Biblia Todo Logo
Bib sou entènèt

- Piblisite -




Romu 8:23 - BAṈARA KO VAIRU AMA LEVELEVEO

23 Pui koa auvana pide ama quli vo Baṉara o erekema ko kiada ikio ko tolaivako, melai anime lula me qoeni mela ko Tabu ama Auvana melai duki meda eva animeko bulo kale, animeko tareko kale vo Baṉara ko meqora poso elo tu rupasio animeko pado ama saevo kale. Ko Tabu ama Auvana ta Baṉara ko kuleto ama puaro anime kasi.

Gade chapit la Kopi




Romu 8:23
26 Referans Kwoze  

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.


So sole voa Tabu ala Auvana ta leveleveo ko mamola anime kasi. Vo inio kasa o mela ikani ta animeta me qovou vo Baṉara leveleveo o ikema o ṉaviko mabamu kasi. Ni komi kale inio tuvevo me ikou vo Baṉara ta o maba rupasimou o ṉaviko maba madu. So sole animeta mevai ilusiko voko ṉaṉaidara!


Ni meta pui duki me ivou vo Tabu ala Auvana, ako vo inio vo Baṉara vo mamola me o melai ṉeamukani sole. Ni vo Baṉara ta o katimele me voa Auvana tu kasa o ikou ta vo Baṉara ta o rupasimelou me komi ko kuevako taku kale.


ako animeta me dareka sole koa zoleilo sama ṉaniu anime meqai keruako tu meqai barolo, so keru vo animevo matula Baṉara Jisu Karisito o puratou keru voko ṉaṉaidara kale tu o pakiemelo anime.


Melai eṉeta oqu kale, ni eṉeko tuvevo puto sama kerukeru kale ni vo Tabu ala Auvana ko zuvarato kale inio eṉeta ṉebe tareka vo Baṉara ko sidopu iṉelo eṉe.


Ke, aṉata matu upotuqu ada eva! Lala inio o pakielou aṉa komia tupu vou sama kasi azo?


Kiadama quli koko ereima ta ko matu tareka vo Baṉara ko kasa imo voko meqora poso.


Seta omadeuvo se mateana madu jari inio keta elou ni seta pui kepa roveovou vou. Seta vo Baṉara ko meqora poso inio, ako seta mata keta saevou voukale azo.


A baerebaere poso, erisaṉa animeta vo Baṉara ko meqora poso mela. Ni kota pui nio kasa ko eva noi nio anime me elo avo tova, melai animeta me rovea kai nianiio vo Karisito o vaitou keru animeta vo jari me elou, ako me uria velou vo sole voko tuvevo ama elo kale.


So keru ko quli ko tanitou keru ereilo, meta me lojolou ni me dadatikou meko lezu poso, ako meko pakiezato ko taku ta sipole sole,” kiolake.


Ako komia tapata poso ta ko kasa pueka sole meko oqu ko rurubiatana. Ni komia oqu ko bulebule ta kokai paloasa qolo ko bulebule. Ako qolo ta ko kasa puiva koko bulebule uza kale melai ko qolo ta kota niumailou. Melai meko oqu ko bulebule kale inio vo Baṉara ta o ilusimelou me ni o ṉaṉaidara puemelou ni o rauraemelou so keru Jisu Karisito mata o vaitou keru.


Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.


Ni koa keru ta pui quraqurati ama quli anime kasi, ako Baṉara ta lula o raibike voko roquano animeko bulo poso kale vo Tabu ala Auvana kale, vo lula o katiziovini tu anime kaqe.


Lula ṉebeta baroa sai koa Masedonia peuru poso kale melai eṉeta puliama mamazo ṉeba koe, ako koa kiadakoi ta kubo tapata sole, kake ta ke ṉelati aivekinie eṉe, ni eṉeta ṉeda ṉake.


Ni so jari animeta meqa zoleiva animeko tapata poso, ako me baqumuka ta ko tapata ko epa ta pizaka lojo elo,


Pui koko kiada, melai animeta meqa zoleiva ko quli vo Baṉara o erekema vo animevo Lekasa Jisu Karisito kale, vo erisaṉa anime Baṉara ko baerebaere poso o imelani.


Sokale avo inio meta pui nieu meqai eva kovo kiadama katizato poso Tabu ala Auvana kasi azo ama, komia taku keru so keru meme dareva keru vo animevo Lekasa Jisu Karisito kasa o elou keru.


vo lula o mamola puemelani anime ta animeta voko mela, ni vo o katimelani anime voko Tabu ama Auvana animeko bulo kale tu kota omadeuvo koko mamola jari ko elo tu ko melai kerukerueko kiadama mauruto vo tova o katimelo ama anime.


Swiv nou:

Piblisite


Piblisite