Matiu 4:12 - BAṈARA KO VAIRU AMA LEVELEVEO

¹² Nio vo Jisu ta ota va viqake Jone ta ke amaqiva pirito pade kale nio vota ota olake Qalili rana.

Matiu 4:12 Referans Kwoze

Maka 1:14

Ni Jone Bapitaiso ke pirieva ko tova, nio Jisu ta ota olake Qalili ranama peuru poso kale ni okai bazubazutake vo Baṉara ko Uri ama Bazu.

Luke 3:20

So sole vo Herodi ta o kati paqulikake mata kama pado ruqe voko matu ruqe ama iruruputo kasi; vota o soroemake voko solodia madu ni ke vaevake vo Jone pirito pade kale.

Matiu 14:3

Vo Herodi ta soa pesio ota evake ako lula buti nio vota o soruemevo voko solodia madu ni ke noqoeve vo Jone, ni ke pirieve vo seini kale ni ke vaeve vo pirito pade kale. Vota o erekake ko quli ko Herodiasi ko zario kale avo, vo o raekema, melai kota vovo kaka Pilipi ko reko ikio.

Jone 3:24

Ako so keru ta pui nio ke noqoeva ni ke vaeva pirito pade kale vo Jone sole.

Luke 4:14

Nio Jisu ta ota vaitake Qalili rana, ni vo Tabu ala Auvana ko pizato ta ko evake vo tona. Nio voko bazu ta kota va aerake koa pado ama Qalili.

Maka 6:17

Vo Herodi ta soa pesio ota evake ako lula buti nio vota o soruemevo voko solodia madu ni ke noqoeve vo Jone, ni ke pirieve vo seini kale ni ke vaeve vo pirito pade kale. Vota o erekake ko quli ko Herodiasi ko zario kale avo, vo o raekema, melai kota vovo kaka Pilipi ko reko ikio.

Jone 4:54

Ko ikio koa omuqama aqasiele ama iruruputo vo Jisu o erekema Jiudia ranʼazo o kuevi keru Qalili rana.

Jone 4:43

Ni voko omuqa ṉaniu ko elo ko tova inio vo ni voko disaipeli madu ta keta olake Qalili rana.

Luke 4:31

Ni Jisu ta o olake Keponeami, kala pado peuru Qalili ala, ni sai nio vota o nianiiekimake se maba poso Sabati ṉaniu kale.

Matiu 11:2

Ni vo Jone Bapitaiso ta pirito pade kale obeta eva keru nio vota o viqake Karisito ko aqasiele ama iruruputo ni vota o soroekake omuqa voko disaipeli kidi vokasi,

Luke 23:5

Melai seta kevai matu titiake vo Paelati ni eri kikelake, “Voko nianiiekato kale inio ko niumaniumato ko kerukeru ta lula ko tanita kiadama maba kasi se Jiudia peuru poso kale ke evani maba poso kasi. Vota o tanieke Qalili peuru poso kale ti obeta baroa koi vairutu,” kikelake.

Jone 1:43

Ni koko raneo kale inio Jisu ta ota zio kiolake Qalili rana, so sole vota o zolaike ni ota olake. Ni vota o veake vo Pilipi sai ni eri kiolake vokasi, “Luluela aṉa!” kiolake.

Jone 2:11

Jisu ta o erekake koa kuleto ama voko aqasiele ama iruruputo Kena peuru kale sai Qalili, ni koa kalo kale vota uria kasa o ikake voko ṉaṉaidara, ni voko disaipeli poso ta ke tuvevo puevake vo.