Romu 12:12 - BAṈARA KO VAIRU AMA LEVELEVEO

¹² Meta zoleimo meko kai keru kale ko kilo ama saevo, ni kaitiziomo meko tapata keru, ni vararaitomo kiada keru.

Romu 12:12 Referans Kwoze

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

Hiburu 10:36

Meta inobe emo inio meta me erekou vo Baṉara ko vatolo ni meta me qovou ko vo lula o mela inainaekako quli tu o katimelou me ka kiolako.

1 Pita 4:13

Melai meta zoleimo ako meta me qoa sole vo Karisito o koema tola jari ama tola. So inio meta me matu zoleilou so keru vo Karisito o vaitou keru voko pizato ni ṉaṉaidara sate.

Jemisi 5:7

A lolo poso mela, meta inobea taruano emo, ti kobeta barolou vo Lekasa Jisu ko vaito ko taku keru. Keatini, vo papato ko maba ta o uria tareka ko uri ama epa miduku ko, ni vota o uria tareka ko nioro ni ṉaniu tu ko muqariko ko sailao.

Hiburu 6:15

Ebarahami ta inobea taruano o evake ni vota o koake vo Baṉara ova inainaekema quli tu o kativo vo.

Hiburu 6:12

Meta pui lupalupato melai meta seke kovo amu vo Baṉara oma inainaekako quli jaria noqola oqu emo.

Pilipai 4:4

Ni meta zoleimo kiada keru, ako meta omadeu saevo me vati evani mela vo Lekasa Jisu sole. Ni aṉata mata eri kiala mekasi, meta matu zoleimo.

Hiburu 12:1

Sea matu kubo animeko taite poso se kekai bazuteni seko oqu ta inisiana animeko levoano kale, so sole animeta me ṉamukou kiadama quli koko tizaemelako anime, ni ko sarueko poso koko matu raitimelako anime, tu pataito kale animeta mebeta zomano animeko rereo kale ama voziekinio kale ko animeko kuleto ko inainaivako.

Kolosi 4:2

Pui lalamato vararaito vo Baṉara kasi meko zakaremu ama kerukeru kale, ni meta kativomo meko uriavo vo Baṉara.

2 Tesalonaika 3:5

Eṉeta ṉe vararaita tu vo Lekasa Jisu ta o melai nianiiekikou vo Baṉara o imelani roquemelo ni vo Karisito jaria pataito elo tapata me doraekou keru.

1 Tesalonaika 5:8

Melai anime vo ṉaniu ko mela, ta inobe elo me elo. Animeta mevai oqu ni me roquevo vo Baṉara, ni kota ko qaramu-melou anime omadeuvo parani ala ko bako ko qaramuva vo jari, ni animeta piza kavole meqai keru vo Baṉara ko pakiemelo anime, omadeuvo pazokinio ko maba okai kerua jari voko zokele ama tarapae.

Iruruputo 1:14

Seta ke padoiva mati ni ke vararaita omadeu poukale, rekoreko sate ni Mere Jisu ko niania ni voko visi poso sate.

1 Timoti 6:11

Melai ṉo, vo Baṉara ko maba ṉa, ta taka lapase kiadama komia ruqe poso. Kai vinai ko sidopu, vo Baṉara tava paṉao kale, ni oqu kale, ni roquano kale, ni pataito kale, ni nodenode ama saevo kale.

Hiburu 10:32

Meta kerukeruekomo lulama taku so keru me kuleto meqai nianiiovi keru vo Jisu vai oqu. Koa taku meme doraeke keru ko matuma tapata melai meta me bataite ni me bizate tapata kale.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

Kolosi 1:11

ni meta me bizatou Baṉara kale, koa pizato kale, koko kuevako voko ṉaṉaidara kama pizato kale, ni meta noqola ni vinavina me elou kiadama quli kale zoleilo sase.

Hiburu 5:7

So keru Jisu obeta saeve keru miduku kale vota o ereke voko paseto sama vararaito matuma kora kale ni deumu sase Baṉara kasi, tu vota o pakievo vo voukale azo. Baṉara ta ota va viqake voko vararaito ako vota o zarazaraivani ni ota va panaovani vo Baṉara sole.

Kelokelozato 13:10

Vo ke rapevo ala, ta tuvevo avole vota ke rapevou, ni vo benisi kale ke vouvaevo ala, ta tuvevo avole vota ke vouvaevou benisi kale. So sole koa tapata ko melai barou keru vo Baṉara ko maba poso mela ta inobea pataitomo ni kerula emo.

2 Pita 1:6

ni me ṉaviko aveavezio, ni ko pizaka lojo elo tapata kale, ni vo Baṉara va nabuluputo,

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

2 Tesalonaika 1:4

Sokale avo inio eṉeta ṉe rauraemela me Baṉara ko lotu qoqono poso kasi azaazama zaekale ke evani. Ko eṉe ṉe melai rouraekako me ta meko piza kama oqu ni meko pataito meko toraeko kale ko niumaniumato ni tapata poso.

1 Koriniti 13:13

So sole erisaṉa ta kobeta eva oqu, ni keru, ni roquano, melai roquano ta kobe qulepa koa zouke azo.

Romu 15:4

Kiadama quli koko rikiziovima Tabu ama Riki topi ta ko rikiziovi tu kota ko nianiiekimelo anime, tu animeta me ṉeamuko ko noqola kama saevo ko keru, koa pizaka lojo elo kale ni koa zuvarato kale Tabu ama Riki ko katimelako.

Luke 21:19

Meta pizaka lojo emo meko oqu kale nio meta me qovou ko noqola kama saevo,” kiolake.

Luke 8:15

Ni koa rui koko piako uri ama miduku kale ta ko mamola puema sea poso seke viqani ko bazu ni ke uria tukiekani ko seko uri ama zoripato sama bulo kale, ni seta ke pataita seko oqu kale ti seta ke epamata,” kiolake.

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

Taitasi 2:13

ako animeta me dareka sole koa zoleilo sama ṉaniu anime meqai keruako tu meqai barolo, so keru vo animevo matula Baṉara Jisu Karisito o puratou keru voko ṉaṉaidara kale tu o pakiemelo anime.

Kolosi 1:27

Kota vo Baṉara ko zario tu kota uria kasa ko elo voko maba madu kasi, se kiadama peuru ma peuru kale ama qoqono poso kale amu, koa bazu lulavo mutamuta kama ko evema, ko qulepo ama ni ṉaṉaidara kama. Komi kio koa bazu: vo Karisito ta o eva meko saevo kale, ni Sokale avo meta me uria vakakuka ta meta meqai zomanou pado ama vo Baṉara ko ṉaṉaidara ni mauruto.

Romu 8:25

Melai animeta me zuatikou ko quli anime pui me qoako so inio pataitole me darekou ko.

Taitasi 3:7

tu voko pakiezato sama roquano kale animeta sidopu me elou Baṉara ko kelokelozato kale ni animeta me ṉeamukou ko noqola kama saevo ko meqai zuatako.

2 Timoti 3:10

Melai ṉota lula ṉo qeveni ṉa aṉako nianiiekato, aṉako kalo, aṉako saevo kale ama zuato, aṉako oqu, aṉako inobe, aṉako roquano ni aṉako pataito,

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

Pilipai 3:1

A visi poso, komi ta aṉako tovatovama pesio mekasi; meta matu zoleimo vo Baṉara kale. Ni pui tapata ikio aṉa kasi tu aṉata a rikieko koa omadeuma quli mata mekasi tu ko tauvemelo me meko pakio kale.

2 Koriniti 12:8

Zouke taku inio lula a vararaita komi kale avo ni aṉata a baseva vo Baṉara tu vota ota la ṉamuko ko.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Iruruputo 12:5

So sole Pita ta obeta evake pirito pade kale, melai se lotu maba poso ta pui ke lalamatake vati matu vararaito vo Baṉara kasi.

Iruruputo 6:4

Ni ṉe ṉavi eṉeta ṉe vararaitou ni ṉeqai nianiiekatou vo Baṉara ko bazubazu eṉeko pado ama taku kale.”

Iruruputo 2:42

Ni seta ke vinaitake se apositolo madu ko nianiiekato tama viqo kale kiada keru, ni kekai zomanake seko baerebaereo ko saevo, ni seta omadeu vuato ni vararaito ke evake.

Luke 10:20

Melai meta pui kai zoleilo ko ziolo ko zorimelo me, melai meta zoleimo ako meko ṉi poso ta lula kota rikiziovi aukale tu meta Baṉara ko qoqono kalea mela sole,” kiolake.

Matiu 5:12

Melai meta matu zoleimo, ako meko reketekete aukale ama ta matu ko elou sole. Ako koa omadeuvo inio lulavo ke imevo jari se poropita madu, ni vo Baṉara ta o katimake se poropita madu matuma reketekete, so sole vota mata o katimelou me matuma reketekete.