Romu 12:1 - BAṈARA KO VAIRU AMA LEVELEVEO

¹ So sole, me aṉako tamania kalea mela, vo Baṉara ko matuma roquano ko kio kale avo aṉata a melai titia me, tu meta kativomo vo Baṉara meko saevo, saevoma siqasiqa jari, ni tabu emo vo va nabuluputo kale voko zolevo kale. Ko ikio koa tuvevo ama ilusato ko meme qativo ama vo.

Romu 12:1 Referans Kwoze

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.

Romu 6:13

Meko pado ama saevo ta pui katiko ko sarueko tu koa sarueko ta kokai iruruputo ruqe ama kerukeru ni kalo kale. Melai meta katiziomo me ṉavi vo Baṉara kasi ako meta mata me jaevani mela sole voukale azo, ni meta katikomo meko pado ama saevo tu kai iruruputomo ko vo Baṉara ko sidopu ama kerukeru ni kalo kale.

Romu 6:19

(Aṉata aqai pesia koa olu ama pesio meme uria paqumukake, ako meko paqumato ta lekuleku sole.) Kuleto meta me uria katiziovi tu pauvezato ni ruqe ko mabaku me eve tu ruqe ama iruruputo kaqe. Ni so jaria uria katizio emo erisaṉa sidopu ko mabaku elo kaqe tu Baṉara ko tabu ama iruruputo kaqe.

Romu 12:2

Meta pui lulueko komia ruqe ama peuru ma peuru kale amu ko kalo, melai meta zarievomo vo Baṉara meko bulo kale tu vota vairu o imelou me meko saevo ni kerukeru kale. So inio meta me roveovou paqumuko vo Baṉara ko vatolo—koa uri ama ni zoleilo sama ni sidopu ama vokasi.

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

Romu 6:16

Ako meta lula me baqumuka ko meta kama mabaku mela inio kio meko zoriko kale kala maba kiolani, so sole meta voa lekasa vo meme zorivani ko mabaku mela inio. Kake mela ta ko sarueko ko mabaku mela inio, ko vou sama, kake mela ta zoripato ko mabaku mela, ko sidopu ko imelako me vo Baṉara ko kelokelozato kale.

2 Koriniti 4:16

Sokale avo inio eṉeta pulia kude lekuleku ṉe eva eṉeko bazubazuto ko iruruputo kale. Eṉeko tupu ta kobeta lepuka, melai eṉeko kerukeru ta piza kobeta eva kiadama ṉaniu.

1 Tesalonaika 4:1

Eṉeko kaka ni visi poso mela, eṉeta ṉe melati nianiiekikake koa kalo ko me mevai zoleko ama vo Baṉara. Ni eṉeta ṉeqai nianiia ta tuvevo, meta lula soa saevo meda eva. So sole eṉeta ṉe melai titia me vo Lekasa Jisu ko ṉikale tu meta beta olamo tu pizaka erekomo ko.

2 Koriniti 5:20

So inio eṉeta vo Karisito o soroeṉeleni ṉela, eṉe ṉevai bazutani ṉela vo, omadeuvo eṉeko bauta kale inio obe pasepasemela vo Baṉara eṉe kale kude. So sole eṉeta ṉe mela titia me vo Karisito ko ṉikale, tu meta vo Baṉara ko baerebaere poso emo voko kanaekivo kale azo!

Epesasi 5:10

Ni meta madoekomo tu kai nianiimo loma quli kio ko zolevo ama vo Baṉara.

Pilipai 2:17

Ni meko tuvevo puevo vo Baṉara ta meko siqasiqa jari ko meme qativako vo Baṉara. Ni aṉata esa a vouvou ni aṉako vou ta mata kama pado katizato vo Baṉara kasi ko elou meko tuvevo puto ko siqasiqa ko topi tiniavo. So kobe kalou ma pui melai aṉata kolai sukatou ko zoleilo me sate.

1 Koriniti 1:10

Vo Jisu Karisito animevo Lekasa ko ṉikale, aṉata a mela titia mea kiada mela, a qaka ni visi poso mela, tu vaekomo meko zarazaraekinio ni omadeu pado ikomo meko kerukeru tu meta pui me bitasiovou. Meta uria omadeu emo, omadeu pado kerukeru ni omadeu pado vatolo kale.

Romu 2:4

Ṉo ṉoqai keduani ṉa voko matuma roquano, ni kaitizio, ni inobe, ta tuvevo avole ṉota pui ṉoqai nianiia vo Baṉara ko roqueṉo ṉo ta vota obe madoe odieṉo ṉo tu o liliṉo, kio?

1 Pita 2:20

Ako meta ruqe me erekou, ti ke ruterutemelou, ni meta inobe meqa elou meko tolailo, ta pulia quli ko kio kale kepa melai rauraekou me. Melai meta uri ama quli ko ereko kale ke rutemelou ni inobe meqa elou meko tolailo, ta ko ikio ko zolevako vo Baṉara.

Pilipai 4:18

Ni erisaṉa aṉata a qoa kiadama quli ko me mela soroekako quli ni kota ko korotila aṉa. Ako vo Epaparoditasi ta lula olai baroekika sole kiadama meko puaro poso. Ni kota kama uria tui ama siqasiqa jari vo Baṉara kasi, ni vo Baṉara ta o koa ni oka zoleiva koa meko puaro.

2 Koriniti 6:1

Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.

Romu 15:30

Aṉata a matu pasemela me a visi poso mela, vo animevo Lekasa Jisu Karisito kale ni vo Tabu ala Auvana o puarikake roquano kale, tu meta matu tauvelomo aṉa ni lati zomanomo vararaito vo Baṉara kasi.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

Pilipai 1:20

Ni aṉako omele ama zario ni aṉako matuma tuvevo puto kale aṉata pui zara aqai elou aṉako omadeu vati elo vo Karisito, melai kiada keru aṉata a zaubariovou. So inio abe vouvou melai abe saevou melai aṉata a rauraevou vo Karisito.

1 Timoti 2:3

Soama vararaito ta uri ama quli koko zolevako vo Baṉara animevo Pakio,

1 Tesalonaika 5:12

Eṉeko visi ni kaka poso mela, eṉeta ṉe basemela me tu meta tama paṉaomo seke iruruputani mekasi, seke aveavemelani me meko lotu saevo kale ni seke nianiiekimelani me.

Luke 7:47

So sole aṉata eri kiala ṉokasi, koko matuma roquano kale inio kasa ko eva koko matuma boutare ta kota ka akoiva. Melai vo o koani ko silo ama sarueko ko akoekato, ta mata silo ama voko roquano,” kiolake.

Hiburu 13:22

A visi poso, aṉata a basemela me tu paṉao kale viqomo aṉako zuvarato sama bazu. Komia leta aṉa a rikiekako mekasi ta puju ama.

1 Timoti 5:4

Melai kama naboko ta meqora sama ma mabuzu sama ko elou ta sea meqora ni mabuzu poso ta ke paqumukou ni ke erekou seko lotu ko mati soruekako iruruputo tu ke tauvemou seko saidi kale amu ni ke besiekou koa tauvezato seke koema lulavo seko mama ni niania ni taite poso kasi, ako komi kio vo Baṉara okai zoleivako sole.

1 Tesalonaika 4:10

Ni meta lula me ereka koa kalo sea kiadama lotu tamania madu kasi koa kiadama Masedonia. Melai eṉeta ṉe basemela me ṉe visi ni kaka poso mela tu meta beta olamo ni kai matu paloasomo roquekinio.

Romu 9:23

Ni vota mata oka zariake kasa iko voko ṉaṉaidara ko pui ko lalamatake, koko taloima anime kasi anime me qoeni mela voko akoekato sama roquano, ni anime mata o inainaemeleni mela tu me zomanou voko ṉaṉaidara kale.

2 Koriniti 4:1

Eṉeta pui lekuleku ṉe eva, ako eṉeta ṉeqai nianiia ta o ṉaviko pakiezato sama roquano kale inio vo Baṉara ta o katiṉela eṉe komia eṉeko iruruputo sole.

2 Koriniti 10:1

Kake mela ta so la kimelani aṉata a baisemelani lala so keru aṉa abeta eva keru mekasi, ni aṉata a melai karaṉa so keru aṉa abeta eva keru meko vaṉa. So kimelani nio aṉa Paula lala a ṉavi nio a basemela me koa omadeuma inobe ni baiseo vo Karisito kasa o ikema kale, tu pui zuruzuruelo aṉa tu a melai karaṉo me so keru a qilou keru mekasi! Ako aṉata a roveovoa lala tu amai karaṉo kake seke ṉelai kuirikani lipalipa kama quli. Se kikelani ta kiadama maba komia ruqe ama peuru ma peuru kale amu kebe erekako iruruputo jari ama ikio eṉe apositolo ṉela ṉebe erekako, kikela.

Pilimone 1:9

Melai aniqeko roquekinio lotu kale ama ko kio kale aṉata pui bazu aba katiṉou, melai aṉata paseto ikio a ereka ṉokasi. Aṉa Paula lala, kala qoleqole lala ni a biriziani lala vo Jisu Karisito va nabuluputo kale avo,

Pilimone 1:10

ta a ereka komia paseto ṉokasi vo Onesimasi kaqe. Vota aṉavo maba meqora jari ala Karisito kale, ako aṉa pirito pade kale abeta eva keru inio aṉata a odieve vo Karisito kasi sole, nio aṉata vovo mama jari a eveni lala.