Yoˊhan 21:16 - Plang (Blang)

¹⁶ Yesuˊ Eun tang lahˊ a ri heun baee, “Siˊmon konˊ Yoˊhan, lakˊ leumeusˊ mi Uiˊ neumneum aw?” Eun topˊ a, “Meuh, yawng Mi leumeusˊ uiˊ Mi yeut.” Yesuˊ Eun lahˊ, “Roksaˊ konˊyungˊ Uiˊ naˊ ce reuˊ.”

Yoˊhan 21:16 Referans Kwoze

Peue caee 20:28

Nomˊnawk tuˊ peˊ naˊ maeeˊ muk konˊyungˊ kuˊ Citˊ seungaˊ chakˊ naˊ uinˊ a peˊ meuh nang nomˊnawk roksaˊ naˊ ce meulamlam ri reuˊ. Meuh nang koˊ konˊyungˊ muk konˊ Hkrit Eun Peucawoˊ kuˊ Peucawoˊ leuvaee Eun hk'aiˊ nhamˊ ri naˊ reuˊ.

1 Petruˊ 5:2

roksaˊ poˊ nawk konˊyungˊ Eun Peucawoˊ utˊ hk'aˊruim vang roksaˊ peˊ naˊ ce reuˊ. Pawlaee yeuh a kopti meuh a kuˊ htukˊ ri kaw yeuh, daecti sahpawˊ ri yeuh a hotˊ alo Eun Peucawoˊ Cawoˊ sumˊ kah Eun peˊ yeuh naˊ reuˊ. Pawlaee yeuh a maeeˊ sumˊ pun ri leumuil, daecti peus hpumˊ ri yeuh a reuˊ.

1 Petruˊ 2:25

Kopti seunˊ peˊ konˊyungˊ veung raiˊ heulˊ naˊ, daecti maetˊmaenˊ peˊ keutah ingˊ rot ri Cawoˊ goˊ Cawoˊ roksaˊ civit peˊ naˊ Eun hawcˊ.

Hebraeˊ 13:20

Peucawoˊ Cawoˊ kuit nyawkˊ kuit samˊran Cawoˊ yeuh Cawoˊ goˊ muk konˊyungˊ keuting Eun Peucawoˊ Yesuˊ eˊ naˊ Eun tang kuhˊ imˊ ri nhamˊ ka kati satˊcaˊ cotˊcu naˊ Eun,

Yoˊhan 18:25

Yam Siˊmon Petruˊ cawng eun ri cuil ngawl naˊ, peue ti peue naˊ eun mhaingˊ eun, “Mi ku meuh tapaeˊ Eun ti peue yeut, unˊ meuh ka aw?” Petruˊ eun htuˊhtingˊ lahˊ, “Uihˊ, caˊ meuh uiˊ.”

Yoˊhan 18:17

Beunˊ koˊ leuvaˊ naˊ eun mhaingˊ Petruˊ eun, “Mi ku meuh tapaeˊ Eun ti peue, unˊ meuh ka aw?” Eun topˊ a, “Uihˊ, caˊ meuh uiˊ.”

Luˊka 19:10

Kopti punta kaw Eun sok ri teumˊkawm htut peue raiˊ naˊ ce lawtpon naˊ, Konˊ aiˊ peue Eun lih.”

Mahtae 26:72

Petruˊ eun tang htuˊhtingˊ ka baee. Eun hkamˊ a lahˊ, “Hpaw uiˊ caˊ yawng hkawnˊ Eun.”

Mahtae 25:32

Peue ceu gawmˊeucˊ naˊ peue kaw ingˊ cuhk'onˊ ri nanggalˊ Eun naˊ. Hawcˊ koˊ, Eun kaw gvah peue hk'aiˊ puri seunˊ peue goˊ konˊyungˊ naˊ gvah eun konˊyungˊ naˊ maeeˊ aˊpe naˊ koˊ.

Mahtae 2:6

‘Yungˊ Baelaehaem utˊ nang kuingˊ Yuˊdah naˊ mi, hpaw mi caˊ kaw aetˊ hk'aiˊ peue hk'aˊnaee vang uˊpeung ce kuingˊ Yuˊda naˊ, kopti Cawoˊ uˊpeung ti peue naˊ kaw Eun pucti lih hk'aˊnaee mi. Eun kaw meuh nang teukˊ va peue ceu Uiˊ Iˊsarelaˊ naˊ ce seunˊ cawoˊ goˊ konˊyungˊ naˊ teukˊ va eun konˊyungˊ ri naˊ koˊ.’ ”

Tuhˊ ri tuilˊ 7:17

Kopti Konˊyungˊ utˊ nang ngonˊ ka tenceoˊ naˊ, kaw Eun meuh Cawoˊ goˊ ce. Eun kaw va ce heulˊ ri keutuiˊ leuumˊ civit imˊ naˊ. Peucawoˊ Eun kaw otˊ ri tec leuumˊ ngaiˊ lih neum ngaiˊ ce naˊ ku jam ka.”

Yoˊhan 21:17

Yesuˊ Eun tang lahˊ a ri heun hton loeˊ pok, “Siˊmon konˊ Yoˊhan, lakˊ leumeusˊ mi Uiˊ aw?” Kopti Yesuˊ mhaingˊ Eun, “Lakˊ leumeusˊ mi Uiˊ aw?” hton loeˊ pok naˊ, Petruˊ eun hpumˊ lu. Eun topˊ a, “Cawoˊ, yawng Mi ku ceu gawmˊeucˊ naˊ. Mi yawng leumeusˊ uiˊ Mi.” Yesuˊ eun lahˊ, “Uiiˊ konˊyungˊ Uiˊ naˊ ce reuˊ.