Romu 1:29 - BAṈARA KO VAIRU AMA LEVELEVEO

²⁹ So sole kubo azaazama ruqe poso ta komai sukata, ruqe, muino, sebito, konoilo, vouvato, pazokinio, lipalipato ni kideipo; maba vai pesio

Romu 1:29 Referans Kwoze

2 Koriniti 12:20

Aṉata ada ṉava aṉako barolo keru sai tu kelo kama edolovo elo meko, aṉa pui a mela zariani jari me, ni meta me qelou aṉako edolovo elo, pui meko aṉa la zario tu so jari a elo. Aṉata ada ṉava tu aṉata a qelou kama aivekinio ni konoekinio, korakorailo ni kiadailo, kama tirazo ni maba kai pesio, aikailo ni birebire elo.

Romu 3:10

Omadeuvo ko Tabu ama Riki kikolani jari: “Puliala kala pado ta sidopu ala,

Matiu 5:32

Melai aṉata a bazuemela me, kala ta o butuekou voko reko, melai koa reko ta pulia quli ko pauvekako ikio, ni kota mata ko tova rorotou, ta kota kota zavemata inio kovo lasive ko butueko ko kio kale avo. Ni kala o tova raeko ala koa reko melai ota zavemata.”

1 Timoti 3:11

Seko reko poso melai uri ama kalo saṉa ke elou ni pui kekai pesiovou ko maba, ni seta pui ke matu nozuekou ko piza kama ju melai seta kiadavoa kerula kamu ke elo.

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.