Pilipai 4:8 - BAṈARA KO VAIRU AMA LEVELEVEO

⁸ Ni koko tovatovama quli a visi poso mela, meta sukatikomo meko kerukeru uri ama quli kale ni koko male tu meqai raurailo ama quli. Kerukeruekomo ko tuvevo ama bazu, ni raura kama ṉi, ni sidopu ama kalo, ni bulebule ama saevo, ni ileile ama quli, ni paṉao sama kalo.

Pilipai 4:8 Referans Kwoze

Jemisi 3:17

Melai vo aukale ala Baṉara kasi azo ko kuevako raura kama nianiio ko qulepo ama ta kota remedemede pide ama ni kota bule ama, ni baise ama, ni lolopareo sama. Kota matuma roquano sama ni kota ko puratika ko uri ama kalo poso; ni kota pui ko pitopitotako ni pui ko lipalipatako.

Taitasi 2:7

Ṉo ṉavi ṉota kala uri ala kevepito eve uri ama kalo kale kiadama quli kale. Ṉota tuvevo ni kerula eve ṉoko nianiiekato kale.

2 Koriniti 8:21

Eṉeko zario ta ṉe ereko ko sidopu, pui vo Baṉara ko vilu kasa ko kiada, melai so jari maba ko vilu kasa.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

1 Pita 2:12

Ako se maba poso pui ke tuvevo putani ta iniseana sole meko levoano kale. Ni se inio ke mela kuirikani meta ruqea mela kikelani. So sole meta kai saevomo ko uri ama saevo meko elo kale sekasi, tu seta ke kelou meko uri ama iruruputo. So inio koa ṉaniu vo Karisito o vaitou keru seta kevai ilusikou vo Baṉara koa meko uri ama iruruputo se erisaṉa ruqe ama quli ka kikelako.

Hiburu 13:18

Meta pui lalamato vararaito kale tauveṉelo eṉe, ako eṉeta ṉe baqumuka ta pulia quli ko ṉelai loqaiva eṉe sole, ako eṉeta ṉeqa zaria ereko ko uri kiadama taku keru sole.

1 Timoti 4:12

Ṉota pui zarievo kala tu vota o zaraeṉo ṉo ṉoko vairu beta elo kale avo, melai ṉota kala kevepito eve seke tuvevo putani kasi, ṉoko pesio kale, ni ṉoko kalo kale, ni ṉoko roquano kale, ni oqu, ni ṉoko bulebule ama saevo kale.

Taitasi 1:8

Melai vota kala maba o baroekiko ala ko maba o elou ni vota o roquekou ko uri. Vota kala kaitizio ko maba o elou, ni sidopu ala, ni tabu ala, ni o uria odiziani o ṉavi.

1 Jone 3:3

Ni vo okai zuatani ko quli anime me elo avo so keru, ta bulebule o elou, omadeuvo Karisito ko bulebule jari.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

Taitasi 3:14

Mata animeko lotu qoqono poso ta ke male tu kekai nianiio tu dikidauputole uri ke ereko, tu seta ke tauvezato koa maba tuvevo ama zario poso kale, maba poso ko saevo ko korotikako, tu seta pui ke saevo utu ama saevo kale.

Romu 13:13

Animeta sidopua talio me elo ṉaniu ko zakaremu kale, pui olavoputo kale ni piza kama ju ko nozueko kale, ni pui sasave ni zata ko iruruputo kale ni ubutianiama pauvezato kale, ni pui pazokinio ma konoilo kale.

Jemisi 1:27

Ko animevo Mama Baṉara o kerukeruekako ta vo lotu maba ko bulebule ni rurubiatana elo ta eri: mati vailo se esapa kamu ni naboko poso seko tapata kale, ni ota ka balauvo peuru ma peuru kale ama maba poso ke erekako sarueko poso kale azo.

1 Jone 3:18

A meqora poso, animeko roquano ta pui pesio kale ko kiada ko elou. Melai animeko roquano ta tuvevo ama ko elou ni ko kasa puilou animeko tauvekinio kale.

Taitasi 2:2

Bazuema se lasive ama qoleqole poso tu seta inobe ni nianiio ke elou, ni ke uria odiziovou ke ṉavi; tu ke pizatou seko kai oqu kale ko tuveano, ni seko roquano kale, ni pataito kale.

2 Koriniti 13:7

Aṉata a vararaita vo Baṉara kasi tu meta pui me erekou ko sarueko. Aṉako zario ta meta me erekou ko sidopu, pui aṉako apositolo puilo tala kelo kaqe. So inio maba poso ta pui tuvevo ke ilou aṉa melai pui aba kerukeruekou.

Kolosi 4:5

Meta nianiio emo meko iruruputo kale se pui ke tuvevo putani maba poso kasi, tu meko taku ta pui ko ṉamuilo meko kaseko keru ko Uri ama Bazu.

1 Pita 4:8

Melai ko matu qulepako quli ta roquekiniomo muli meko pado ama bulo kale. So inio meta me mati odouvikiniou kiada keru meko lolo poso seke sarueko amu mekasi.

Romu 13:3

Ako se qavuna madu ta pui ṉaloṉalo amu se uri ke erekani kasi, melai seta ṉaloṉalo amu se ruqe ke erekani kasi. Ṉota pui ṉoqa zaria taka ṉalo seko pizato kio? So ko kalou ta ṉota ereka ko uri ama quli, nio seta ke rauraeṉou ṉo,

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Pilipai 3:1

A visi poso, komi ta aṉako tovatovama pesio mekasi; meta matu zoleimo vo Baṉara kale. Ni pui tapata ikio aṉa kasi tu aṉata a rikieko koa omadeuma quli mata mekasi tu ko tauvemelo me meko pakio kale.

Romu 2:29

Melai vo tuvevo ala Jiu ta vo Jiu o evani bulo kale inio, ni koa tuvevo ama moveilo sala voko bulo kale ni auvana kale, ni ko ikio vo Baṉara ko Auvana ko erekako, pui Mosese ko Bazu ko erekako. Voa maba soala inio o koa ko raurailo vo Baṉara kasi azo ama, pui maba kasi azo.

1 Timoti 2:2

tu me mati vararaitou se lekasa poso ni sea kiadama maba poso se qavuna ko pizato samu, tu animeta uria elo me elou vo Baṉara ko tava paṉao ni maba madu ko tama paṉao kale.

1 Timoti 5:10

ni se kota ma kaseivani seko uri ama iruruputo poso, ni seke mati uria vailani seko meqora poso, ni seke baroekimani se edolomu seko pade kasi, ni se keta ma panaovani ti kema koidipani seke luluevani vo Karisito, ni se lula ke tauvezatani tapata keru, ni se dikidauputole ke erekani kiadama uri ama iruruputo. Se ke kiada inio.

Epesasi 6:14

So sole meta pizaka lojolo emo tuveano kale, ni kota tonaviso jari ko meqai bibuliako meko sipo topi. Ni meta sakekomo ko sidopu ama saevo meko dumidumi topi.

1 Tesalonaika 4:12

Koa keve kale inio se pui nio ke tuvevo putani ta keta mela paṉaovou, ni meta pui meba ziovoziovoitou sekasi pasekole ko saevo ko korotikako quli.

Epesasi 4:25

So sole meta pui me lipalipatou, melai me qasekou ko tuveano mevo lolo vo o tuvevo putani kasi ako animea kiada mela ta omadeu tupu kalea mela sole vo Karisito kale.

2 Koriniti 6:8

Eṉeta ṉe eva raurailo kale ni qurato kale, eṉeta ṉe qoa ko zarazarato ni ṉe ilusia. Maba poso ta lipato jari ke iṉela, melai eṉeta ṉeqai pesia ko tuveano.

Iruruputo 10:22

Nio seta eri kikelake, “Vo sirula Koniliasi inio o soroeṉelalani eṉe. Vota kala sidopu ala maba ni o ilusivani vo Baṉara ni se Jiu amu keta va matu paṉaovani maba. Vo Baṉara vo mateana ta o bazuevala vo tu vota o taipaziṉo ṉo voko pade kasi, tu vota o roveovou viqo ṉo kiṉovo avo,” kikelake.

Jone 7:18

Ako eri nio sole: vo maba vo o kasekani o ṉaviko pizato kale ta oka zaria puratiko o ṉaviko ṉaṉaidara pala. Melai vo ova zariani ṉaṉaidara puevo vo o soroeveni, ta tuvetuve ala ni puliama lipalipato sala.

Luke 2:25

Ni inovoana kala pado maba vo obeta evani sai Jerusalema o ṉi ta Simeoni. Vota kala sidopu ala maba ni ovai oquani vo Baṉara, ni o tarevani Izireli vo Pakio. Vo Tabu ala Auvana ta ovai evake vo,

Maka 6:20

a ko vo Herodi ta ota va paṉaovake sole vo Jone, ako vota ovai nianiia ta Jone ta kala vo Baṉara vo tabu ala ni sidopu ala maba sole vota o vati vailake. Ni vota okai zariake didievo vo kiada keru, matu tiṉoliṉoli kobe ivake melai voko bazu.

Luke 16:15

Nio Jisu ta eri ma kiolake se, “Me inio ko me, me sidopu meqai rairiziani mela me ṉavi se maba poso ko vilu kasa, melai Baṉara ta obe paqumuka meko bulo poso kale ama ruqe. Ako koko matuma kio ni kalo sama ka kikelako se maba poso ta kuvaruvaru ama quli ikio vo Baṉara ko kelokelozato kale.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

Iruruputo 22:12

“Ni koa peuru kale ta inevoana kala maba o ṉi ta Ananaiasi, vota kala maba vo o ilusivani vo Baṉara ni o matu zorikani animeko Bazu, ni keta va matu paṉaovani kiadama Jiu amu sai ke evani.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.

1 Timoti 5:2

ni se qole rekoreko poso ta ṉo niania poso jari, ni se vairu ama rekoreko poso ta ṉo jaqi poso jaria roquemo ni mati vailo eve kiadama ṉoko bulebule ama kalo sate.

Luke 23:50

Ni kala maba ta sai obeta evake o ṉi ta Josepa vo o kuevini Arimatia peuru kale azo, kota kama pado peuru se Jiu amu ko. Vota kala uri ala maba ni sidopu ala maba, vo o tarekeni vo Baṉara ko lekasa puo ko kilo. Vota kala se Jiu ama tanatanamu ko Kauniseli kale o zomanani vo pui opa ka zariovini se Kauniseli madu ko pitoto ni iruruputo.

1 Timoti 3:4

Vota o kati uria vailo voko saidi, ni uria zoripato ni paṉao saṉa o imo voko meqora poso, so inio vota o roveovou kati uria vailo vo Baṉara ko lotu qoqono uri ama odikato kale.

Iruruputo 6:3

So sole lolo poso meta pitoemomo sikeura maba madu me ṉavi kasi amu, se me memai nianiiani komai sukato amu vo Tabu ala Auvana ni Baṉara ko nianiio, ni eṉeta ṉe qatimou se koa iruruputo.

Matiu 22:16

Nio seta ke soroemake Jisu kasi ke ṉaviko maba madu, ni kake Herodi ko poqala zuvarato ko maba madu, ni eri kikelake, “Tanala, eṉeta ṉeṉai nianiia ta ṉota sidopua laṉa ni ṉota ṉo mati nianiiekikani ṉa maba madu Baṉara ko tuvevo ama kalo, ni ṉota pui ṉoqai bazutani ṉa ko maba poso ko zolemako quli pala.

Hiburu 11:2

Ako oqu kale inio lulavo se lulamu ta ke zoleve vo Baṉara.

1 Timoti 3:11

Seko reko poso melai uri ama kalo saṉa ke elou ni pui kekai pesiovou ko maba, ni seta pui ke matu nozuekou ko piza kama ju melai seta kiadavoa kerula kamu ke elo.

2 Koriniti 8:18

Vo sate inio ṉe joroeva animevo lolo vo kiadama lotu qoqono poso kevai nianiiani voko kai bazubazuto kale ko Uri ama Bazu.

2 Pita 3:1

A roquemelani baerebaere poso mela, komi kio aṉako omuqama riki a rikiekako mekasi. Aṉata a rikieka komia omuqa riki tu a zaubarimelo me tu meta sidopu me elou meko kerukeru kale.

Romu 14:18

Voa maba vo ova nabuluputani vo Karisito koa keve kale ta o zoleva vo Baṉara ni vota uri ala se maba madu kasi.