Mahtae 15:10 - Plang (Blang)

¹⁰ Hawcˊ koˊ, Yesuˊ Eun klawng peue cum heunˊ naˊ ce ingˊ ri ti. Eun lahˊ, “Leuceng ri yawng kuˊ lahˊ Uiˊ naˊ reuˊ,

Mahtae 15:10 Referans Kwoze

Kawˊlawˊsaeˊ 1:9

Kop awnˊ na, tangˊ neum seunyi yam pun ya ri mhawngˊ lawng peˊ naˊ, ya hk'oˊ munˊ pun peˊ unˊ laee deut. Kah Peucawoˊ Eun yeuh peˊ htonnuk ri cuˊyi ka alo Eun naˊ ri cuˊyi maeeˊ hk'aˊ cang yawng ka hk'aˊ civit naˊ reuˊ.

Luˊka 24:45

Hawcˊ awnˊ na, punta kaw ce yawng vangdohˊ ka htawm Seungaˊ naˊ, Eun tuhˊ hpumˊ ce naˊ.

Eˊfeˊsuˊ 1:17

Hk'oˊ uiˊ a ri Peucawoˊ Eun Cawoˊ Yesuˊ Hkrit eˊ kuˊ meuh Aˊkuiingˊ munhpungˊ keuting naˊ Eun kah peˊ kueˊ citˊ seungaˊ ka cuˊyi naˊ maeeˊ citˊ seungaˊ ka tuhˊ ri tuilˊ naˊ, punta kaw peˊ gawm yawng Eun heunˊ naˊ.

Mahtae 24:15

Kop awnˊ na, yam nyu peˊ kuˊ hk'awˊjeuk yeuh kuˊ lulaic naˊ utˊ a hk'aˊnaee vang seungaˊ chakˊ naˊ hotˊ seunˊ kuˊ Dayelaˊ peue suip leukahˊ Eun Peucawoˊ lahˊ eun ri uinˊ naˊ (peue lip htawm aenˊ a naˊ, coˊcaˊ ri yawng a reuˊ),

Mahtae 13:19

Kuˊ seumal hk'uicˊ nang gonˊhk'aˊ naˊ a meuh peue pun ri mhawngˊ lawng ka kuingˊ pang maoˊ daecti ce unˊ leuceng pun a naˊ, seucaˊ rai naˊ ingˊ ti a kuˊ seumal puinˊ ri hk'aˊnaee hpumˊ ce naˊ heulˊ.

Yakopˊ 1:5

Hk'aˊnaee peˊ ti ri peue aˊnhawˊ lawn cuˊyi unˊ nuk koˊ, hk'oˊ a ri Peucawoˊ Cawoˊ cang tuilˊ ri peue ri hpumˊ vah ri unˊ cang isˊ naˊ Eun reuˊ, kaw eun pun a.

Mahtae 15:9

Faeeˊ ce Uiˊ naˊ a meuh kuˊ hk'oˊhk'awngˊ, kuˊ sangsawnˊ ce naˊ a meuh yawo ritroe kuˊ peue sangsawnˊ peue puri naˊ.’ ”

Mahtae 15:11

‘Kuˊ ingˊ lec hk'aˊnaee moeng peue naˊ a hkuinˊ yeuh peue unˊ seungaˊ, daecti meuh a kuˊ pucti lih hk'aiˊ moeng peue naˊ yeuh a peue unˊ seungaˊ.’ ”