Romu 12:2 - BAṈARA KO VAIRU AMA LEVELEVEO

² Meta pui lulueko komia ruqe ama peuru ma peuru kale amu ko kalo, melai meta zarievomo vo Baṉara meko bulo kale tu vota vairu o imelou me meko saevo ni kerukeru kale. So inio meta me roveovou paqumuko vo Baṉara ko vatolo—koa uri ama ni zoleilo sama ni sidopu ama vokasi.

Romu 12:2 Referans Kwoze

1 Pita 1:14

Ni meta zorivomo vo Baṉara mevo Mama, ni pui mata kai zario ruqe ama quli ko meme erekema ko paloasako taku kale, me puliako vai nianiio vo Baṉara.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

Kolosi 3:10

ni meta lula vairu meda eva erisaṉa. Baṉara ta o ereke ni vairu o ike komia saevo me tona, ni vota pui o lalamata vairu imelo me o ṉavi jari, tu meta mevai uria nianiiovou vo.

Epesasi 5:17

So sole meta pui me jarube puekou meko saevo. Melai kai nianiimo loma quli kio vo Baṉara okai zariako tu meta me erekou.

1 Pita 4:2

So sole vairutu azo, meko miduku kale ama saevo kale meta odiziomo vo Baṉara ko vatolo kale, melai pui me ṉaviko zario kale, koko odiemelako ruqe kasi.

Romu 12:1

So sole, me aṉako tamania kalea mela, vo Baṉara ko matuma roquano ko kio kale avo aṉata a melai titia me, tu meta kativomo vo Baṉara meko saevo, saevoma siqasiqa jari, ni tabu emo vo va nabuluputo kale voko zolevo kale. Ko ikio koa tuvevo ama ilusato ko meme qativo ama vo.

Jone 15:19

Meta peuru ma peuru ko maba poso jaria mela tea, peuru ma peuru ko maba poso ta ke ṉavi jaria roquemelo inio ke elo. Melai aṉata lula a bitoemele me komia peuru ma peuru ko maba poso kale azo, ni meta pui koko mela, Sokale inio ko peuru ma peuru ko maba poso ta ke melai kideipa.

Romu 13:14

Melai meta emo vo Lekasa Jisu Karisito tona, ni epezomo kerukerueko meko tupu ko zario ni pui taka lulueko koko vatolo.

Taitasi 3:5

vota o pakiemele anime. Pui kama quli uri ama anime lula me erekako kale, melai voko pakiezato sama roquano kale inio vota o pakiemele anime vo Tabu ala Auvana kale ama pusailo kale, vo o katimeleni anime vairu ama alilo ni vairu ama saevo.

Jemisi 4:4

Meta pui kerula kama maba poso mela! Meta pui me baqumuka ta komia peuru ma peuru ko kalo lulueko ta Baṉara ko kana elo ikio, kio? Ako vo oka zariani peuru ma peuru ko kalo lulueko ta Baṉara vo kana ota eva.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

Jone 17:14

Aṉata a qatime ṉoko bazu, Sokale avo inio se maba poso ta kemai kideipa se, ako seta pui komia ruqe ama peuru ma peuru ko madu sole, omadeuvo aṉa melai pui komia ruqe ama peuru ma peuru ko lala jari.

2 Pita 1:4

inio vota o katimele voko matuma ni aqasiele ama puaro poso vo leveleveo o mela ikema. Ni koa puaro poso kale inio me roveovou zomano vo Baṉara o kavani jaria kalo. So inio peuru ma peuru kale ama ruqe ama zario poso ta pui ko niumaemelou me.

Jemisi 1:27

Ko animevo Mama Baṉara o kerukeruekako ta vo lotu maba ko bulebule ni rurubiatana elo ta eri: mati vailo se esapa kamu ni naboko poso seko tapata kale, ni ota ka balauvo peuru ma peuru kale ama maba poso ke erekako sarueko poso kale azo.

1 Jone 3:13

A visi poso, meta pui me vuzeilou so keru komia peuru ma peuru ama maba poso ke melai kaikuapou keru.

1 Tesalonaika 4:3

Ako vo Baṉara ta o mela zaria me tu meta tabu me elou ni uria lapaso me elou ko pauvezato ni ruqe ama iruruputo kale azo.

1 Jone 5:19

Vo Setani ta okai lekasa pua komia pado ama ruqe ama peuru ma peuru, melai animeta meqai nianiia ta animeta vo Baṉara ko mela.

Epesasi 1:18

Ni aṉata a melati vararaita, tu vo Baṉara ta zakaremu o mela ikou voko tuveano. So inio meta meqai keruvou meko kovo ko uri ama quli vo Baṉara leveleveo o mela ikema tu vota o katimelo. Ni so inio mata meta meqai nianiiovou koa mauruto vo Baṉara leveleveo o ikema voko maba madu kasi koa aqasiele ama ni ṉaṉaidara kama.

2 Pita 2:20

Ako seta ke rupasiovi komia peuru ma peuru ko ruqe kale azo seko vai nianiio kale vo animevo Pakio Lekasa Jisu Karisito. Melai seta mata ke vaitake seko ruqe kale ni koa ruqe ta ko aveavema se, sole seta matu ruqe keta eva kobe kai paloasa seko kuleto ama ruqe.

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

1 Koriniti 3:19

Ako komia peuru ma peuru kale ama maba poso nianiio ka kikelako ta sarube ikio vo Baṉara ko kelokelozato kale. Omadeuvo ko Tabu ama Riki kikolani jari, “Vo Baṉara ta o ubeubema se nianiio mu seko matuma roverove kale; omadeuvo vo maba ta o tulumuka ko biaṉa sipata kale jari;”

Romu 7:22

Tuvevo, aṉata aqa zoleiva aṉako bulo kale vo Baṉara ko bazu.

Jone 7:7

ako se maba madu ta pui ke rovea melai kideipo me. Melai seta kelai kideipa aṉa, ako aṉata pui a lalamata tama kaseko seko ruqe ama kalo sole.

Kelokelozato 13:8

Kiadama maba poso peuru ma peuru kale amu ta ke ilusivou vo, sea kiadamu se pui kopa tama rikiziovini seko ṉi puliako peuru ma peuru ereilo, voa Sipi Meqora vo lula o vouvaini kasi azo ko kuevako noqola kama saevo samu ko ṉi ko buka topi.

1 Pita 2:3

Ako meta lula me doraeveni mela vo Lekasa Jisu ni me qeveni mela ta vota matu uri ala inio sole.

Romu 7:12

So sole koa pado ama Mosese ko Bazu ta tabu ama ikio, ni kiadama koko omaomadeu bazu poso melai tabu ama, kota sidopu ama ni uri ama.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

1 Pita 1:18

Ako meta meqai nianiia ta meta kalo pidea saevo me eveni mela meko taite poso ke kaevo jari lulavo. Melai vo Baṉara ta o pakiemele me. Vota o tabarimele me ni o rupasimele me meko taite poso ke erekema jari ama kalo kale azo. Ni ko quli me ko rupasimelema quli ta pui ko quli ko niaqariako quli kale omadeuvo siliva ni qolo.

Jone 14:30

Erisaṉa azo aṉata pui matu kubo quli mata aba kasekou mekasi, ako vo Setani vo peuru ma peuru ko kutumana kale ala lekasa ta obeta kueva sole. Vota maba pui opa roveovou koqotaelo aṉa,

Romu 7:14

Animeta meqai nianiia ko Mosese ko Bazu ta auvana ko quli kio; melai aṉata kala maba lala tupu kale a jaevani lala, ni lula sarueko ko mabaku a evani lala.

Kelokelozato 12:9

Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.

Matiu 13:22

Ni koa sisu koko piako rikosasana ko qotupakoi ta ko mamola puema seke viqani koa bazubazu melai seko riteraite kai elo komia miduku kale ama saevo ni seko roqueko ko batiro ta ko pirieka ko bazu, omadeuvo rikosasana ko pirieka ko sisu jari, so sole koa bazubazu ta pui ko rovea qotupo ni pui ko epamata.

Maka 4:19

melai seko riteraite kai elo komia miduku kale ama saevo ni seko roqueko ko batiro ni edoloma quli kai zario ta ko pirieka koa bazu omadeuvo rikosasana ta ko pirieka ko sisu jari, so sole koa bazubazu ta pui ko rovea qotupo ni pui ko epamata seko saevo kale.

Kolosi 1:9

Sokale avo inio eqeta qe melati vararaita me vo Baṉara kasi so keru qeta mela viqe keru azo meko bazu, qe paseva tu meta meqai uria nianiiovou voko vatolo kiadama voko auvana kale ama nianiio ni paqumato kale, vo o katimelako me.