Matiu 3:9 - BAṈARA KO VAIRU AMA LEVELEVEO

⁹ Ni meta pui eri kio me ṉavio kude, ‘Ebarahami nio eṉevo taite kio, ni so inio eṉeta ṉeda ka lapasou koko kilo ama koqotato,’ pui so kimevou. Aṉata a bazuemela me, vo Baṉara ta o roveo nio varieko vo Ebarahami ko vikuvikula komia lado kale sole!

Matiu 3:9 Referans Kwoze

Luke 3:8

Meta erekomo ko quli ko kasa ko iko ama ko meta lula meda lilizia meko sarueko poso kale azo kikovo ama quli, saita inio me qilou ni bapitaiso me elou. Ni meta pui tanieko eri kio me navio kude, ‘Ebarahami nio eṉevo taite kio, ni so inio eṉeta ṉeda ka lapasou koko kilo ama koqotato,’ pui so kimevou. Aṉata a bazuemela me, vo Baṉara ta o roveo nio varieko vo Ebarahami ko vikuvikula komia lado kale sole!

Jone 8:33

“Eṉeta Ebarahami ko vikuvikula ṉela inio, ni eṉeta pui mabaku ṉela. Nio loma ikio koko kalo ko ‘Meta me rupasiovou’ ka kiṉolako?” kikelake.

Romu 4:1

Sole noi nio ka kiavoavo vo eṉe Jiu amu ṉela vo kuleto ala taite Ebarahami ko saevo kale ko ereima quli ko podepodeti?

Iruruputo 13:26

“Aṉako mabamu mela me Izireli amu mela, vo Ebarahami ko vikuvikula kalea mela, ni kiadama pui Jiu amu mela meme ilusivani mela vo Baṉara: anime kasi inio ko soroi komia pakiezato ko bazu!

Luke 16:24

So sole vota o nokaeke, Taite Ebarahami! Roquela aṉa, tu soroeva vo Lazarasi tu o dulueko voko seseu jukale tu opa talai tibiatiko a lenio tu saroro kola iko, ako aṉata ada matu tolaiva komia uza ko poro kale sole!’ kiolake.

Jone 8:53

Eṉevo taite Ebarahami ta lula ota vovi; noi sole inio ṉoda va paloaso vo Ebarahami kiṉola? Ni se poropita madu melai lula keta vovi. Nonia kerukeruilo inio ṉo evani ṉo ṉavi?” kikelake.

Luke 5:22

Ni Jisu ta ota ma paqumukake seko kerukeru so sole vota eri ma kiolake, “Noi sole inio meta me dukieka soama kerukeru meko bulo kale?

Maka 7:21

Ako vo maba ko bulo kale azo inio ko saqora voko ruqe ama vatolo, ni ko ikio ko odieva vo tu o pauvezato, ni o kuilo, ni o vouvato,

Iruruputo 15:14

Saimone ta lula zakaremu o ike vo Baṉara o imevoa mati vailo se pui Jiu amu tu vota o movo kake tu seta o ṉaviko maba madu ke elo.

Luke 19:40

Nio Jisu ta o mati tiorikake se ni eri kiolake, “Aṉata a bazuemela me, ke moizailou se tea, ko lado poso ta kota tanito nio velavelao,” kiolake.

Luke 7:39

Ni so keru voa Parese o kea keru koa iruruputo inio vota eri kiolake voko kerukeru kale, “Nea maba ta tuvevo ala poropita tea, vota okai nianiio nio komia reko koko tibaevako vo, ni ota kai nianiio nio koko matu ruqe ama ni sarueko sama saevo koko elo kale!” kiolake.

Luke 12:17

So sole vota o kerukerutake ni eri kiolake, ‘Puliama kama pado zae tu aṉata a vaeko kiadama aṉako sailao. Sole noi nio a qalou?

Jone 8:37

Aṉata a melai nianiia meta vo Ebarahami ko vikuvikula mela inio kio, melai meta mebe la abamata tu me vouvaelo aṉa, ako meta pui meba ṉeamukou aṉako nianiiekato sole.