Romu 16:12 - BAṈARA KO VAIRU AMA LEVELEVEO

¹² Aṉako roquano Taraepaena ni Taraeposa kasi, qo iruruputani nioqa Lekasa va nabuluputo kale, ni Pesisi vo aṉa a matu roquevani kasi, vo lula o matu erekani vo Lekasa ko iruruputo.

Romu 16:12 Referans Kwoze

1 Koriniti 16:16

tu meta luluekomo soama maba poso ko odikato iruruputo ni mata kake ko, se omadeu nabuluputo ke evani ko se sase.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

1 Timoti 4:10

Animeta matu pazokinio me eva ni meda matu iruruputa, ako animeta meqai kerua animeko kovo vo saevola Baṉara leveleveo o mela kasekema quli, vo kiadamu vo Pakio, melai o maba pakiemani seke tuvevo puevani vo.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

Kolosi 1:29

Aṉata a matu iruruputa tu a ereko koa iruruputo ni a matu madoeka vo Karisito ko pizato kale ko aṉa ko matu pizatilako.

1 Koriniti 15:10

Melai vo Baṉara ko pakiezato sama roquano kale ta apositolo inio o ila aṉa, ni voko apositolo ilo aṉa ta kalo sama. Ako aṉata a matu iruruputa ni aṉata aqai paloasa mata sea kiadama apositolo madu ko iruruputo sole. Melai koko maba tuveano ta kota pui aṉako pizato kale inio aṉata a ereka koa iruruputo, melai vo Baṉara ko pakiezato sama roquano kale ko kuevako pizato ikio.

Matiu 9:38

So sole vararaitomo vo epa ko Lekasa kasi, tu vota o soroemo voko iruruputo ko maba poso tu ke kajoriko voko epa,” kiolake.

Matiu 5:47

Ni meta me mati baeremuilou meko baerebaere poso ke kiada kimevou, melai kota pulia quli jari, ako se kutumana kamu melai keta rovea ereko sole so jari.

Romu 16:11

Roquano se Arisitobulasi saidi kasi, ni roquano Herodiani kasi, Jiu ala aṉavo lolo, ni sea lotu tamania Naesesasi ko saidi kale amu kasi.

Romu 16:13

Aṉata mata a joroeka aṉako roquano Rupasi kasi, vo Lekasa vo matu uri ala nabulu, ni voko niania, ko meqora jaria vijarilo ko ilako mati.