Yoˊhan 21:7 - Plang (Blang)

⁷ Hawcˊ koˊ, tapaeˊ kuˊ Yesuˊ leumeusˊ Eun naˊ eun lahˊ a ri Petruˊ eun, “Meuh a Yesuˊ Eun.” Yam Siˊmon Petruˊ keulawnˊ pun eun ri mhawngˊ meuh a Yesuˊ Eun naˊ, eun seumaic ri cuipˊ hk'o dalˊ ri naˊ (kopti hpuicˊ eun ri uinˊ hk'o ri naˊ). Hawcˊ koˊ, eun yawtˊ ti lec nang leuumˊ naˊ.

Yoˊhan 21:7 Referans Kwoze

Yoˊhan 13:23

Tapaeˊ kuˊ Yesuˊ leumeusˊ Eun ti peue naˊ eun buih mokˊ ri somˊ teul ri keunam Eun Yesuˊ naˊ.

Yoˊhan 20:2

Kop awnˊ na, eun hk'uih ingˊ lahˊ a ri Siˊmon Petruˊ eun maeeˊ tapaeˊ seubu kuˊ Yesuˊ leumeusˊ Eun naˊ ka, “Ti ce Peucawoˊ Eun heulˊ hk'aiˊ keutuiˊ leuangˊ naˊ hawcˊ. Uiˊ hkuinˊ yawng naˊ ce ti Eun heulˊ hk'aˊnhawˊ.”

Yoˊhan 19:26

Yam Yesuˊ nyu Eun ma ri ka maeeˊ tapaeˊ leumeusˊ ri naˊ cawng ka keunam ri naˊ, Eun lahˊ a ri ma ri ka, “Ma leumeusˊ Uiˊ, hkawnˊ meuh a konˊ me paˊ naˊ eun.”

2 Kawˊrinhtuˊ 5:14

Hk'aˊ leumeusˊkeus Eun Hkrit naˊ uˊpeung ka eˊ. Kopti yawng eˊ peue ti peue naˊ pun Eun ri hkamˊ ri yeum pun peue gawmˊeucˊ naˊ, kop awnˊ na, peue gawmˊeucˊ naˊ peue yeum hawcˊ.

Yoˊhan 21:24

Meuh a tapaeˊ awnˊ eun hawcˊ meunang hkamˊ eun saˊhkiˊ ka lawng awnˊ na, eun ku temˊ a hk'aˊnaee htawm naˊ. Yawng ye leukahˊ hkamˊ saˊhkiˊ eun naˊ meuh a neumneum.

Yoˊhan 21:20

Petruˊ eun hpawtˊ ri eun nyu tapaeˊ kuˊ Yesuˊ leumeusˊ Eun naˊ buih hotˊ eun ri ingˊ. (Tapaeˊ awnˊ eun a meuh kuˊ mokˊ ri teul ri Yesuˊ Eun yam somˊ pul ce, eun mhaingˊ Yesuˊ Eun, “Cawoˊ, kuˊ kaw fuin Mi naˊ a ciˊ meuh aˊnhawˊ?”)

Peue caee 10:36

Peˊ ku yawng lawng leukahˊ tuilˊ Eun ri peue Iˊsarelaˊ naˊ ce. A meuh leukahˊ munˊ renˊkawn toˊ ri hk'aˊ kuit nyawkˊ kuit samˊran cumyenˊ kuˊ suip ri ris ri neum Yesuˊ Hkrit meuh Eun Peucawoˊ peue gawmˊeucˊ naˊ.

Peue caee 2:36

Kop awnˊ na peue Iˊsarelaˊ naˊ peˊ gawmˊeucˊ, yawng pawn aenˊ na meulamlam ri reuˊ. Peucawoˊ kah Eun Yesuˊ kuˊ tawkˊ peˊ pang kleumˊ rawngˊtawpˊ aenˊ Eun meuh Cawoˊ meuh Hkrit.”

Luˊka 7:47

Kop awnˊ na, Uiˊ kaw lahˊ a ri mi. Kopti pun eun ri pon mapˊ ri heunˊ naˊ, eun yeuh hk'aˊ leumeusˊkeus ri heunˊ naˊ lih. Kuˊ pun ri pon mapˊ leng naˊ, eun leumeusˊ leng yeut.”

Luˊka 2:11

Seunyaenˊ, Cawoˊ teumˊkawm htut peˊ lawtpon naˊ keutˊ Eun pun peˊ nang veng eun Davitˊ naˊ hawcˊ. Meuh Eun Cawoˊ Hkrit.

Makuˊ 11:3

Peue ti ri peue eun lawn naˊ lhonˊ ri mhaingˊ paˊ, ‘A ciˊ yeuh keunhawˊ paˊ vaeeˊ yeuh kuˊ yeuhkiˊ?’ paˊ naˊ lahˊ, ‘Cawoˊ loˊ Eun a. Ti yam naˊ ya tang ingˊ tuilˊ a maenˊ.’ ”

Yakopˊ 2:1

Ecˊawngˊ uiˊ naˊ peˊ, kopti meuh peˊ peue yumˊ Cawoˊ Yesuˊ Hkrit munhpungˊ keuting eˊ naˊ Eun naˊ, pawlaee keueˊ ri buh peue.

1 Kawˊrinhtuˊ 15:47

Peue nanggalˊ naˊ ingˊ eun neum keuteˊ ka bhenˊ keuteˊ naˊ, daecti peue ingˊ hotˊ naˊ Eun lih neum kuingˊ pang maoˊ.

Yoˊhan 20:28

Htoˊmasˊ eun lahˊ, “Cawoˊ Uiˊ, Peucawoˊ Uiˊ.”

Yoˊhan 20:20

Hawcˊ lahˊ Eun a yeuh keutitˊ naˊ, Eun tuilˊ ce nawk dak tiˊ ri naˊ maeeˊ hk'aˊ seuangˊ hk'ukˊ ri naˊ. Yam tapaeˊ naˊ pun ce ri nyu Yesuˊ Eun hawcˊ naˊ, ce renˊkawn nyawkˊ.

Luˊka 12:35

Cuipˊ hk'eung kaw ri yeuh mhaiˊ peue naˊ rangraen ri meulamlam ri. Co kawkˊ ngawl peˊ naˊ cengˊ reuˊ.

Yoˊhan 21:8

Tapaeˊ seubu naˊ ce mokˊ nang reu ri naˊ, ce va a hotˊ ce ingˊ rot maeeˊ reup nuknhenˊ meuh kaˊ naˊ. Kopti unˊ seungai ce tak sai naˊ, a naˊ gup meuh yawo hk'ao ri hpawnˊkulˊ tawpˊ naˊ.