Matiu 23:8 - BAṈARA KO VAIRU AMA LEVELEVEO

⁸ “Melai meta pui meqa zariovo tu maba poso ta ke mela nokaekou me titisa ni tanamu. Ako meta omadeu tamania mela sole ni omadeu pado inio mevo Titisa ni Tanala sole.

Matiu 23:8 Referans Kwoze

Jemisi 3:1

A lolo poso mela, pui uri tu kubo mela ta lotu kale ama nianiiekato ko maba poso elo. Ako meta meqai nianiia ta eṉe lotu kale ama nianiiekato ko maba poso ṉela ta ṉe qovou ko Baṉara ko matuma kuiripato kokai paloasako se pui nianiiekato ko maba poso ke kovo ama, ruqe ṉe erekou ta.

1 Pita 5:3

Ni meta pui mema rauraraurailou sea lotu maba madu kasi se me mati vailani, omadeuvo ruqe ama lekasa poso jari, melai meta uri ama kalo erekomo sekasi, tu seta ke luluekou meko uri ama kalo.

Luke 22:32

Melai aṉata lula a ṉati vararaitala ṉo, Saimone, tu ṉoko oqu ta pui ko maba epezou. Ni so keru mata ṉo ṉola lilitou keru aṉa, ta ṉota ṉo pizatimou ṉoko visi poso,” kiolake.

Matiu 23:10

Ni meta pui meqai nokailou ko odikato ko maba mela, ako mevo odikato ko maba ta omadeu pado inio sole voa Pakio vo Baṉara o pitoeveni.

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.

Kelokelozato 22:9

Melai vota eri kiolake aṉa kasi, “Ṉota pui ilusilo aṉa! Aṉata kala pado ṉokale ala nabulu lala sole, ni ṉoko lotu tamania kalea lala, ni se poropita madu ni seke zorikani komia buka kale ama bazu kalea lala sole. Ṉota ilusiva vo Baṉara o kiada!” kiolake.

Kelokelozato 19:10

Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.

Epesasi 3:15

vo o puratikeni ni omai katikeni koko ṉi kiadama toutou ni tamania aukale ama ni miduku kale ama.

2 Koriniti 4:5

Ako eṉeta pui ṉeqai bazubazuta ṉe ṉavi kale avo melai eṉeta ṉevai bazuta vo Jisu Karisito inio Lekasa kio, ni eṉeta meko nabulu poso ṉela vo Jisu ko kio kale sole.

2 Koriniti 1:24

Aṉata pui aqa zaria zuruzuruemelo me tu me zoriko aṉako vatolo kiadama quli kale meko oqu ko saevo kale ako eṉeta ṉe baqumumela ta meta piza kamela oqu kale. Melai eṉeta omadeu iruruputo ṉe melati eva me tu meko zoleilo ta matu ko elou.

Matiu 26:49

Nio vo Jiudasi ta tutumazi avole o olake Jisu kasi ni eri kiolake, “Matu uri, tanala,” kiolake, ni o luluevake vo.

Matiu 10:25

So sole vo o sikuluputani ta ota zoleilou, ruqe ke ivou ma uri kebe ivou melai, omadeuvo vovo nianiiekato ko maba ke ivani jari, ni vo nabulu ta ota zoleilou, ruqe ke ivou melai, omadeuvo vovo lekasa ke ivani jari. Sea maba poso se kelai kaikuapani aṉa inio kelai nokaeka aṉa Setani aṉa mevo odikato ko maba lala, sole me aṉako maba poso mela ta ke melai kuirikou matu ruqe ama ṉi meko kana madu.

Matiu 23:7

Ni seta keka zariani tu maba poso ta ke rauraemo se tatabarao ko zaekale ni kemai nokaekou se seko tanamu ni titisa.

Matiu 26:25

Nio vo Jiudasi vo o saiqorivo ala vo Jisu ta eri kiolake, “Tuvevo, Lekasa, sole aṉa inio esa ma?” kiolake. Nio Jisu ta o vati tiorikake ni eri kiolake, “Tuvevo ṉo ṉavi kiṉolani jari,” kiolake.

Maka 9:5

Nio Pita ta eri kiolake Jisu kasi, “Lekasa, matu uri nio eṉeta koi ṉo sate. Sole uri tu eṉeta ṉe ereko koi zouke kokukoku, kala ta ṉovo, kala ta Mosese vo, kala pado ta Haija vo.”

Maka 10:51

Nio Jisu ta o kuimaevake ni eri kiolake, “Loma ikio ṉoqa zaria tu aṉata aṉa ereko ṉo?” Nio vota o vati tiorikake ni eri kiolake, “Lekasa, aṉata aqa zaria keazato,” kiolake.

Maka 11:21

Nio Pita ta o kerukeruekake Jisu ko vati levezo voa piqi ore, ni eri kiolake, “Keatini tanala, vo piqi ore ṉoṉo vati levezalani ta lula ota kajaola!” kiolake.

Maka 14:45

Nio vo Jiudasi ta tutumazi avole o olake Jisu kasi ni eri kiolake, “Tanala,” kiolake ni o lumevake vo.

Jone 1:38

Ni Jisu ta o lilitake ni o keake nioqata qope luluevake, nio o kuimaekake, “Loma ikio qeqe vailika?” kiolake. Nio nioqata qo vati tiorikake, “Titisa, lai nio ṉoṉo evakoi?” kiqolake.

Jone 1:49

“Tanala, abe paqumuṉa ta ṉo inio vo Baṉara vo Meqora ṉa! No inio se Izireli amu vo Aikovakova ṉa!” kiolake.

Jone 3:2

Ni vota o kuevake Jisu kasi ipu kale nio eri kiolake vokasi, “Eṉeta ṉeṉai nianiia, ṉota kala pado Titisa ṉa ṉo joroini ṉa Baṉara kasi azo. Ako ṉota pui ṉoba roveovou ereko ko aqasiele ama iruruputo ṉoṉo erekako, puliama Baṉara ko pizato salaṉa tea,” kiolake.

Jone 3:26

Ni seta ke olake Jone kasi ni eri kikelake, “Titisa, ṉota ṉobe kerukerueva voa maba vo ṉo sase o evani Jodani sukuru koa pake, vo ṉoṉo qaseveni, kio? Vota ota bapitaiso puta, ni kiadama maba madu ta kevai ola vo sai!” kikelake.

Jone 4:31

So maqa inio se disaipeli madu ta kevai titiake vo Jisu, “Titisa, keazate ko sailao!” kikelake.

Jone 6:25

Nio so keru seke varerika keru koa toupa ko kama pake seta ke veake vo Jisu ni seta eri kikelake vokasi, “Tanala, noi keru inio ṉoda barola koi?” kikelake.

Jone 9:2

Nio voko disaipeli madu ta ke kuimaevake vo, “Tanala, lalako sarueko kale inio voa maba ta leqa alilo ota eve? O ṉaviko ma o mama ni niania kanioqa ko sarueko kale kio?” kikelake.

Jone 11:8

Ni se disaipeli madu ta ke vati tiorikake vo, “Tanala, maba vairutu inio saizamu kebe ṉa zarilavo taiṉo ṉo lado kale, melai ṉota ṉo bitoeka vaito sai!” kikelake.

Jone 20:16

Nio vo Jisu ta eri kiolake, “Mere!” kiolake. Ni kota taukavole ko lilitake vokasi, ni eri kikolake, “Raboni!” kikolake Hiburu pesio kale, se Jiu amu ko pesio. Koko kalo ta “Nianiiekato ko maba,” kio kio ko so.

Pilimone 1:16

Ako erisaṉa ta vota pui kala mabaku ala pala inio sole, melai ikoana vokasi ko kokai qulepako voko mabaku elo: vota anime Karisito ko tamania mela kale ala. Vota matu qulepo ala aṉa kasi, ni maba matu ti matu qulepo ala ṉokasi, voko mabaku elo kale melai, voko Lekasa ko tamania kale elo kale melai.