Mahtae 25:35 - Plang (Blang)

³⁵ Kopti yam sumˊ somˊ Uiˊ naˊ, peˊ tuilˊ Uiˊ somˊ. Yam sumˊ nyui Uiˊ leuumˊ naˊ, peˊ tuilˊ Uiˊ nyui. Yam meuh Uiˊ peue leuvok unˊ duing nyu naˊ, peˊ rap ri ti Uiˊ.

Mahtae 25:35 Referans Kwoze

Hebraeˊ 13:16

Pawlaee pil kaw ri yeuh kuˊ chakˊ naˊ maeeˊ gvah ri tuilˊ peue isˊ naˊ awh. Kopti kuˊ tan yeuhkiˊ naˊ hitˊ a ri hpumˊ Eun Peucawoˊ.

Yakopˊ 1:27

Tamˊ munˊ tamˊ sinˊ kuˊ Kuiingˊ Peucawoˊ eˊ rap Eun ri ti naˊ a meuh kuˊ seungaˊ chakˊ maeeˊ kuˊ unˊ kueˊ vang ri naˊ meuh ka roksaˊ konˊ dueˊ maeeˊ aˊya seunao kuˊ pun ri hkamˊ kuˊ tukhka naˊ, maeeˊ roksaˊ tuˊ ri unˊ va kuˊ hk'awˊjeuk ka bhenˊ keuteˊ naˊ pit ri naˊ.

Roˊma 12:13

Gvah ri tuilˊ ri peue Eun Peucawoˊ kuˊ cuthkuinˊ naˊ ce reuˊ. Yeuh ri kueˊ hpumˊ vahveung rap ri ti checˊleu naˊ ce reuˊ.

Roˊma 12:20

Nang htawm Seungaˊ ton seubu naˊ a lahˊ, “Ransu mi naˊ eun lawn sumˊ somˊ koˊ, tuilˊ eun somˊ reuˊ. Eun lawn sumˊ nyui leuumˊ koˊ, tuilˊ eun nyui reuˊ. Yeuh keutitˊ naˊ koˊ, mi kaw baee guh ngawl haˊ pang cingˊ eun naˊ.”

Hebraeˊ 6:10

Peucawoˊ leupaws seumeuˊ Eun. Eun unˊ pil kanˊ kuˊ yeuh peˊ naˊ maeeˊ hk'aˊ leumeusˊkeus yeuh peˊ Eun nyu naˊ. Awnˊ a koˊ, a meuh hk'aˊ teumˊkawm peˊ peue ceu Eun naˊ, peˊ naˊ suip ri teumˊkawm ce heulˊ baee.

Hpiˊleˊmon 1:7

Awngˊ uiˊ naˊ mi, hk'aˊ leumeusˊkeus mi naˊ yeuh ka uiˊ kueˊ kawlˊreng renˊkawn kuit samˊran nyawkˊ, kopti yeuh mi peue Eun Peucawoˊ naˊ ce hpumˊ samˊran naˊ.

1 Tiˊmoˊse 5:10

kueˊ muis lawsˊ hk'aˊnaee yeuh kanˊ chakˊ naˊ, uˊhpama ri koˊ, roksaˊ konˊhk'i ri, cang rap ri ti checˊ, hkucˊ cung ce peue Eun Peucawoˊ naˊ, teumˊkawm nang tukhka maeeˊ tan tuˊ ri yeuh kanˊ chakˊ ku ceu.

Eˊfeˊsuˊ 4:28

Peˊ lawn tawn rabawkˊ peue koˊ, pawlaee va ri rabawkˊ baee, daecti yeuh kanˊ naˊ. Loˊ tiˊ ri naˊ meun yeuh kuˊ kueˊ munˊ, punta naˊ a cang caw ri kueˊ kuˊ ti ri ceu gvah ri tuilˊ ri peue loˊ naˊ ce.

Roˊma 16:23

Gaiasˊ kuˊ hpumˊ vah hpumˊ hk'oˊrenˊ rap ri ti uiˊ maeeˊ rap ri ti muk konˊ Hkrit maenˊ naˊ eun ku tawmˊ a lahˊ ri leunyeng ri peˊ. Eˊratasˊ cawoˊ roksaˊ leumuil ka veng aenˊ a naˊ eun maeeˊ Hkeotasˊ ecˊawngˊ uiˊ naˊ ka tawmˊ a lahˊ ri leunyeng ri peˊ.

Peue caee 16:15

Yam beunˊ awnˊ ka maeeˊ peue nya ka naˊ hawcˊ ce rap ri ti hk'aˊ cumˊ ri naˊ, ka klawng ye ingˊ ti nya ce. Ka lahˊ, “Peˊ lawn kuit meuh uiˊ peue yumˊ Peucawoˊ Eun koˊ, ingˊ utˊ ri nya ye reuˊ.” Ka saeˊcaeeˊ hk'oˊ ri yeuh ri pun ye ingˊ utˊ ri nya ce.

Peue caee 11:29

Kop awnˊ na, tapaeˊ naˊ kaw ce pawngˊ puri teumˊkawm ecˊawngˊ utˊ nang kuingˊ Yuˊda naˊ ce seunˊ sawngˊ kueˊ ce kawlˊreng naˊ, ce kuit a deut.

Peue caee 10:31

Eun lahˊ, ‘Kawneliˊ, Peucawoˊ mhawngˊ Eun sengˊ hk'oˊ mi munˊ naˊ maeeˊ kuit rot Eun ri kuˊ teumˊkawm mi peue hk'oˊtukyak naˊ ce hawcˊ.

Peue caee 4:32

Peue yumˊ naˊ ce gawmˊeucˊ, kamkuit hpumˊ ce naˊ a meuh ti meulˊ. Ce unˊ hkvetˊhkvawn vahtuˊ hk'ilˊ leumuil ri puri. Daecti kuˊ kueˊ ce naˊ ku ceu ka, ce gvah puri.

Yoˊhan 13:29

Kopti Yuˊdasˊ meuh eun nang roksaˊ huilˊ paec naˊ, ngonˊ ce hteumˊ Yesuˊ Eun naˊ kah eun heulˊ leuvaee kuˊ loˊ hk'aˊnaee pawe naˊ ti ri ceu, aˊkoˊ, kah eun heulˊ tan ri peue hk'oˊtukyak naˊ ce.

Luˊka 11:41

Daecti tuilˊ kuˊ kueˊ hk'aˊnaee paenˊ naˊ ri peue hk'oˊtukyak naˊ ce reuˊ. Peˊ lawn yeuh keutitˊ koˊ, a kaw seungaˊ chakˊ pun peˊ ku ceu.

Makuˊ 14:7

Peue hk'oˊtukyak naˊ utˊ ce maeeˊ peˊ laleung. Peˊ sumˊ teumˊkawm ce yamnhawˊ, peˊ ku kaw cang teumˊkawm ce. Daecti Uiˊ ri, Uiˊ hkuinˊ kaw utˊ maeeˊ peˊ laleung.

Mahtae 26:11

Peue hk'oˊtukyak naˊ utˊ ce maeeˊ peˊ laleung. Daecti Uiˊ ri, Uiˊ hkuinˊ kaw utˊ maeeˊ peˊ laleung.

Mahtae 25:40

Hkunˊhawˊhkamˊ naˊ Eun kaw topˊ a, ‘Uiˊ lahˊ a ri peˊ neumneum. Kuˊ yeuh peˊ a ri peue aetˊ hk'aiˊ peue hk'aˊnaee ecˊawngˊ Uiˊ ti peue naˊ eun naˊ, peˊ ku yeuh a ri Uiˊ yeut.’