Taitasi 1:15 - BAṈARA KO VAIRU AMA LEVELEVEO

¹⁵ Kiadama quli ta bulebule se bulebule amu kasi; melai pulia quli ta bulebule se sarueko ko kaqa samu kasi ni se tuvevo puto pide amu kasi, ako seko kerukeru poso ni upo nianiio poso ta lula ruqe sole.

Taitasi 1:15 Referans Kwoze

Romu 14:14

Aṉako tuvevo puevo kale vo Lekasa Jisu inio aṉata tuvevo a ika ta puliama sailao ta ko kaitizia tu kuo vo Baṉara ko kelokelozato kale; melai kala maba ta tuvevo o ikou voko tuvevo puto kale ta kama sailao ta ko kaitizia kio inio, kota tabu ikio vokasi tu o kuo.

Romu 14:20

Ṉota pui kai niumaeko vo Baṉara ko iruruputo kama sailao poso ṉoṉo quako kale. Ako kiadama sailao ta keazato ko quli sole, melai pui uri tu kala ta o saruilo ṉoko keazato kale.

1 Koriniti 10:23

“Kiadama quli ta ko zarizia anime kasi tu me ereko.” So inio kake mela kimelani. Kota tuvevo ko so melai pui kiadama quli kio uri ama. “Animeta me zarizia tu me ereko kiadama quli,” kimelani, melai pui koa kiadama ikio tauvezato sama quli.

Matiu 15:18

Melai ko quli vo maba o rukuekako voko suto kale ta ko kuevako voko bulo kale azo ni ko quli kio kaqa ko rovea ivo vo maba Baṉara ko vilu kasa.

Romu 14:23

Melai vota niuniala okai elou ko vo o kuako quli nio Baṉara ko kuiripato ta ko vovou vo so keru vo o kuovou keru koa sailao, ako vota o utu ereka oqu pide sole. Ko oqu pide ko ereivako quli ta sarueko ikio.

1 Koriniti 10:31

Zio, melai koa kiadama quli meme erekako, ni meme quako ni me nozuekake quli kale, meta vai ṉaṉaidara puekomo vo Baṉara kiada keru.

Iruruputo 10:15

Ni koa kora ta mata eri kikolake vokasi, “Ṉota pui kai kuiriko ruqe ama quli vo Baṉara lula uri ni tabu o ikema quli,” kikolake.

1 Koriniti 8:7

Melai pui kiadama maba poso inio ke paqumuka komia tuveano. Ako kake maba poso lula rosi ama taku malaṉaja kekai evani ko beku poso ta seko kuo kale ko soama sailao seta kebe kerukerueka ko soama sailao ta beku ko ikio kio. Seta pui ke rovea uria pitasiko sidopu ni sarueko nio ke lainika ta koa sailao ta kaqa ko ima Baṉara ko vilu kasa.

Hiburu 10:22

So sole animeta me qilou vo Baṉara ko sipole ni mevai oquvou vo Jisu Karisito ni me qativou animeko pado ama bulo, ako vo Jisu ko dara ikio bulebule ko ikema animeko pado ama bulo poso, tu meqai nianiio ta vo Baṉara ta lula o akoeka animeko sarueko, ni lula bulebule o imela anime kio.

1 Koriniti 10:25

Kota ko mela zarizia tu meta me quovou ko marabau ko me dabarikako tatabarao ko zaekale. Meta pui tiṉoliṉoli kai elo ni pui meqai kuimakuimanaovou koa marabau.

1 Timoti 6:5

ni kiada keru ama zolizoliekinio sama quli. Sea maba poso ko kerukeru ta sarube ama ni seta pui ke rovea nianiieko ko tuveano. Ni koko topi tiniama seko sarube ama kerukeru ta Baṉara ko tava paṉao ta kai batiro puilo ko quli kikela.

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Hiburu 12:15

Balauvomo tu puliala ta o liliziovou Baṉara ko pakiezato sama roquano kasi azo. Ni vailomo tu puliala ta o pasopasoilou, ako koko epamata keru ta ko pasopasoilo ta kubo tapata ko ereka seke tuvevo putani kasi ni ko niumaeka seko saevo.