Matiu 9:4 - BAṈARA KO VAIRU AMA LEVELEVEO

⁴ Melai vo Jisu ta ota mai mamurake seko kerukeru ni vota eri ma kiolake se, “Noi sole inio ruqe ama kerukeru me ereka meko bulo kale?

Matiu 9:4 Referans Kwoze

Luke 6:8

Melai Jisu ta ota mai potoake seko kerukeru so sole vota eri kiolake voa lepu ṉase ala maba kasi. “Loje ni kua koi kuleto vasi.” Nio voa maba ta o zolaike ni o lojoake sai.

Matiu 12:25

Ni Jisu ta ota mai nianiiake seko kerukeru so sole vota eri ma kiolake se, “Kama pado toutou kale ama maba poso ta omuqa pitasa ke elou ni ke pazopazokiniou ke ṉavio kude, ta seta keta ruvurou. Ni matu peuru poso ni se saidi poso ta ke pitapitasiovou poqala poso kale ni ke pazopazokiniou ke ṉavio kude ta ke niumaekou seko elo.

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.

Jone 16:30

Erisaṉa eṉeta ṉe baqumuka ta ṉota ṉoqai nianiia kiadama quli, ṉota lula ṉoqai nianiia maba poso ke kerukeruekako kuimanao poso puliako se ṉai kuimaeko kama quli sole. Kokale eṉeta ṉe duvevo pueka ta ṉota ṉo quevini ṉa vo Baṉara kasi azo kio,” kikelake.

Luke 11:17

Melai Jisu ta ota mai potoake seko kerukeru, so sole vota eri kiolake sekasi, “Kama pado toutou kale ama maba poso ta omuqa pitasa ke elou ni ke pazopazokiniou, ta seta keta ruvurou, ni kala pado saidi omuqa pitasa ke evani ni ke sebiekiniani ta keta pitasiovou.

Iruruputo 5:9

So sole Pita ta eri kiolake kokasi, “Noi sole inio ṉo ni ṉovo lasive ta qe korotikala tu qeta qe madoevo vo Baṉara vo Tabu ala Auvana? Sea lasive rusu se kepa mutavani ṉovo lasive ta veutu ketaketa kebeta eva, ni seta mata kepa boriṉou ṉo ni ke ṉati saqorou!” kiolake.

Jone 16:19

Ni Jisu ta omai nianiiake ta seta keka zariake kuimaevo vo, so sole vota eri ma kiolake se, “Lula aṉata so kialala, ‘Puliako tu keu meta pui meba lelou aṉa, ni puliako tu keu meta mata me lelou aṉa.’ Ko ikio ko me me ṉavio kude meqai kuimaekiniake, kio?

Jone 6:64

Melai kake mela meta pui me duvevo pueka koa pesio,” kiolake. Ako Jisu ta omai nianiiovi vima sase se pui kepa tuvevo puto amu, ni vo o saiqorivo ala vo.

Jone 6:61

Nio Jisu ta omai nianiiake voko disaipeli madu ta kekai ṉuruṉuruake ko, so sole vota eri ma kiolake se, “Koa aṉako pesio ta ko maba epezimelo me kikola kio?

Jone 21:17

Ni zouke ama pado taku kale Jisu ta so kiolake vokasi, “Saimone, Jone vo meqora ṉa, ṉota ṉo roquela aṉa kio?” kiolake. Sai nio Pita ta duki ota evake ako Jisu ta ovai kuimaekake ko zouke taku “Ṉota ṉo roquela aṉa, kio?” sole, sole vota eri kiolake, “Lekasa, ṉota ṉoqai nianiia kiadama quli, ni ṉota ṉoqai nianiia aṉako tuvevoa roqueṉo ṉo kio!” kiolake. Ni Jisu ta eri va kiolake vo, “Ṉota niaeka aṉako sipi poso.

Luke 5:22

Ni Jisu ta ota ma paqumukake seko kerukeru so sole vota eri ma kiolake, “Noi sole inio meta me dukieka soama kerukeru meko bulo kale?

Maka 12:15

Melai Jisu ta lula obe tamai nianiia seko ruqe ama vatolo, sole vota eri ma kiolake, “Meta mela zaria pala inio madoelo aṉa! Kati kuemoni ka pado koa siliva seleni tu a qelo,” kiolake.

Maka 2:8

Melai vo Jisu ta ota mai mamurake seko kerukeru ni vota eri ma kiolake se, “Noi sole inio meta soama kerukeru me ereka meko bulo kale?

Luke 7:40

Sai nio Jisu ta o pesiake ni vota eri kiolake vokasi, “Saimone, omadeu quli kio aṉata aqa zaria ṉai bazueko ṉo,” kiolake. Nio vota eri kiolake, “Zio, tanala, lai bazueka,” kiolake.