Matiu 27:54 - BAṈARA KO VAIRU AMA LEVELEVEO

⁵⁴ Ni so keru se solodia madu ni sevo kuleto ala kebe vati vailani vo Jisu ke kea keru ko nunu ni kiadama quli sai ko ereima, seta keta matu ṉavaike ni eri kikelake, “Koe, matu tuvevo nei ta vo Baṉara vo Meqora tivoine!” kikelake.

Matiu 27:54 Referans Kwoze

Maka 15:39

Ni vo solodia madu vo kuleto ala vo obeta lojoani korosi ko kuleto o kea keru Jisu ko vou, vota eri kiolake, “Koe, matu tuvevo, nea maba ta vo Baṉara vo Meqora tivoine!” kiolake.

Matiu 27:36

Ni koko tova inio seta keta papuake sai ni ke vati vaitake vo Jisu.

Matiu 27:43

Ako vota tuvevo o ivani vo Baṉara, kiolani, ni okai nokaivani Baṉara vo Meqora. Sole me velo, Baṉara ta obe pakievou vo ma pui,” kikelake.

Iruruputo 27:43

Melai vo sirula ta ova zariake pakievo vo Paula, so sole vota o dokolimake se tu seta pui ke vouvaemo se. So sole vota o bazuemake se tu seke roveani ruazo ta kuleto ke jouro vaka topi azo tu ruazole ke vareriko keta kale;

Iruruputo 27:1

Ni so keru seke vatoeka keru tu eṉeta ṉeda pakeo vaka kale Itali, inio Paula ni mata kake maba poso pirito pade kale ke evani ta ke vaemake kala Romu ala sirula ko ṉase topi, Juliasi o ṉi sala. Vota kala pado vo “Romu ala Matu Aikovakova ko Vaki Poqala” kale ala.

Iruruputo 23:23

Nio vo solodia madu vo kuleto ala ta o nokaekake omuqa voko sirula kidi ni eri ka kiolake, “Qeta inainaemoko omuqa paizana solodia madu tu ke zio Sizaria peuru kale, sikeura toni solodia hose topi ke zazuani sate, ni omuqa paizana sopere ke borikani sate, tu ke vaekou koi oduadu ipu kale siakava koloko kale.

Iruruputo 21:32

Nio taukavole vota o odiemake kake solodia madu ni sirula madu, ni taukavole ke saqorake sea matuma vaki kasi. Ni so keru sea maba poso ke mea keru se solodia madu, seta keta epezake pazovo vo Paula.

Matiu 8:5

Ni vo Jisu ta o amaqeake Keponeami peuru kale inio kala Romu ala sirula ta o olake tutumazi avole Jisu kasi nio vota ovai zaivotake ni eri kiolake,

Matiu 4:3

So keru nio vo Setani ta o baroake vokasi ni o zolizolievake vo ni eri kiolake, “Ṉota vo Baṉara vo Meqora ṉa sole bazueka komia lado tu sailao ko elo,” kiolake.

Kelokelozato 11:13

Koa taku kale inio matuma nunu ta kota evake; ni matu kubo pade matu peuru kale ama ta kota biresuake, tonitoni pade kale azo inio omaomadeu pade kota biresuake, ni sikeura vuro maba poso ta keta vouvake. Koa pado ama vaki ta keta polosake ni ke ilusivake vo aukale ala Baṉara.

Romu 1:4

melai vo Tabu ala Auvana ko pizato kale, Baṉara ta kasa o ivake vo Jisu ta vota Baṉara vo Meqora inio, vo o saevive keru vo voukale azo voko pizato kale.

Iruruputo 23:17

Nio Paula ta o nokaevake kala pado se sirula poso kale ala, ni eri kiolake vokasi, “Vati ola nea vairu ala maba se solodia madu vo kuleto ala kasi, vota oka zaria tu ovai bazueko vo kama quli sole,” kiolake.

Iruruputo 10:1

Ni kala pado maba ta obeta evake Sizaria peuru kale Koniliasi va kikelani, vota kala sirula Romu ama pazokinio ko maba poso vo. Voko vakimuo ko poqala ko ṉi ta “Itali ama vakimuo ko poqala” ikio.

Iruruputo 2:37

Ni so keru se maba madu ke viqa keru ko quli, kota kota ma jataekake seko bulo ni eri kikelake Pita ni sea kiadama apositolo madu kasi, “Baerebaere poso, sole eṉeta noi nio ṉe qalou?” kikelake.

Jone 19:7

Melai se Jiu amu ta ke tiorizatake mata, “Eṉeta kama bazu saṉela ko vota o male tu o vou kikolako, ako vota okai rairizia ta vota Baṉara vo Meqora inio kiolani sole,” kikelake.

Luke 22:70

Nio sea kiadamu ta eri kikelake, “Koe, sole ṉo inio vo Baṉara vo Meqora ṉa kio?” kikelake. Ni vota eri kiolake sekasi, “So me kimelani nio ko aṉa,” kiolake.

Matiu 27:40

ni eri kikelake, “Ṉo inio ṉo biresukou ko Jelepade ni zouke ṉaniu kale mata ṉo dova orumukou kiṉolani ṉa! Sole pakiovi ṉo ṉavi, vo Baṉara vo Meqora ṉa ṉo elou ta! Ni saqore koa korosi topi azo!” kikelake.

Matiu 26:63

Melai Jisu ta pui o pesiake. Nio vo Nisa Siama ta mata eri kiolake vokasi, “Vo saevola Baṉara ko ṉikale aṉata maulu aṉa pika. Tu ṉota bazueṉela eṉe, ṉo inio voa Pakio ṉa vo Baṉara vo Meqora ṉa?” kiolake.

Matiu 27:51

Nio ko Jelepade kale ama suma otu ta omuqa teze kota evake, koko okate azo ko tanita ti ko raki kale. Ni ko miduku ta kota vezovezokatake, ni ripi ta kota potapotasiake,