Taitasi 1:11 - BAṈARA KO VAIRU AMA LEVELEVEO

¹¹ Ṉota maba ṉoda ma dokolikou seko pesio, ako seta upotuqu ke ima sea pado ama saidi poso sole seko mai nianiiekiko kale ko quli ko pui ko male ama nianiiekato, seko takula ko kovo ko zario kale. Ni so kebe kava melai seta pui kekai qurata.

Taitasi 1:11 Referans Kwoze

2 Timoti 3:6

Kake sea maba poso ta ke olaolaita maba poso ko pade kale ni ke lipalipaema se pui uri ama lezu sama rekoreko poso se duki amu seko sarueko poso ko kuiripato kale ni seke saruivani seko lulueko kale kubo azaazama vatolo poso.

1 Timoti 6:5

ni kiada keru ama zolizoliekinio sama quli. Sea maba poso ko kerukeru ta sarube ama ni seta pui ke rovea nianiieko ko tuveano. Ni koko topi tiniama seko sarube ama kerukeru ta Baṉara ko tava paṉao ta kai batiro puilo ko quli kikela.

Romu 3:19

Animeta me baqumuka ko Bazu kikolani ta ko kaseiva sea kiadamu kasi, se koa Bazu ko pizato kale ke evani, tu kota ko epeziko maba poso kati zolio seko ruqe, tu pado ama peuru ma peuru kale amu ta ke elo vo Baṉara ko titizato kale.

Taitasi 3:10

Katima omuqa balauvato sea maba poso seke erekani ko pitasio poso, melai so kebeta kalou ta ṉota pui mata ṉo mati lolopareovou se.

Taitasi 1:9

Vota pui o vaekou koa kerula kama ni korokoroti ama lotu ko bazu. So inio vota o roveovou zuvarimo se edolomu koa tuvevo ama nianiiekato kale ni vota mata kasa o ikou ko sarueko seke tizaekani koa bazu ko.

Taitasi 1:7

Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

2 Koriniti 11:10

Aṉata maulu a bika vo Karisito ko tuveano aṉa kale ama kale, ta aṉata abeta ziovou raurailo kiadakoi sai mekasi Akaia ranama peuru poso kale aṉako pui tamela kovo ko tabara.

Luke 20:40

Ako sea kiadamu ta keta matu paṉaovake tu vai tova kuimaeko kama kuimanao poso sole.

Jone 10:12

Vo o tabariani maba ta o vaema ni ota ma soqoiva sea sipi vo o vea keru kala kade ala biana ko kilo, ako vota pui vailo ko maba ni sea sipi poso melai pui voko madu sole. So sole voa kade ala biaṉa ta ota kueva ni o qiqaruma ni o birebirema sea sipi poso.

Matiu 23:13

“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.

1 Timoti 5:4

Melai kama naboko ta meqora sama ma mabuzu sama ko elou ta sea meqora ni mabuzu poso ta ke paqumukou ni ke erekou seko lotu ko mati soruekako iruruputo tu ke tauvemou seko saidi kale amu ni ke besiekou koa tauvezato seke koema lulavo seko mama ni niania ni taite poso kasi, ako komi kio vo Baṉara okai zoleivako sole.

2 Timoti 2:18

Nioqa inio qo ṉamukeni nioqa ko tuveano, ni lekuleku qo imani nioqa kake seke tuvevo putani seko oqu kale kai bazuto kale ko anime lotu maba mela ko mata saevo voukale azo ta lula kota ereiva kio ni pui kopa tova ereilou kio sama lipalipato kale.