Pilipai 4:6 - BAṈARA KO VAIRU AMA LEVELEVEO

⁶ Ni meta pui tiṉoliṉoli ka elo kama quli, melai kiadama meko vararaito kale meta pasekomo vo Baṉara kasi ko quli me meqai zariovo ama quli meko uriavo sama bulo sate.

Pilipai 4:6 Referans Kwoze

1 Pita 5:7

Kativomo kiadama meko tiṉoliṉoli, ako vo inio o melati vailani me sole.

Matiu 6:8

Meta pui se jari me qalou. Ako mevo Mama ta lula okai nianiia ko quli me meqa zariako, puliako me pasevo vo.

Kolosi 4:2

Pui lalamato vararaito vo Baṉara kasi meko zakaremu ama kerukeru kale, ni meta kativomo meko uriavo vo Baṉara.

Epesasi 6:18

Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.

Kolosi 3:17

Kiadama quli meme erekako ni me qasekako quli meta erekomo vo Lekasa Jisu Karisito ko ṉikale kude, so keru meme rauraeva keru vo Baṉara vo animevo Mama vo Jisu kale kude.

Luke 18:1

Jisu ta omai bazuekake voko disaipeli madu kama pado podepodeti tu o nianiiekimo tu seta ke vararaito kiada keru, ni pui niaba ke elou.

Luke 12:22

Nio Jisu ta eri kiolake voko disaipeli madu kasi, “So inio aṉata a bazuemela me tu meta pui tiṉoliṉoli kai elo ko quli meme quovo ama quli ko meko tupu ko saevikako, ma ko quli meme qiako ama quli.

Kolosi 3:15

Koa bule vo Karisito o puarikako anime kasi ta ko aveavemelou me kiadama quli meme erekako quli kale, ako vo Baṉara ta lula o pitoemele me tu meta omadeu qoqono me elou bule ama kerukeru kale. Ni meta kativomo vo Baṉara meko uriavo kiada keru.

Epesasi 5:20

Ni vo Lekasa Jisu Karisito ko ṉikale meta kativomo meko uriavo kiadama quli kale avo vo Baṉara animevo Mama.

Luke 10:41

Nio vo Lekasa Jisu ta o kati tiorikake ko ni eri kiolake, “Mata, Mata! Ṉota tiṉoliṉoli ṉoqai eva matu kubo quli,

Luke 18:7

Noi nio? Vo Baṉara ta pui opa titizimou se ruqe amu, seke niumaemani o ṉaviko madu se kevai titiani ipu ni ṉaniu tu o tauvemo, kio? Vota pui taukavole opa tauvemou se, kio?

Matiu 10:19

Ni so keru seke melati ziovou keru me titizikinio kale, meta pui tiṉoliṉoli meqai elou ko noi nio me kimevo avo kio seke melai kuirikani me ko ruqe kasi. Melai so keru ko barolou keru meko pesio ko taku inio kota ko puariziovou mekasi ko quli me meqai pesiovo ama.

Luke 12:29

“So sole meta pui duki elo, kiada keru meko saevo kale meta pui niuniala elo loma quli kio me quovo ama ni me nozueko ama kio ko kerukeru kale.

2 Koriniti 1:11

Me melai tauveṉelomo eṉe meko vararaito kale. So inio koa kubo vararaito koko kaseṉelako eṉe ta ko puratikou vo Baṉara ko mauru iṉelo eṉe, ni kubo maba madu ta ke kativou ko uriavo voko mauru iṉelo eṉe kale avo.

1 Koriniti 7:32

Aṉata a mela zaria me tu meta puliama tiṉoliṉoli saṉa me elou. Vo pui o rorotani maba ta o kerukerueka vo Baṉara ko iruruputo tu vota o zolevo vo Baṉara.

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

Matiu 13:22

Ni koa sisu koko piako rikosasana ko qotupakoi ta ko mamola puema seke viqani koa bazubazu melai seko riteraite kai elo komia miduku kale ama saevo ni seko roqueko ko batiro ta ko pirieka ko bazu, omadeuvo rikosasana ko pirieka ko sisu jari, so sole koa bazubazu ta pui ko rovea qotupo ni pui ko epamata.

1 Koriniti 7:21

Ṉota kala mabakua laṉa inio so keru vo Baṉara lula o nokaeṉa keru ṉo kio? Uriavo ṉota pui dukia kerukerueko elo ko, melai ṉota ṉo qelou kama rora ṉoṉo rupasiovo avo, ṉota taupeka ko tu koa.

Matiu 6:34

So sole meta pui matu kerukerueko ko lea ko ereilo ama quli tu upotuqu ko imelo. Lea ko ereilo ama ta ko ṉavi leama, kiadama ṉaniu ta ko kati kueva ko ṉaviṉavi ko tapata ṉaniu ko sole.”

1 Timoti 2:1

Komi ta aṉako matu kuleto ama bazu mekasi, ko eri, meta erekomo ko tauvezato ko vararaito, paseto, ni uriavo ko vararaito Baṉara kasi tu me mati vararaitou sea kiadama maba poso;

1 Timoti 5:5

Koa naboko koko kiada pado, ko puliala o kati vailako, ta ko noqoiva vai keru vo Baṉara, ni kota ko vararaita ipu ni ṉaniu koko paseko kale voko tauvezato.