Bib sou entènèt

Paj dakèy
Bib sou entènèt
ꞌHệp‑ꞌlơ 10:22

ꞌHệp‑ꞌlơ 10:22 - Tai Dam

²² ꞌSướng ꞌnặn ꞌsúm ꞌháu chắng khảu ꞌmá chăm Chảu Pua ꞌPhạ ꞌtoi chaư#ꞌsư, ꞌmí chaư ꞌchưa#nẻn, chaư đảy sák sang#ꞌpẹk, ók sia chaư uối#ꞌhại, kéng ꞌmí ꞌmo ꞌkính áp ꞌnặm saư ꞌpẹk#ꞌlẹo.

Gade chapit la Kopi

tounen moute ⬆

ꞌHệp‑ꞌlơ 10:22
66 Referans Kwoze

Dô‑ꞌhăn 3:5

Chảu ꞌGiê‑ꞌsu tóp#ꞌva, “ꞌHáu ꞌvạu ꞌsư hảư ꞌtan#ꞌhụ, phủ đaư ók ꞌmá nẳng ꞌnặm cắp Chảu Khuôn#Saư, phủ ꞌnặn chắng khảu dú phén ꞌhôm ꞌngáu Chảu Pua ꞌPhạ#đảy.

1 Pê‑tô 3:21

ꞌNặm ꞌnặn pên ꞌngáu ꞌvẹt sáư ꞌhịt bắp‑ti‑sa‑ꞌma pang ꞌkhá‑ꞌnạy#ꞌnị, ꞌlẹo pên ꞌluống hảư ꞌháu đảy ók khói sia báp#ꞌsội, báu ꞌmen#ꞌva ꞌlạng ꞌpẹk ꞌmo ꞌkính uối ꞌhại cá#đaư, pên ꞌquám đé so Chảu Pua ꞌPhạ ꞌlạng chaư uối ꞌháu hảư ꞌpẹk#saư. Nả ꞌviạk ꞌdệt hảư ꞌháu khói lỏ#ꞌdọn Chảu ꞌGiê‑ꞌsu ꞌKha‑ꞌlịt tai ꞌlẹo ꞌcứn ꞌhéng#ꞌmá,

Ê‑ꞌphê‑ꞌsô 5:26

ꞌTan chảu ꞌdệt ꞌsướng ꞌnặn ꞌcọ ꞌpưa hảư ꞌsúm ꞌhốm đảy ꞌpẹk saư ꞌvạy hảư ꞌTan#chảu, ꞌquám bók son ꞌTan chảu ꞌnặn ꞌcọ pên ꞌsướng áp ꞌnặm hảư ꞌmo ꞌkính ꞌpẹk#saư,

1 Cô‑ꞌlin‑ꞌthô 6:11

Té cón cuông ꞌpứng ꞌpi ꞌnọng ꞌmí ꞌcốn đảy pên ꞌnéo#ꞌnặn. Hák#ꞌva Khuôn Saư Chảu Pua ꞌPhạ Chảu Chom ꞌsúm ꞌháu au ꞌchư siêng Chảu ꞌGiê‑ꞌsu ꞌKha‑ꞌlịt ꞌdệt hảư ꞌpi ꞌnọng ꞌpẹk saư khói sia báp#ꞌsội, đảy pên dên ꞌpay ꞌTan#chảu, ꞌtứ ꞌpi ꞌnọng pên ꞌcốn đi ꞌmí#ꞌmen.

ꞌHệp‑ꞌlơ 7:19

ꞌpưa#ꞌva ꞌluột ꞌláng ꞌnặn báu#ꞌchoi săng đi#sút#đảy. Hák ꞌluống ꞌtáng máư ꞌsúm ꞌháu cang tó ꞌnặn ꞌvén đi ꞌsứa#cáu, ꞌdọn ꞌluống ꞌtáng ꞌnặn ꞌháu chắng đảy khảu ꞌmá ha Chảu Pua#ꞌPhạ.

2 Cô‑ꞌlin‑ꞌthô 7:1

ꞌPứng ꞌpi ꞌnọng ꞌhặc sương, Chảu Pua ꞌPhạ chao ꞌhẹn cắp ꞌháu ꞌnéo#ꞌnặn, ꞌháu ꞌchọ pốt thỉm sia hảư ꞌpẹk saư ꞌchu ꞌnéo uối ꞌhại ꞌmo ꞌkính cá ꞌminh#khuôn, pên ꞌcốn ꞌpẹk saư ꞌvạy hảư Chảu Pua ꞌPhạ mết ꞌchu ꞌluống ꞌpưa nể dăm ꞌTan#chảu.

ꞌHệp‑ꞌlơ 4:16

ꞌSướng ꞌnặn hảư mẳn chaư khảu pay ha ꞌtến Chảu Pua ꞌPhạ bón ꞌmí công#ꞌphún. ꞌTan chảu ꞌcọ ꞌchí ín đu ꞌhặc#au, phớng ꞌdứa công ꞌphún ꞌchoi ꞌsúm ꞌháu ꞌchớ#ꞌcợn.

ꞌHệp‑ꞌlơ 12:24

ꞌPi ꞌnọng ꞌmá ꞌhọt Chảu ꞌGiê‑ꞌsu phủ song cang ꞌtoi ꞌquám nhẳn pao#máư, kéng ꞌmá ꞌhọt ꞌlượt ꞌTan chảu ꞌphặt sáư ꞌlẹo#ꞌnặn, ꞌmí sương khék đi ꞌsứa ꞌlượt pú ꞌA‑bên ꞌmưa#ꞌláng.

Ti‑tô 3:5

ꞌTan chảu ꞌchoi hảư ꞌsúm ꞌháu ók khói sia báp ꞌsội#ꞌnặn, báu#ꞌmen ꞌdọn ꞌpứng ꞌnéo đi ꞌmí ꞌmen ꞌháu đảy ꞌdệt ꞌmá cá#đaư, ꞌmen ꞌdọn ꞌTan chảu ꞌmí chaư ín đu ꞌhặc au ꞌháu#ꞌló. ꞌTan chảu hảư Chảu Khuôn Saư ꞌlạng suối au ꞌháu hảư ꞌmí chaư#máư, ꞌmá piến chaư hảư ꞌháu pên ꞌcốn#máư.

1 Pê‑tô 1:2

Chảu Pua ꞌPhạ phủ pên ꞌPo ꞌhụ ꞌvạy cón ꞌlẹo đảy ꞌlưạk au ꞌpứng ꞌpi ꞌnọng#ꞌvạy. Chảu Khuôn Saư hảư ꞌpi ꞌnọng đảy pên ꞌcốn ꞌTan#chảu, ꞌhụ ꞌphắng ꞌquám Chảu ꞌGiê‑ꞌsu ꞌKha‑ꞌlịt, ꞌsướng đảy au ꞌlượt ꞌTan chảu ꞌmá sák#sông. Khỏi đé so Chảu Pua ꞌPhạ phớng ꞌdứa hảư ꞌpi ꞌnọng đảy công#ꞌphún, dú súc sáng bang chaư tứm ꞌtén ꞌmứa#nả.

Ê‑ꞌphê‑ꞌsô 3:12

ꞌDọn ꞌháu đảy dú ꞌhôm ꞌngáu Chảu ꞌGiê‑ꞌsu ꞌKha‑ꞌlịt kéng đảy pông chaư ꞌchưa ꞌTan#chảu, ꞌháu chắng mẳn chaư tó ꞌhéng khảu ꞌmá ha Chảu Pua ꞌPhạ#đảy.

Da‑cô‑bô 4:8

Hảư ꞌsặt ꞌmá chăm Chảu Pua ꞌPhạ ꞌlẹo ꞌTan chảu chắng ꞌchí ꞌsặt ꞌmá chăm ꞌpi#ꞌnọng. ꞌPứng ꞌcốn báp ꞌsội hảư piến chaư sia ꞌlẹo ꞌmá kin dú ꞌtoi ꞌluống ꞌtáng#ꞌmen, ꞌpứng ꞌcốn song chaư ꞌcọ hảư piến pên chaư điêu ꞌpẹk#saư.

ꞌHệp‑ꞌlơ 9:19

ꞌChớ ꞌnặn pú ꞌMô‑ꞌsê páo ꞌluột Chảu Pua ꞌPhạ bók son ꞌchu khót hảư dên ꞌpay ꞌtếng#cá ꞌphắng#ꞌlẹo, pú chắng au ꞌlượt ꞌngúa ꞌnọi kéng ꞌlượt bẻ thớc ꞌquá#ꞌnặm, au khôn tô ꞌdo ꞌnhọm đeng ꞌpắn sáư co lính đỉ ꞌmá chúm#ꞌlượt, ꞌlẹo ꞌphặt sáư baư sư ꞌluột kéng dên ꞌpay ꞌchu#ꞌcốn,

ꞌMặt‑ꞌthai 3:11

Khỏi au ꞌnặm ꞌdệt ꞌhịt bắp‑ti‑sa‑ꞌma hảư ꞌpứng chảu ꞌpưa pên chứng#ꞌva đảy ꞌváng sia ꞌluống ꞌtáng báp#ꞌsội. Hák#ꞌva ꞌmí ꞌTan phủ#ꞌnưng ꞌchí ꞌmá tốc lăng#khỏi, ꞌmí phép ꞌquiến ꞌsứa#khỏi, khỏi ꞌnị báu#sôm đáng ꞌchí pua ꞌhái hảư ꞌTan phủ#ꞌnặn. ꞌTan ꞌchí ꞌdệt bắp‑ti‑sa‑ꞌma ꞌnéo sống Chảu Khuôn Saư kéng ꞌpháy ꞌmá sáư ꞌpứng#chảu.

Da‑cô‑bô 1:6

ꞌChớ đaư đé so nẳng Chảu Pua ꞌPhạ ꞌcọ hảư ꞌmí chaư ꞌchưa ꞌnhá hướng ꞌngớ#săng. Phủ đaư hák ꞌmí chaư hướng#ꞌngớ, chaư phủ ꞌnặn báu#mẳn, ꞌcọ pên ꞌsướng ꞌphóng ꞌnặm bể ꞌlốm ꞌpặt pay ꞌpặt#ꞌmá.

ꞌHệp‑ꞌlơ 11:28

Pú ꞌmí chaư ꞌchưa Chảu Pua#ꞌPhạ, chắng đảy ꞌdệt ꞌhịt ꞌVện#cai, bók dên ꞌpay ꞌcốn ꞌI‑ꞌsa‑ên khả sắt au ꞌlượt ꞌphặt sáư ꞌhống pák tu#ꞌhướn, báu#hảư tiên ꞌchạư phủ ꞌdệt ꞌviạk tai khả ꞌlụk cốc ꞌcốn ꞌI‑ꞌsa‑ên.

ꞌHệp‑ꞌlơ 10:19

ꞌPi ꞌnọng ꞌhặc ꞌpéng, ꞌsúm ꞌháu đảy ꞌdọn ꞌlượt Chảu ꞌGiê‑ꞌsu tháy au báp#ꞌsội, chắng mẳn chaư khảu ꞌhọt bón khết dăm#sút [cá ꞌmướng#ꞌphạ].

ꞌHệp‑ꞌlơ 9:10

ꞌLuống ꞌtáng ꞌnặn pên ꞌhịt ꞌkhóng ꞌviạk kin khảu kin lảu kéng sák sang lai ꞌnéo hảư ꞌtáng ꞌmo#ꞌkính, ꞌdệt ꞌsướng ꞌnặn ꞌtạu ꞌhọt ꞌchớ piến peng ꞌnéo#máư.

1 Ti‑ꞌmô‑ꞌthiêu 4:2

ꞌQuám bók son ꞌnặn ók ꞌmá nẳng sốp ꞌcốn nả ꞌsư chaư ꞌcột ꞌvạu#bẻo, lỏ#pên phủ báu#ꞌhụ phít ꞌhụ#ꞌmen.

Nả ꞌviạk ꞌchí ꞌchọ pên ók 1:5

ꞌLẹo ꞌtếng#cá Chảu ꞌGiê‑ꞌsu ꞌKha‑ꞌlịt pên chứng ꞌnặm saư chaư#ꞌsư, pên phủ thứ#ꞌnưng đảy tai ꞌlẹo ꞌcứn ꞌhéng#ꞌmá, pên Chảu Chom ꞌpứng pua nẳng phén đin ꞌmướng#ꞌlum. Chảu ꞌGiê‑ꞌsu ꞌhặc ꞌsúm#ꞌháu, ꞌchịu hảư ꞌlượt lay ók tháy au báp ꞌsội ꞌsúm#ꞌháu,

Ê‑ꞌphê‑ꞌsô 6:5

Phủ pên khỏi hảư ꞌphắng ꞌquám phủ cốc chảu nẳng ꞌmướng#ꞌlum. Hảư ꞌhụ nể dăm#dản, hảư ꞌmí chaư ꞌsư sú ꞌquám phủ cốc ꞌsướng ꞌpi ꞌnọng đảy sú ꞌquám Chảu ꞌKha‑ꞌlịt.

Nả ꞌviạk ꞌpứng ꞌlam ꞌchạư 8:21

Chảu Pua ꞌPhạ hên chaư ꞌmứng báu#ꞌsư, ꞌmứng báu#ꞌmí ꞌphớn đaư kiếu khỏng nẳng nả ꞌviạk#ꞌnị.

Dô‑ꞌhăn 8:9

ꞌPứng mốt sau đảy ꞌnghín Chảu ꞌGiê‑ꞌsu ꞌvạu ꞌsướng#ꞌnặn, phaư ꞌcọ ꞌdiến ꞌpai ók pay sia ꞌtưa ꞌcốn ꞌtạu#mết, phủ thảu ké ók pay#cón. ꞌNhắng Chảu ꞌGiê‑ꞌsu cắp phủ ꞌnhính ꞌnặn dú#hẳn.

ꞌLu‑ca 1:1

Khỏi so ꞌmí ꞌquám thơng ꞌtan ꞌThê‑ô‑ꞌphi‑ꞌlô phủ#nháư. ꞌVạu ꞌmá nả ꞌviạk Chảu ꞌGiê‑ꞌsu hên pên ók nẳng ꞌháu ꞌtếng#lai, ꞌmí lai ꞌcốn đảy sáư chaư tẻm ꞌchiến#ꞌvạy, ꞌtoi ꞌquám ꞌpứng phủ ta đảy hên tẳng té ꞌkhoẹk, sau pên ꞌcốn téng páo ꞌquám [Chảu ꞌGiê‑ꞌsu], sứp tó ꞌmá hảư ꞌsúm ꞌháu#ꞌhụ. Khỏi đảy tham thí ꞌmá té cốc ꞌhọt pai nẳng nả ꞌviạk ꞌnặn#mết, chắng hên đi au ꞌpứng nả ꞌviạk ꞌnặn ꞌmá sét bớng pên khẳn#ꞌmá,

Nả ꞌviạk ꞌpứng ꞌlam ꞌchạư 22:16

ꞌKhạy ꞌnị báu#thả săng#lo, hảư ao tứn khửn ꞌdệt ꞌhịt bắp‑ti‑sa‑ꞌma, đé so ꞌhọt ꞌTan#chảu, hảư sák sang báp ꞌsội#sia.’

ꞌHệp‑ꞌlơ 6:11

ꞌSúm khỏi pháư ꞌmón ꞌpi ꞌnọng phủ đaư ꞌcọ ꞌcứ ꞌhọn ꞌkhớng ꞌsướng điêu ꞌtạu#sút, ꞌpưa ꞌchí đảy ꞌtoi ꞌláng áo ꞌpi ꞌnọng mong ꞌcóng thả ꞌnặn#ꞌtẹ.

ꞌHệp‑ꞌlơ 10:1

ꞌLuột ꞌláng Chảu Pua ꞌPhạ téng ꞌvạy ꞌnặn pên hún ꞌngáu bók ꞌluống ꞌtáng đi ꞌmá ꞌpái nả#thôi, báu#ꞌmen ꞌnéo#ꞌtẹ. ꞌPứng ꞌchương vảy ꞌsớ ꞌTan chảu ꞌtoi ꞌluột ꞌláng#ꞌnặn, ꞌchu pi sau ꞌcứ au tô sắt ꞌmá vảy ꞌsớ ꞌsướng#cáu, hák#ꞌva báu#ꞌmí ꞌsướng đaư ꞌdệt hảư phủ ꞌmá chăm Chảu Pua ꞌPhạ ꞌpẹk saư#đảy.

Swiv nou:

Lyen patwone

Piblisite

Piblisite