Pilimone 1:7 - BAṈARA KO VAIRU AMA LEVELEVEO

⁷ A baerebaere ṉa, ṉoko roquano ta ko matu zolela ni ko zuvarila aṉa, ako ṉota lula ṉoda ma zoleka kiadama vo Baṉara ko maba poso ko bulo sole.

Pilimone 1:7 Referans Kwoze

2 Koriniti 7:13

Ko ikio eṉe ko zuvariṉelako. Ni eṉeko zuvario ko topi tiniavo ikio mata vo Taitasi ko zoleilo ta ko matu zoleṉelake eṉe. Ako vota o ṉelai bazuekake ko mea kiada mela ta me zuvarivake vo sole.

1 Tesalonaika 3:9

So sole erisaṉa eṉeta ṉe rovea ilusivo vo Baṉara mekale avo. Eṉeta ṉevai ilusika vo eṉeko mela zoleilo kale me voko tanama kale.

2 Koriniti 7:4

Aṉata tuvevo a imela me, ni a rauraivani lala mekale avo. Kiadama eṉeko tapata poso kale aṉata zuvazuvaria lala; ni aṉata a dalia zoleilo sase.

Pilimone 1:20

So sole a baerebaere ṉa, ṉota uri ala tauvezato la eve aṉa animevo Lekasa va nabuluputo kale, ni ṉota zoleka mata aṉako bulo!

1 Tesalonaika 2:19

Eṉeta ṉeqa matu zariake soipimelo, ako meko sidopu ama saevo kale avo inio eṉeta ṉe qovou reketekete Baṉara kasi azo, ni me inio eṉeko zoleilo ko raki mela, ni me inio eṉe ṉe melai zoleiloa mela vo animevo Lekasa Jisu ko tanama kale so keru vo o vaitou keru.

2 Jone 1:4

Aṉata ada matu zoleike, so keru amai nianiiovi keru kake ṉoko meqora poso seke luluekani tuvevo ama bazu seko saevo kale, ako so inio animevo Mama o melati soruekani sole.

2 Timoti 1:16

Aṉako vararaito ta vo Lekasa ta o baisemou sea kiadamu vo Onesiporasi ko mabamu seke evani voko pade kale ako vota o zolelani aṉa kubo taku sole. Vota pui opa taka qurate ko aṉata kala pirito pade kalea lala kio,

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

1 Koriniti 16:18

ni seta ke zuvarila aṉa omadeuvo me ke imelani zuvarimelo me jari pado. Meta ma zoleimo se eri ama maba madu.