Romu 13:11 - BAṈARA KO VAIRU AMA LEVELEVEO

¹¹ Meta erekomo ko quli, ako meta me baqumuka ta meko toirato ko taku ta lula kota baroa sole. Ako anime meqai pakiovo ama taku ta lula sipole erisaṉa, pui anime me duvevo pute keru jaria vaṉa sole.

Romu 13:11 Referans Kwoze

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

Epesasi 5:14

Ni koa kiadama quli ko uria kasa ko evako quli ta zakaremu kota eva. So inio komi kikolani ta eri: “Toirate ṉo maroṉani ṉa! Ni saeve voukale azo, nio Karisito ta zakaremu o elou ṉokasi.”

1 Koriniti 15:34

Kai vaitomo meko sidopu ama kerukeru ni epezomo lulueko ko sarueko sama keve poso. Aṉata a bazuemelou me tu kota ko quratimelou, ko kake mela ta pui nio mevai nianiia vo Baṉara sole.

Kelokelozato 22:20

Vo kasa olai ikeni kiadama komi quli poso ta eri kiola, “Tuvevo, taukavole aṉata a qilou.” Emeni tu kua, Lekasa Jisu!

Luke 21:28

So keru ko quli ko tanitou keru ereilo, meta me lojolou ni me dadatikou meko lezu poso, ako meko pakiezato ko taku ta sipole sole,” kiolake.

Kelokelozato 22:12

Eri kiola vo Jisu, “Viqomo! Aṉata a qilou taukavole! Aṉata a qati kilou ko vaitotola ni reketekete tu amai okotiko se maba poso koko male ama lula seke erekako ruqe ni uri kale avo.

1 Koriniti 10:11

Kiadama komi quli poso koko ereima se tona ta kama uri ama balauvato ikio ko evema anime kasi, ni kota ko rikiziovi lula tu animeko bazu kaqe. Ako komia lulavo ko ereima quli ta ko zuatike vo Karisito ko tuveano, ni anime inio lula ko melai baroani mela koa tuveano sole.

Matiu 16:3

Ni omadeu vikale meta eri kimela, ‘Mainio nioro kopa elou ako ko lei ta sibi kutukutu sole,’ kimela. Meta me rovea kai nianiio ko ururu ni nioro ako me qea sole ko lei, ta noi sole inio meta pui meqai nianiia komia taku ko mamola?

Jemisi 5:8

Meta omadeuvo soa inobea taruano emo. Meta pizatikomo meko bulo kale ama keru, ako vo Lekasa Jisu ko kilo ko ṉaniu ta sipole sole.

2 Pita 3:9

Sole pui kerukerueko ko vo Baṉara ta o ubaitani ereko voko leveleveo, kake kikelani jari. Ako pui so inio o kavani melai vota o vanonoriemela me, ako vota pui okai zaria tu kala ta o mumailou sole, melai vota okai zaria kiada mela ta me liliziovou meko ruqe kale azo sole.

2 Pita 3:11

So inio kiadama quli ta kota ruvurou, so sole meta noni ama maba poso mela inio me elou? Meta me jaevou tabutabuo ko saevo kale ni meva iruruputou vo Baṉara.

1 Jone 2:18

A meqora poso, komia peuru ma peuru ko paitopaito ko taku ta sipole! Meta lula me viqe ta vo o kanaevo ala vo Karisito ta o kilou. Ni matu kubo vo Karisito ko kana madu ta lula koi, so inio animeta meqai nianiia ta ko paitopaito ko taku ta sipole.

Kelokelozato 1:3

Maurumauru ala voa maba vo o tiromiko ala komia riki ni maurumauru amu seke viqo amu koa leveleveo sama bazubazu, ni seke zoriko amu komia riki kale ko rikiziovima quli. Ako kota pui tu kopa keuvou ti komi quli ta ko ereilou sole.

Kelokelozato 22:10

Ni vota mata eri kiolake aṉa kasi, “Ṉota pui tama mutako se maba poso komia buka ko pidokikake bazubazu, ako ko taku koko kasekako quli ko ereilou keru ta sipole sole.