Pilipai 2:2 - BAṈARA KO VAIRU AMA LEVELEVEO

² So sole meta matu zolelomo aṉa meko omadeu kerukeru, omadeu roquekinio, ni meko omadeu vatolo ni zuato kale.

Pilipai 2:2 Referans Kwoze

Romu 12:16

Meta kerukeruekiniomo muli. Meta pui rauraraurailo, melai paṉao kale ṉeamukomo meko koidi. Ni meta pui kai aikailo meko nianiio.

1 Koriniti 1:10

Vo Jisu Karisito animevo Lekasa ko ṉikale, aṉata a mela titia mea kiada mela, a qaka ni visi poso mela, tu vaekomo meko zarazaraekinio ni omadeu pado ikomo meko kerukeru tu meta pui me bitasiovou. Meta uria omadeu emo, omadeu pado kerukeru ni omadeu pado vatolo kale.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

3 Jone 1:4

Ni kiada keru aṉata a zoleiva a viqa keru aṉako lotu meqora poso ko lulueko ko tuvevo ama bazu vo Jisu Karisito ko.

Pilipai 2:16

Ni meta mai bazuekomo ko tuvevo ama saevo ko bazu. Ni meta me erekou ko inio aṉata ada matu zoleilou so keru vo Karisito o vaitou keru ako aṉako matuma iruruputo mekasi a erekema ta pui utu ama ko eva sole.

Iruruputo 2:46

Ni seta ke padoivake kiadama ṉaniu poso Jelepade ko poro kale omadeu vatolo kale, ni seta omadeu vuato ke evake seko zoleilo ni inobe sate,

2 Jone 1:4

Aṉata ada matu zoleike, so keru amai nianiiovi keru kake ṉoko meqora poso seke luluekani tuvevo ama bazu seko saevo kale, ako so inio animevo Mama o melati soruekani sole.

2 Tesalonaika 2:13

A visi ni kaka poso, animevo Lekasa o roquemelani mela, eṉeta ṉe ilusiva vo Baṉara kiada keru mekale avo, ako so inio koko male sole. Ako vo Baṉara ta lula o pitoemele me peuru ma peuru ko tanitanila keru azo tu meta me bakio Tabu ala Auvana ko pizato kale, tu kota voko tabu ama maba poso ko imelo meko kai oqu kale voko tuveano.

Kolosi 2:5

Ako aṉata pui a evani lala mekasi, melai aṉako kerukeru ta me tona, ni aṉata ada zoleiva so keru aṉa a viqa keru meko omadeu vatolo elo, ni pizaka lojo Karisito vai oqu kale.

Pilipai 4:2

Ni qea omuqa rekoreko qela Iodia ni Sinitikei qela melai a qelai zaria tu qeta qe odouvikiniou ako qeta qe zoriva sole animevo Lekasa Jisu.

Pilipai 2:20

Ni aṉata puliala a vea Timoti jari ala maba, vo tuvevo avole o kerukeruekani meko uri.

2 Koriniti 7:7

Pui voko kilo ko kiada ikio ko zoleṉelema eṉe, melai voko kai bazuto meko zuvarivo vo ikio mata ko zoleṉele eṉe. Ako vota o ṉelai bazuekake eṉe meko lai zario lelo aṉa, ni meko duki eloa elo, ni meko lai keru, ni meko kerukeruelo aṉa, Sokale avo inio aṉako zoleilo ta kobeta rapuka.

2 Koriniti 2:3

Sokale avole inio aṉata soa rikieko a eve koa leta mekasi. Aṉata pui aba ka zariovini lala inio tu kilo tu duki a melai elo me, ako meta me male tu zolelo aṉa ni pui duki ilo sole. Ako aṉata aqai nianiia ta aṉa a zoleilou keru ta me melai me zoleilou.

Iruruputo 5:12

Ni se apositolo madu ta ke erekake kubo piza kama ni aqasiele ama iruruputo se maba madu kasi. Ni sea kiadamu seke tuvevo puteni ta ke padoivake mati Solomone ko Sebesebe kale.

Iruruputo 1:14

Seta ke padoiva mati ni ke vararaita omadeu poukale, rekoreko sate ni Mere Jisu ko niania ni voko visi poso sate.

Pilipai 1:4

ni kiadama taku aṉata a melati vararaita mea kiada mela a zoleilo sate.

Jone 3:29

Ako eri nio sole: vo lasive rusu vo o raekani ko sinaqu rusu inio koa reko vo tanala, ni voa vairua roroto ala maba vo baerebaere ta o lojoake ni o didievake vo tu ota va viqo voko kilo, ni vota ota zoleike so keru vo o viqa keru voa vairua roroto ala maba ko kora. So jari nio aṉa kasi ni ko ikio aṉa ko zolelako.

2 Timoti 1:4

Aṉata a qerukerueka ṉoko deumu, ni aṉata aqai matu zaria tu ṉelo ṉo, so inio aṉata a zoleilou.

Iruruputo 2:1

Ni so keru Penetikositi ṉojola ko ṉaniu ko baroake, nio kiadamu seke tuvevo puteni ta ke padoivake kala pado zaekale.

Pilimone 1:20

So sole a baerebaere ṉa, ṉota uri ala tauvezato la eve aṉa animevo Lekasa va nabuluputo kale, ni ṉota zoleka mata aṉako bulo!