꞌchí pay bók son ꞌcốn táng ꞌphắn#thôi.”

ꞌLu‑ca 18:14

ꞌSướng ꞌnặn ꞌháu bók hảư#ꞌhụ, phủ kếp quí ꞌcứn ꞌmứa ꞌhướn lỏ#đảy Chảu Pua ꞌPhạ ꞌtứ pên ꞌcốn đi ꞌmí#ꞌmen. Phái ꞌPha‑ꞌli‑ꞌsai phủ#ꞌnặn, Chảu Pua ꞌPhạ lỏ#báu#ꞌtứ săng ꞌhọt cá#đaư. Phủ đaư hák ꞌnhó chảu#khửn, phủ ꞌnặn ꞌchí ꞌchọ khốm#ꞌlống. Phủ đaư hák huốn chảu#ꞌlống, phủ ꞌnặn ꞌcọ ꞌchí đảy ꞌnhó khửn#sung.”

1 Cô‑ꞌlin‑ꞌthô 16:13

Hảư ꞌpi ꞌnọng tẳng chaư hảư#đi, hảư ꞌmí chaư ꞌchưa#mẳn, chaư cả kheng cắp kheng#ꞌhéng.

Lôm 11:21

Chảu Pua ꞌPhạ báu#sia#đai ꞌphắn ꞌcốn ꞌI‑ꞌsa‑ên chắng đảy tắt sau ók ꞌsướng kính mák bay bản ꞌnặn#lo, ꞌsúm chảu phủ pên ꞌcốn táng#ꞌphắn, ꞌTan chảu ꞌcọ ꞌchí báu#sia#đai ꞌsướng#điêu.

Lôm 12:3

ꞌDọn công ꞌphún Chảu ꞌGiê‑ꞌsu phớng ꞌdứa hảư khỏi pên ꞌlam#ꞌchạư, khỏi chắng so bók ꞌpi ꞌnọng ꞌchu#ꞌcốn, ꞌnhá ngắm nháư ꞌsứa chảu pên#dú, ngắm hảư sôm ꞌpó ꞌsướng Chảu Pua ꞌPhạ hảư phaư ꞌmắn đảy ꞌmí chaư#ꞌchưa.

1 Cô‑ꞌlin‑ꞌthô 15:1

ꞌPi ꞌnọng ꞌhặc ꞌpéng, ꞌkhạy khỏi so tơn ꞌpi ꞌnọng hảư ngắm ꞌhọt kháo ꞌhung saư ăn khỏi đảy páo hảư#ꞌnặn, ꞌpi ꞌnọng ꞌcọ đảy ꞌphắng ꞌlẹo tẳng chaư ꞌchưa mẳn ꞌtoi kháo ꞌhung saư#ꞌnặn.

Swiv nou:

Lyen patwone

Piblisite

Piblisite