Matiu 3:1 - BAṈARA KO VAIRU AMA LEVELEVEO

¹ Koa taku kale, vo Jisu obeta eva keru Nazareti, inio vo Jone Bapitaiso ta o taniekake bazubazuto Jiudia rana lealea kama zaekale.

Matiu 3:1 Referans Kwoze

Luke 1:76

“Ni ṉo aṉavo meqora ṉa, ta vo Matu Raura kala Baṉara vo poropita keṉai nokaekou. Ṉota ṉo elou puliako vo Baṉara ko pakiezato elo ni ṉota ṉova inainaekou voko keve,

Matiu 11:11

Ni Jisu ta obeta olake pesio ni eri kiolake, “Aṉata a bazuemela me, vo Jone ta raura kala kiadama maba poso ke alilani peuru ma peuru kale, melai vo matu zara kala maba Baṉara ko lekasa puo kale ala ta ovai paloasa vo,” kiolake.

Maka 1:15

Ni eri kiolake, “Ko tutututuki ama taku ta kobeta kueva, ni vo Baṉara ko lekasa puo ta sipole! Tu meta liliziomo meko ruqe kale azo ni tuvevo ikomo ko Uri ama Bazu,” kiolake.

Matiu 16:14

Ni seta eri kikelake, “Kake ta Jone Bapitaiso ṉa ṉa kikela. Mata kake ta Ilaija ṉa ṉa kikela ni kake ta Jeremaea ṉa ṉa kikela. Ni mata kake ta mata kala poropita ṉa ṉa kikela,” kikelake.

Luke 7:24

Ni vo Jone o soroekeni nioqa lula qo olake saita inio Jisu ta ovai bazubazutake vo Jone koa matuma vaki kasi, ni eri kiolake, “So keru meme qeve keru lealea kama zaekale viqole Jone ko bazubazu ta noni ala maba inio me meba velou va kimeveni? Kala lekuleku ala maba, seulele ko leko jari ala ko ururu ko viliviliekako? Pui!

Matiu 11:7

Ni vo Jone o soroekeni nioqa qo vaeva keru vo Jisu inio Jisu ta ovai bazubazutake vo Jone koa matuma vaki kasi, ni eri kiolake, “So keru meme qeve keru lealea kama zaekale viqole Jone ko bazubazu ta noni ala maba inio me meba velou va kimeveni? Kala lekuleku ala maba, seulele ko leko jari ala ko ururu ko viliviliekako? Pui!

Matiu 3:8

Meta erekomo ko quli ko kasa ko iko ama ko meta lula meda lilizia meko sarueko poso kale azo kikovo ama quli, saita inio me qilou ni bapitaiso me elou.

Matiu 21:32

Kota so ko kava ako meta pui tuvevo meba ive sole vo Jone Bapitaiso, vo o kuevini mela kasekole ko sidopu tu meta me erekou. Melai se takisi ke koani ni seke sasave putani inio ke tuvevo pueve, melai meta mebe keve seko kalo, melai meta pui meba besieke meko kerukeru tu me duvevo puevo vo sole,” kiolake vo Jisu.

Maka 1:2

vo Baṉara ovai bazuekema vo poropita Aisea tu eria rikieko o elo, “Baṉara ta eri kiolake, ‘Aṉata a joroevou aṉavo talitalio ko maba ṉoko kuleto tu oṉa inainaekou ṉoko keve,’