Biblia Todo Logo
Bib sou entènèt

- Piblisite -




Matiu 8:20 - BAṈARA KO VAIRU AMA LEVELEVEO

20 Melai Jisu ta o vati tiorikake vo, ni eri kiolake vokasi, “Ko miduku kale ama biaṉa poso ta ikoana koko mamazo ko zae poso, ni ko okale ama biaṉabiaṉa poso ta ikoana koko ere, melai aṉa maba a eveni lala ta puliama zae salala tu a mamazoa koi,” kiolake.

Gade chapit la Kopi




Matiu 8:20
35 Referans Kwoze  

Nio kota ko alilivake kovo ito ala lasive meqora, ni kota ko sudevake rosi ama suma kale ni ko tekuevake bianabiana poso ko vuatakoi—koa mamazo ko pade ko poro kale ta puliama nioqako zae tu qo amaqeo ni qokai elo sole.


Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.


So sole seta ke olake taukavole ni kepa keake Mere ni Josepa, ni ke veake voa salua obeta tekuani biaṉabiaṉa poso ko vuatakoi.


Ko quli me tuvevo ko mela iko ama quli komi ta, meta me velou voa suma sudesude ala salua ta obeta tekua biaṉabiaṉa poso ko vuatakoi,” kiolake vo mateana.


ni Joana, Kuza ko reko Herodi vo raura kala nabulu, ni Susana, ni mata kubo rekoreko, se kemai tauvekeni Jisu ni voko disaipeli madu seko lomaloma ni seleni.


Vo o ruqe kaselo ala aṉa maba a eveni lala ta kota va akoilou koa sarueko. Melai vo o ruqe kasevo ala vo Tabu ala Auvana ta pui kopa tava akoilou koa sarueko komia miduku kale ni mata tova aukale.


Nio vo Jisu ta eri kiolake sekasi, “Aṉata a bazuemela me, tovama ṉaniu kale aṉa maba a eveni lala a bapuvou keru aṉako ṉaṉaidara kama lekasa puo ko papupapu topi nio me aṉako toni omuqa lulupato ko maba poso mela melai me bapuvou aṉa sate me ṉaviko papupapu topi, ni mema lekasa puovou koa toni omuqa toutou Izireli.


Nio seke saqora keru sopu kale azo, nio Jisu ta o bazuemake sea zouke disaipeli madu ni eri kiolake sekasi, “Mata puliala mevai bazuekou koa kelokelozato meme qeako ti kobeta barolou aṉa maba a eveni lala ko mata saevo voukale azo.”


Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.


Nio vo Jisu ta ota olake voko disaipeli madu sate Sizaria Pilipai matu peuru ko ketaketa, sai nio vota o kuimaemake o disaipeli madu ni eri kiolake sekasi, “Lala lala ta bela kikela maba madu aṉa maba a eveni lala?” kiolake.


Vo Jona ta o eve zouke ṉaniu zouke ipu matuma niuniu ko siapa kale, ni so jari inio aṉa maba a eveni lala ta zouke ṉaniu zouke ipu a elou se voumu ko zaekale.


Ako aṉa maba a eveni lala inio koko Raki lala sole ko Sabati,” kiolake vo Jisu.


Nio vo Jisu ta eri kiolake sekasi, “Voa maba vo o papakani uri ama rui ta vo inio vo maba o eveni.


Ako voa maba vo ota la qurato ala aṉa ni aṉako nianiiekato se oqu pide amu ni boutare sama maba poso kasi komia taku kale amu, ta aṉa maba a eveni lala melai ada va zoliovou voa maba so keru aṉa a vaitou keru aṉavo Mama ko ṉaṉaidara kale ni voko mateana madu sase.”


Nio Jisu ta eri kiolake vokasi, “Ko miduku kale ama biaṉa poso ta ikoana koko mamazo ko zae poso, ni ko okale ama biaṉabiaṉa poso ta ikoana koko ere, melai aṉa maba a eveni lala ta puliama a ṉaviko zae salala tu sai aṉa a mamazoa koi,” kiolake.


Ni Jisu ta mata eri kiolake, “Aṉata a bazuemela me, vo o bazubazuemo ala se maba madu ko vota aṉavo inio, aṉa maba a eveni lala melai a bazuemou vo Baṉara ko mateana poso ta vota aṉavo inio.


Aṉata a bazuemela me, vota o korotimou ni taukavole o tauvemou se. Melai noi nio, so keru aṉa maba a eveni lala a vaitou keru miduku kale ta a melou kubo maba madu se kelai oquani aṉa ma pui kio?” kiolake.


So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.


Nio vota eri kiolake sea kiadamu kasi, “Tuvevo avole aṉata a bazuemela me, mea kiada mela ta me qelou ko au ko veukazio, ni vo Baṉara ko mateana madu ko koilo ni saqoro aṉa maba a eveni lala tona,” kiolake.


Ako puliala me azo ta opa koivi aukale, melai aṉa maba a eveni lala inio a jaqoreni aukale azo.


“Ni omadeuvo lulavo vo Mosese ta o zolaeke o ṉavi o erekema lipalipa dole kotoku topi lealea kama zaekale, se maba madu ke kevema ni ko saevimema, so jaria zolailo inio a elou aṉa maba a eveni lala,


Meta pui ka iruruputo koko sapeovo ama sailao melai ka iruruputomo koa sailao koko melati barolo ama noqola kama saevo kale. Koa sailao ikio aṉa maba a eveni lala a qatimelo ama me, ako aṉa inio vo Baṉara voa Mama aṉa lula ola zoleini lala,” kiolake.


Nio Jisu ta eri kiolake sekasi, “Tuvevo avole aṉata a bazuemela me: meta pui me quovou aṉa maba a eveni lala ko marabau ni pui me nozuekou aṉako dara ta meta pui meba kovou ko tuvevo ama saevo meko saevo kale.


Sole noi nio meme dova lelou keru aṉa maba a eveni lala ko tova koilo aukale sai aṉa a quevikoi kazo!


Nio sea vaki ta ke vati tiorikake ni eri kikelake, “Eṉeta ṉe viqa eṉeko Bazu kale ta vo Baṉara o soroevani Pakio ta noqola elo ota elou kio. Ta loma ko kio kale inio ṉota vo maba o eveni ta ke zolaevou miduku kale azo kiṉola? Lala inio voa maba o eveni va kiṉolani?” kikelake.


Ni lula vo Jiudasi o vaemake se saita inio Jisu ta kasavole eri kiolake, “Erisaṉa aṉa maba a eveni lala ko ṉaṉaidara ta ko puratou, ni vo Baṉara ko ṉaṉaidara ta piza kavole ko puratou aṉa kale kude.


Nio eri kiolake, “Keatini! Ko au ta kota veukaziola ni vo maba o eveni Jisu ta obeta lojoa Baṉara ko palo rana vasi!” kiolake.


Swiv nou:

Piblisite


Piblisite