Bib sou entènèt

Paj dakèy
Bib sou entènèt
Nả ꞌviạk ꞌpứng ꞌlam ꞌchạư 15:1

Nả ꞌviạk ꞌpứng ꞌlam ꞌchạư 15:1 - Tai Dam

¹ ꞌMí kỉ ꞌcốn dú phén đin Du‑đai au căn pay cá ꞌmướng Ăn‑ti‑ô, bók ꞌpứng ꞌpi ꞌnọng phủ ꞌchưa Chảu ꞌGiê‑ꞌsu ꞌhọt nả ꞌviạk ꞌhiạk#ꞌva: ꞌChọ ꞌdệt ꞌhịt tắt mai hảư phủ ꞌchái ꞌtoi ꞌhịt ꞌkhóng pú ꞌMô‑ꞌsê pang ꞌchạu đảy ꞌchiến#ꞌmá. ꞌVa phủ đaư báu#ꞌdệt ꞌchí báu#khói sia báp ꞌsội#đảy.

Gade chapit la Kopi

tounen moute ⬆

Nả ꞌviạk ꞌpứng ꞌlam ꞌchạư 15:1
25 Referans Kwoze

ꞌKha‑ꞌla‑tia 5:6

Dú ꞌhôm ꞌngáu Chảu ꞌGiê‑ꞌsu ꞌKha‑ꞌlịt, ꞌhịt tắt mai ꞌnặn ꞌdệt ꞌhứ báu#ꞌdệt ꞌcọ báu#ꞌmí ꞌca#săng, ꞌmí ꞌto chaư ꞌchưa ꞌnéo ꞌhụ ꞌhặc ꞌpéng#căn.

Nả ꞌviạk ꞌpứng ꞌlam ꞌchạư 15:5

ꞌMí kỉ ꞌcốn cuông mốt phái ꞌPha‑ꞌli‑ꞌsai phủ ꞌchưa Chảu ꞌGiê‑ꞌsu đảy dưn khửn bók ꞌhọt nả ꞌviạk ꞌnị#ꞌva, “ꞌChọ hảư ꞌcốn táng ꞌphắn phủ ꞌmá ꞌchưa Chảu ꞌGiê‑ꞌsu ꞌnặn ꞌdệt ꞌhịt tắt mai hảư phủ#ꞌchái, kéng bók hảư sau ꞌdệt ꞌtoi ꞌluột ꞌláng pú ꞌMô‑ꞌsê đảy ꞌchiến#ꞌvạy.”

Cô‑ꞌlô‑ꞌsai 2:8

ꞌChự hảư đi, ꞌnhá hảư phủ đaư ỏn ꞌlứa ꞌpi ꞌnọng lông ꞌtoi ꞌluống ꞌtáng#phít, sau au ꞌquám bók son ꞌnéo báu#ꞌlạ báu#đai ꞌmá bẻo#ꞌlứa. ꞌQuám sau bók son ꞌnặn ꞌmen phủ ꞌcốn téng ók sứp tó căn ꞌmá ꞌtoi ꞌluống ꞌtáng phi phủ ꞌmí phép ꞌquiến nẳng cang#hao, báu#ꞌmen ꞌmá té Chảu ꞌKha‑ꞌlịt cá#đaư.

Nả ꞌviạk ꞌpứng ꞌlam ꞌchạư 15:24

ꞌSúm khỏi đảy ꞌnghín kháo#ꞌva, ꞌmí ꞌsán ꞌcốn nẳng ꞌsúm khỏi đảy ók pay ꞌvạu ꞌnéo nhủng chaư hảư ꞌpi#ꞌnọng, ăn ꞌnị sau hák ók pay ꞌló báu#ꞌmen ꞌsúm khỏi ꞌchạư sau pay cá#đaư.

Dô‑ꞌhăn 7:22

Pú ꞌMô‑ꞌsê đảy ꞌchiến ꞌquám bók ꞌpứng chảu ꞌdệt ꞌhịt tắt mai hảư ꞌlụk#ꞌchái, báu#ꞌmen ꞌmá tẳng té pú ꞌMô‑ꞌsê, ꞌmen ꞌmá tẳng té ꞌpứng pảu pú cốc ꞌmưa#ꞌláng. ꞌMự ꞌdặng ꞌcắm ꞌcọ#đi, ꞌpứng chảu ꞌnhắng ꞌdệt ꞌhịt tắt mai hảư ꞌlụk#ꞌchái.

ꞌKha‑ꞌla‑tia 2:1

Lăng ꞌmá đảy síp sí pi, khỏi kéng ꞌtan Ba‑ꞌna‑bắt đảy ꞌmứa cá ꞌmướng ꞌGiê‑ꞌlu‑ꞌsa‑ꞌlêm ꞌtưa ꞌnưng#máư, ꞌtưa ꞌnị đảy au ꞌtan Ti‑tô ꞌmứa#ꞌtoi.

Nả ꞌviạk ꞌpứng ꞌlam ꞌchạư 15:3

ꞌSúm ꞌhốm [nẳng ꞌmướng Ăn‑ti‑ô] đảy ꞌkhớng hảư sau ꞌtiếu ꞌtáng ók#pay, sau chắng đảy khảu cai phén đin ꞌPhoi‑ꞌni‑kê kéng ꞌSa‑ꞌma‑ꞌlia pay. Cai pay ꞌhọt bón#đaư, sau ꞌcọ đảy ꞌtố hảư ꞌpi ꞌnọng phủ ꞌchưa Chảu ꞌGiê‑ꞌsu ꞌhụ nả ꞌviạk ꞌcốn táng ꞌphắn đảy khảu ꞌmá ha Chảu Pua#ꞌPhạ. Đảy ꞌnghín kháo ꞌsướng ꞌnặn phaư ꞌcọ ꞌmuôn ꞌmớng#lai.

Nả ꞌviạk ꞌpứng ꞌlam ꞌchạư 6:14

ꞌSúm khỏi đảy ꞌnghín ꞌmắn ꞌvạu#ꞌva, ꞌGiê‑ꞌsu ꞌtáy ꞌmướng ꞌNa‑ꞌsa‑ꞌlệt ꞌnặn ꞌchí pé ꞌhướn vảy ꞌsớ hảư đắp siêu sia ꞌlẹo ꞌchí piến ꞌhịt ꞌkhóng pú ꞌMô‑ꞌsê đảy ꞌchiến ꞌvạy hảư ꞌháu ꞌnặn sia#máư.”

Cô‑ꞌlô‑ꞌsai 2:16

ꞌSướng ꞌnặn ꞌnhá hảư phủ đaư chê chảu nẳng ꞌchương#kin, ꞌhứ#ꞌva bók chảu ꞌdệt ꞌtoi ꞌhịt ꞌkhóng ꞌsướng kin ꞌtiệc khuốp#pi, ók bươn máư ꞌhứ#ꞌva ꞌmự ꞌdặng ꞌcắm báu#ꞌdệt#ꞌviạk.

Nả ꞌviạk ꞌpứng ꞌlam ꞌchạư 21:20

Đảy ꞌnghín ꞌtan ꞌvạu ꞌsướng#ꞌnặn, sau ꞌdiến cáo ꞌquám sỏng ꞌnhó Chảu Pua#ꞌPhạ, ꞌlẹo chắng ꞌvạu sú ꞌtan Pôn#ꞌva, “ꞌPi ꞌcọ hên#ꞌlẹo, ꞌmí phen ꞌDiu lai ꞌpắn ꞌcốn đảy khảu ꞌmá ꞌchưa Chảu ꞌGiê‑ꞌsu, phaư ꞌcọ au chaư sáư ꞌluột ꞌláng Chảu Pua#ꞌPhạ.

Nả ꞌviạk ꞌpứng ꞌlam ꞌchạư 15:22

Cuông ꞌchớ ꞌnặn, ꞌpứng ꞌlam ꞌchạư páo kháo Chảu ꞌGiê‑ꞌsu cắp ꞌpứng thảu ké ꞌtếng#cá mết ꞌsúm ꞌhốm Chảu ꞌGiê‑ꞌsu dú nẳng ꞌmướng ꞌGiê‑ꞌlu‑ꞌsa‑ꞌlêm, chắng sôm chaư ꞌlưạk au song ꞌchái cuông mốt#sau, ꞌchạư pay cá ꞌmướng Ăn‑ti‑ô ꞌtoi ꞌtan Pôn kéng ꞌtan Ba‑ꞌna‑bắt. ꞌTếng song ꞌchái ꞌnị ꞌcọ pên phủ#ꞌnưng cuông phủ cốc#sau, phủ#ꞌnưng ꞌchư Du‑đa, ꞌchư máư#ꞌva Ba‑ꞌsa‑ba, phủ#ꞌnưng ꞌchư ꞌSi‑ꞌla.

Nả ꞌviạk ꞌpứng ꞌlam ꞌchạư 1:15

ꞌMưa ꞌchớ ꞌnặn, ꞌpi ꞌnọng mốt ꞌchưa Chảu ꞌGiê‑ꞌsu ꞌmá tảu ꞌhốm ꞌsúm#căn, ꞌtếng mết ꞌmí dáo ꞌhọi ꞌsáo#ꞌcốn. ꞌTan Pê‑tô chắng tứn khửn cang mú ꞌsúm ꞌlẹo#ꞌva,

Nả ꞌviạk ꞌpứng ꞌlam ꞌchạư 15:23

ꞌPứng ꞌlam ꞌchạư páo kháo cắp thảu ké đảy tẻm sư hảư sau khắm#pay, ꞌmí ꞌquám ꞌva ꞌsướng#ꞌnị: “ꞌSúm khỏi ꞌmen phủ ꞌlam ꞌchạư páo kháo Chảu ꞌGiê‑ꞌsu kéng ꞌpứng thảu#ké, ꞌsúm khỏi pên ꞌpi ꞌnọng ꞌpứng#ꞌtan, so ꞌmí ꞌquám ꞌmá dử dam tham kháo ha ꞌpi ꞌnọng ꞌcốn táng ꞌphắn nẳng ꞌmướng Ăn‑ti‑ô, tỉnh ꞌSi‑ꞌlia kéng tỉnh Ki‑ꞌli‑kia.

Nả ꞌviạk ꞌpứng ꞌlam ꞌchạư 15:32

ꞌTan Du‑đa kéng ꞌtan ꞌSi‑ꞌla ꞌcọ pên ꞌlam páo ꞌquám Chảu Pua#ꞌPhạ, sau ꞌmí lai ꞌquám bók#son, pản ꞌpúa ꞌpi ꞌnọng phủ ꞌchưa Chảu ꞌGiê‑ꞌsu nẳng ꞌmướng Ăn‑ti‑ô ꞌnặn hảư mẳn chaư ꞌchưa khửn#tứm.

ꞌKha‑ꞌla‑tia 6:12

ꞌPứng ꞌcốn khốm ꞌpi ꞌnọng hảư ꞌdệt ꞌhịt tắt mai ꞌnặn ꞌmen ꞌpứng phủ é đảy nả đảy ta hảư ꞌcốn sưng#chảu, ꞌpưa sau é khói sia ꞌcốn ꞌnạp têng nẳng ꞌviạk páo kháo Chảu ꞌKha‑ꞌlịt tai ꞌtếng ꞌmạy tháng khen ꞌto#ꞌnặn.

Swiv nou:

Lyen patwone

Piblisite

Piblisite