Romu 15:3 - BAṈARA KO VAIRU AMA LEVELEVEO

³ Ako vo Karisito ta pui opa zolei o ṉavi pala ko Tabu ama Riki kikolani jari, “Koa riqariqato se kuiripato ko maba poso ke erekako ṉo tona ta ko loa aṉa,” kikolako.

Romu 15:3 Referans Kwoze

Pilipai 2:8

Ni vota o zarazaraivake voko maba elo kale ni okai taliake zoripato ko keve ti kobe vati baroake voko vou, koa vou korosi topi ama.

Jone 4:34

Nio Jisu ta eri kiolake sekasi, “Aṉako sailao ta zoriko vo aṉa o soroeleni ko vatolo, tu aṉata a okotiko ereko koa koidi vo o katilema aṉa.

Jone 6:38

ako aṉata a jaqore aukale azo tu a ereko vo aṉa o soroeleni ko vatolo.

Jone 5:30

“Aṉata pui a rovea ereko kama quli a ṉaviko pizato kale. Aṉata a ditizata vo Baṉara lati kiovevo kale, Sokale aṉako titizato ta sidopu ama, ako aṉata pui a lulueka a ṉaviko vatolo sole, melai kota vo o soroeleni aṉa ko vatolo ikio.

2 Koriniti 8:9

Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.

Jone 8:29

Ni vo o soroeleni aṉa ta pui o vaela aṉa a qiada, melai vota aṉa sase, ako aṉata a ereka vo ko zolevako quli kiada keru sole,” kiolake.

Matiu 26:42

Nio omuqama taku Jisu ta mata o vaitake vararaitole ni eri kiolake, “A Mama ṉa, ṉota pui ṉoda la vatutikou kiṉovou komia upotuqu aṉa kasi azo melai uri. Tu vaeka tu ṉoko vatolo ta ko ereilo,” kiolake.

Matiu 10:25

So sole vo o sikuluputani ta ota zoleilou, ruqe ke ivou ma uri kebe ivou melai, omadeuvo vovo nianiiekato ko maba ke ivani jari, ni vo nabulu ta ota zoleilou, ruqe ke ivou melai, omadeuvo vovo lekasa ke ivani jari. Sea maba poso se kelai kaikuapani aṉa inio kelai nokaeka aṉa Setani aṉa mevo odikato ko maba lala, sole me aṉako maba poso mela ta ke melai kuirikou matu ruqe ama ṉi meko kana madu.

Jone 15:24

Aṉata pui aba ereke koa iruruputo sekasi ko puliala maba opa roveovima ereko tea, puliama ikio seko sarueko. Melai seta lula ke kea aṉa a erekako quli melai inio seta ke qelai kideipa aṉa ni a Mama.

Jone 15:10

Meta mebeta ziovou zoriko aṉako bazubazu, inio meta mebeta elou aṉako roquano kale, omadeuvo aṉata lula a zorika a Mama ko bazubazu, ni abeta eva voko roquano kale.

Matiu 26:39

Ni vota o sasa vatutake sekasi azo, ni ota iqeiqeake miduku kale ni ota vararaitake ni eri kiolake, “A Mama ṉa, ko rovea tea, tala vatutika komia upotuqu ko kapa aṉa kasi azo! Melai pui ṉo erekou aṉako zario kikolani melai vaeka tu ko ereilo ṉo ṉaviko vatolo kikolani jari.”

Matiu 27:44

Ni omadeuvo jari pado nioqa omuqa kuilokuiloa nioqa ke patoekeni nioqa Jisu sate nioqako omuqa korosi topi melai qo ruqeruqe kasevake vo.

Pilipai 2:5

Ni meko saevo kale meta kerukerutomo ni kamo vo Jisu Karisito o kaevo jari.